REVELATION 2

WBT

‹ Chapter 1 REVELATION — All Chapters Chapter 3 ›

1 Udauna�an ukian õ�ati, “Pusaada pukaaritan Angel ati wuru�u awunuutapa�oraz choochi Ephesus ia�oraz: “Dii wuru�u kuwaiz tawuru di�iki�ora�a, zaamatapa�oraz 7 wizinao, padiwa�ora antanpu�o paka�u ida�a, na�iki uruu chi�ika�anpa�oraz wunao bii ana�a 7 lampanao saabatinapa-kizi, toma-kariwaiz gold idi. 2 “�aitapa ipai kanom unao sha�apaapanii. �aitapa dadara ukaudinan na�iki utuuda ipai kasha�ora kida�o sha�apa�o u�ati, na�iki aona�o nii uaipan oiainao pidannao kakinaopan unao, na�iki õaitapa utiwaa-kidapanii mariidinauzonao apostle-tinpa�azoinao, utukapa�azon idi ĩkuwaa mishiin. Mazan aonaa umishidan ĩkakinaori. 3 �aitapa utuuda kasha�ora kida�oraz ubaiaapaniaz õdikin ii na�iki aonaa ukashadinan. 4 Mazan kaina�a õkowaada�azon u�ati aona�o õnaudapan usha�apatan. Aona�a naa umarainpan õgaru aizii, umarainpauzon kawan da�i õgaru kiwiin. 5 Udi�itapa na�apam umarainpan õgaru kiwiin. Aizii aona�a naa umarainpan õgaru na�apa. Ukau�an utanawatina�a naa u�oian ai, usha�apata kizi�i naa usha�apatauzonii kida da�i kiwiin. Mazan umatanawatinkan an u�oian ai õzikadan nii wuru�u ulampan saabatinapa-kizi pawiizi iki. 6 “Mazan õaitapa kaina�a bauda�apa aimaakan usha�apatanii kaimana�o, aonaa unaudapan Nicolaitannao sha�apaapaniaz, õgaru aonaa õnaudapan kapamazu. 7 “Puabatan an na�apam õkian, ukau�an puabata�a naa na�apam Doronai kian choochinao ati! Kanom ma�ozaka�o na�iki wazoota�o oia�o, õtaapadan nii unikan wuru aka�a paoribai taa�oraz kakupa-kinai, Tominkaru di�ia�oraz." 8 Udauna�an ukian õ�ati, “Pusaada pukaaritan Angel ati wuru�u awunuutapa�oraz choochi Smyrna ii: “Dii wuru�u kuwaiz tawuru�u kiwiitapa�oraz na�iki dawu�itiini�oraz di�iki�o, uruu mawaka�oraz na�iki kakuda�oraz powaa iti koshan. 9 “�aitapa pataka�utinainao unao, aonaa ukasha�apauzin, mazan unao kapuraatanu�o udoronaa ii! �aitapa oiaiman kida wunao kabootan paparadan u�ati�i taapinpa�azoinaouz Jewnao nii, aonaa Jewnao mani ĩdyaun. Ĩnao baokopa Satan di�iti�o ĩzaamatinpan. 10 Mana�a pa�i utaria�a naa aimaakan kida ai maonapa�o ni�oraz naa ubaiaapan. Uabata! Satan tiwaa-kidapan nii unao, utaraa-kidan ida�an ubii iki pidannao, na�iki ubaiainpan nii 10 kamoo. Pakawan pa�i umishida õgaru, atii uzowia�azoo-kao di�iti õdikin ii, na�iki õtaan nii kakupa-kinai uwinipa nii. 11 “Puabatan an na�apam õkian, ukau�an puabata�a naa na�apam Doronai kian choochinao ati! Kanom ma�ozaka�o na�iki wazoota�o oia�o, aona�o nii ubaiaapan wuru�u itamautanuz mawaka-karu." 12 Udauna�an ukian õ�ati, “Pusaada pukaaritan Angel ati, wuru�u awunuutapa�oraz choochi Pergamum ii: “Dii wuru�u kuwaiz tawuru di�iki�ora�a taapa�oraz marii dimana�o, dya�utama�oraz udabaazi kida dimanainpan. 13 �aitapanii wuru�u unao mashaapa-kiziz, na�ia�o Satan naobanai-tinpan. Upu�u pakawan unao da�anpan õgaru na�iki aonaa umarina�atan umishidan õgaru, atii tawuru dono�o Antipas kakuwaapatinauzon dono õdau�u na�iki aonaa umarina�atan pamishidan õgaru, atii uzowiauzo-kao na�ii Satan naobanai-tinapa-kizi ii. 14 “Mazan kaina�a masakauda�u aimaakan aonaa õnaudapan usha�apatan: kaina�a pabi�i kida pidannao unao bii�i da�anpainao Balaam kakinaori; uruu dyuuda�oraz Balak sha�apata-kidan oia�o kida Israelitenao ati, ĩnikan ida�an wanyukunui kida taa-kariwaiz ba�oran tominkarunao ati, na�iki udyuudan ida�an ĩkiaapaakan madoronaa-daun kapam. 15 Na�apa kapam kaina�a pabi�i kida pidannao ubii�i da�anpainao Nicolaitannao kakinaori. 16 Aizii, utanawatina�a naa u�oian ai, mazan umatanawatinkan an, kadimana�o ni�i naa õwa�atin u�ida�ati, õmizaataaka�anan wunao tuma�a matanawatin-kainaouz. �mizaataakan nii wuru ida�ana�a, marii dya�utama�oraz udabaazi dimanainpan, kodita�oraz õdako iki. 17 “Puabatan an na�apam õkian, ukau�an puabata�a naa na�apam Doronai kian choochinao ati! Kanom ma�ozaka�o na�iki wazoota�o oia�o, õtaan nii u�ati diza-kariwaiz manna. �taan nii kapam ipai ĩkawana�ati baraka�o kuba, na�a�o nii upaawa�a pa�ina�o uuai saadinpan. Aona�o nii ba�oran pidan aitapanuz, soo wuru�u zaamata�o ni�oraz pa�an aitapazu." 18 Udauna�an ukian õ�ati, “Pusaada pukaaritan Angel ati, wuru�u awunuutapa�oraz choochi Thyatira ii: “Dii wuru�u kuwaiz Tominkaru Dani di�iki�o, uruu tawuru�u pururu�ukappa�oraz uawun tikazi kawan, na�iki wizi�i�oraz ukidiba chipirari wizi�ii-kariwai kawan. 19 �aitapa ipai kanom usha�apaapanii. �aitapa pakawan utaapan umarainpaakan, umishidan õgaru, ukamunan-kidaakan u�atiaaka na�iki utuuda kasha�ora kida�o ubaiaapanii. �aitapa powa�a zii usha�apatan kaimana�o kiwiitapa�o ai. 20 “Mazan kaina�a õkowaada�azon aimaakan u�ati aona�o õnaudapan usha�apaapan: utaapada zii wuru�u zun Jezebel kakinaopan unao. Oroo, mariidapa�oraz pakowaadapan Tominkaru paradan õpidanannao ati. Okakinaopan õpoitorunao pana�iti�o karikaonan, odyuudan ida�an ĩkiaapaakan madoronaa-daun, na�iki ĩnikan wanyukunui taa-kariwaiz ba�oran tominkarunao ati. 21 �dyuudauzoni�i naa otanawatinan pa�oian ai, kotua�iki õzaudapan, mazan aonaa omuuda�azon pakaduz. 22 “Ukau�an, õkarinaadan nii oroo tuukii pabedin paawa�a, na�iki wuru�u ba�orantapainaouz odau�u, õbaiaapa-kidan nii ĩ�ati kaziwa�o tuukii, mazan ĩmarina�atan an ipai wuru�u oii kida�oraz pasha�apaapan otuma, aona�o nii ĩbaiaapanuzu. 23 �zowian nii kapam ipai da�anpainao okakinaori kida, pidannao aitapa kizi ipai choochi kida kawana�ati õgaru wuru�u aitapa�oraz ipai pidannao nyukunuu na�iki ĩdi�itinpan. �pataka�utan nii ipai pidannao wuru kida kawana�ati�i, oii kida�oraz ĩsha�apatan. 24 “Mazan kaina�a ba�oran pidannao Thyatira ii, aonaa ĩda�anpan wuru�u oia�oraz kakinaorii, uruu wuru�u aitapa-kida-kariwaiz pabi�i kida�o pidannao ati, ĩdakotaniaz Satan kakinaori kida nii. �kian u�ati, aona�o nii õtaan ba�oran kakinaorii u�ati, 25 mazan dadara�a naa pa�i uzaamatinapa umishidan di�iti atii õkaawan. 26 “Kanom ma�ozaka�o na�iki wazoota�o oia�o, na�iki taapa�o õdyuudanii usha�apatan atii amazada tokon di�iti, õtaan nii u�ati ma�ozaka-karu ukazowautapa-kinaa nii ipai amazada kawana�ati. 27 Na�iki ukazowautapan nii ĩdyaun, ipai pama�ozakan ida�an, ukaraabi�ian ĩdyaun na�apa aimaakan toma-kariwai kubai idi�o karaabi�ii-kao kawan duuza�u, na�apa õDaru taan kawan õma�ozakan õkazowautapa-kinaa nii. 28 Na�iki õtaan nii u�ati wizi chaapi�iki�oraz utukapauzo-kao. 29 “Puabatan an na�apam õkian, ukau�an puabata�a naa na�apam Doronai kian choochinao ati!"

‹ Chapter 1 REVELATION — All Chapters Chapter 3 ›

REVELATION 2

Cite / Share This Page