REVELATION 11

WBT

‹ Chapter 10 REVELATION — All Chapters Chapter 12 ›

1 Uruu dauna�an aitaaribai atamun taa-kao õ�ati na�iki kii-karu õ�ati, “Pumako puaita�an kizi na�apam Tominkaru Dapu na�iki altar udarun, na�iki puaita na�apauda�um kaina�a pidannao choochiipainao unazo ii. 2 Mazan aonaa puaita�ana�a na�apam Tominkaru Dapu panibazooti udarun, usha�apanum kau�an taa-kariwai�i naa wuru�u ba�oran pidannao ati, aona�oraz ĩmishidan Tominkaru. Ĩchi�ikaadanaan nii ipai donoi nazo an Tominkaru pidanannao mashaapa-kiziz, na�iki ĩpataka�utan niizu 42 kauzu. 3 Na�iki õtaan nii ma�ozaka-karu dya�utama�o õprophetinnao ati ĩkakuwaapa-kinaa nii mishi�oraz õkuwaa dau�u, wuru dono�o 1,260 kamoo kidaz. Uruu dono ĩkaiwadan nii kamicha kasha�ora-karu daara ĩaida-kida-kinaa nii pakasha�oran pidannao oian dau�ati." 4 Wuru�u dya�utama�oraz Tominkaru prophetinnao, ĩnao wuru�u dya�utama�oraz olive kadunaa kida ni�oraz, na�iki dya�utama�oraz lamp saabatinapa-kizi kida ni�oraz kapam kadishitapa�oraz Naobanai kanaapu ii, uruu kazowautapa�oraz ipai amazada. 5 Na�ia�oram pidan tiwaan an pasha�apatan dikauda�o aimaakan ĩtuma, ĩkodita-kidan nii tikazi padako iki kida, uruu idi�o nii ĩzowian patarubanao. Ukau�an na�apa�o ida�ana�o nii pidan mawakan utiwaan an pasha�apatan dikauda�o aimaakan ĩ�ati. 6 Kaina�a�o nii ĩma�ozakan taa-kao ĩmashaatapa-kinaa nii wunu ukaawan ai, wuru dono�o ĩkakuwaapatinanuz Tominkaru paradan dau�u. Kaina�a kapam ĩma�ozakan taa-kao ĩtanawata-kinaa nii wunu izai nii, na�iki turuu ĩsha�apatan bakadun pataka�utin-kinai kida imi�i baara�a na�apainim karikaonan paaipan kawana�ati. 7 Ĩipaian dauna�an pakakuwaapan pidannao ati, wuru�u kichana�iki-kia�o pana�aokazi kodita�o ni�oraz imi�i waranu iki, mizaataakan nii ĩtuma, uzowian nii ĩdyaun mawaka. 8 Mawaka�o prophetnao na�ian nii mapudu�o dobaapa-kizai dunapo ii, umanawunu�oraz donoi nazo ii. Na�ia�o kapam ĩnaobanaa Jesus taukauzo-kao cross di�iti. Uruu wuru�u donoiz dakota-kariwaiz kapam Sodom oo Egypt nii, usha�apanum kau�an pidannao na�ii sannao mashaapan idi oii, na�apa Sodom oo Egypt Baara sannao kawan. 9 Pidannao ipai wiizai kida di�iki, bakadun ĩdokozu-daunnao kida di�iki, bakadun ĩparadan kida di�iki, na�iki ipai bakadun ĩmada di�iki, ipai�o nii ĩtukapan Prophetnao mawakainaouz washatinpan 3 1/2 kamoo, na�iki aonaa ĩaipan ĩdida-kao. 10 Tuukia�o nii pidannao konaukian Prophetnao mawakan idi, usha�apanum kau�an kiwiin ĩpataka�utin-kidauzon ĩdyaun tuukii manawun. Uruu idi ĩkonaukiitinan nii, ĩdyuudan nii aimaakan kida pa�atiaaka kida. 11 Mazan 3 1/2 kamoo dauna�an, Tominkaru kakudan nii ĩdyaun powaa iti koshan, uruu idi ĩkadishitan, na�iki ipai tukapainao ĩdyaun tarian. 12 Uruu dauna�an dya�utama�oraz Prophetnao abatan diiwa�o parada-karu aokazi iki�o kian ĩ�ati, “Uwa�ati da�ati�i!” kii. Ĩmakon naa aokazi iti isha�iz ida�an, pidannao manaudapa-kainao ĩdyaun awunuutapan pu�u. 13 Sariapa imi�i nakainan ma�ozaka�o ida�an manawun, na�iki 1/10 kabaunnao tonnaa kaboobi�ii-kao. 7000 pidannao mawakan wuru idi�i imi�i nakainanuz, ba�orainao wa�akinainao aona�o ĩmawakan, tuukii ĩtarian, uruu idi ĩkian, “Tominkaru aokazi ia�o, pugaru ma�ozaka�o manawun." 14 Di�ora�a 2nd kasha�ora-karu kida, kaiwainpa�aka�oraz naa kida, shaabatapan naa wuru�u. Kaina�iki bauda�apa�a naa kasha�ora-karu, kadimana�o ni�i naa ukaiwainpan di�ora�a kida dauna�an. 15 Uruu dauna�an uru�u naa 7th angel pootan pakuwuuda, na�ii õabata diiwa�o ida�an parada-karu kida aokazi iki�o kian: “Aizii di�ora�a dauna�an, soo wanaobanaa Tominkaruna�iki wuru�u uzaamataniaz Christ, kazowautapan ni�i naa ipai pidannao. Tominkaru kazowautapan nii karikaonan na�iki karikaonan!" 16 Sariapa 24 kazowautapainao sakanatapainaouz pataba kida ida�a Tominkaru kanaapu�u, ipai ĩwashatinan paawun baara ikinapa imi�i baara iti, ĩtaainan naa u�ati. 17 Ĩkian: “Wanaobanaa Tominkaru umanawunu�o, pugaru na�auzoz amazadatoma-kao ua�ii, na�iki karikaonanu�o nii puna�an. ‘Kaiman’ wakian pu�ati, puaidan idi mishi�o puma�ozakan, na�iki pusakadani�i naa pukazowautapan! 18 Ipai mamishida-kainao to�oran tuukii pu�ati, kaawa�a naa aizii puto�oran kamoon, pubuupan mawakainao kamoon kaawan naa. Kaawa�a naa kamoo pukawinipinaata-kinaa nii pupoitorunao, wuru�u prophetnaouz, na�iki ipai pupidanannao taapainaouz pugaru umanawunu�o nii, manawun-tinpainao na�iki pataka�utinainao. Kaawa�a naa kamoo pumainaabatanipai pidannao zowiainao ba�oran pidannao da�a�a imi�i baara�a." 19 Uruu dauna�an aka Tominkaru Dapu aokazi ia�o da�atinan na�iki na�ii õtukapan kaimana�oraz pakara Tominkaru paradan pakarannaaz. Udauna�an na�a kan-kan-kia�o, toroanaru turuinan, imi�i nakainan na�iki dadara tuu�uz kida�o wunu waotan.

‹ Chapter 10 REVELATION — All Chapters Chapter 12 ›

REVELATION 11

Cite / Share This Page