REVELATION 10

WBT

‹ Chapter 9 REVELATION — All Chapters Chapter 11 ›

1 Uruu dauna�an õtukapa ba�oran umanawunu�o angel wa�atin aokazi iki. Ukaiwadapanii kawanu�o isha�iz kamicha kaiwaadapa-kao kawan. Na�a�o kapam kiwari�i uzowau paawa an, uawun baara kanada�o na�apa kamoo kawan, na�iki utaba�u kida na�apa dokoa�o tikazi kida maodapan kawan ĩaidinpan, 2 paka�u ida�a uzaamatapa duusodi�o scroll da�atinpa�o. Udauna�an umuudan padiwa�ora antanpu�o pakidiba paran paawa iti, na�iki umuudan pa�ashabaron antanpu�o pakidiba imi�i paawa iti. 3 Na�iki ukadakon diiwa�o ida�an na�apa lion kadakon kawan. Uruu dauna�an sariapa 7 toroanarunao dako�atinuzu, õaitapa na�apa�oram wuru�u ĩparadan kianuz. 4 Maonapa�ora�a naa õsaadan padamata na�apam ĩkian kida, upu�u mazan õabatan parada-karu kian aokazi iki õ�ati, “Pumashaapa zii! Mana�a pusaada�ana�a na�apam toroanarunao kian." 5 Uruu dauna�an umanawunu�oraz angel, kadishitapa�oraz paran paawa ii, na�iki imi�i paawa�a sawadan padiwa�ora antanpu�o paka�u aokazi iti. 6 Uaipan idi paparadan mishida-kao, ukaiwaan Tominkaru uu, uruu karikaonanu�oraz ukakupan, toma�oraz aokazi na�iki ipai aimaakannao unazoa�oraz, uruu toma�oraz imi�i baara na�iki ipai aimaakannao unazoa�oraz, na�iki uruu toma�oraz paran na�iki ipai aimaakannao ubaoko�ia�oraz. Angel kian, “Aona�o ni�i naa Tominkaru zaudapan powa�a! 7 Mazan 7th angel pootan dono�o naa pakuwudu, umishian ni�i naa pasha�apata�azoonii, na�apa ukowaadauzon kawana�atizu kotua�a naa, uruu wuru�u kuwaiz, aona�oraz uaitapauzo-kao, ukowaadauzoniaz papoitorunao, prophetnao ati." 8 Udauna�an õabata parada-karu aokazi iki�o kian õ�ati koshan, “Pumako puzaamata�an wuru�u da�atinpa�oraz scroll, angel ka�u di�iki, kadishitapa�oraz paran paawa ii na�iki imi�i paawa�a." 9 Uruu idi õmakon angel di�iti õpishaan naa u�ai wuru�u duusodi�oraz scroll. Ukian õ�ati, “Puzaamatazu na�iki punika�a naazu. Pudako ii putiwaan niiz bishoo, mazan pudyokorautan dauna�an ukaawan nii putoba nazo iti katama�a naa." 10 Uruu idi õzaamatan naa wuru�u duusodi�oraz scroll angel ka�u iki õnikan naazu! �dako ida�a õtiwaanuz bishoo, mazan ukaawan õtoba nazoo iti, sariapa ukataman. 11 Udauna�an kii-karu õ�ati, “Pukowaada�ana�a naa koshan kanom Tominkaru aiapanii pasha�apatan ipai pidannao ati, bakadun kidaz ĩwiizi, ĩmada, ĩparadan, na�iki ipai kingnao ati."

‹ Chapter 9 REVELATION — All Chapters Chapter 11 ›

REVELATION 10

Cite / Share This Page