REVELATION 9

WBT

‹ Chapter 8 REVELATION — All Chapters Chapter 10 ›

1 Udauna�an 5th angel pootan pakuwuda, õtukapa wizi waotauzoz doko iki imi�i baara ati, na�iki key taa-kao u�ati, ka�unaru aona�oraz utokon nii keyannaa. 2 Wizi da�atan dono wuru�u ka�unaru aona�oraz utokon nii, kishana�o koditan bodo�okappan, na�apa tuubaru�o tikazi ka�awapa�o shan kawan. Uruu idi udikinidan kamoo, na�iki maruta utaapan amazada. 3 Aonaa masakauda�u mani manorunao koditan tikazi shan di�iki imi�i baara ati, na�iki ĩma�ozakan taa-kao na�apa kankoorun ma�ozakan kawan. 4 Aonaa ĩtaapada-kao ĩkaziwan pinidi oo atamun kida oo sha�apa�oram paoribai, mazan turuu ĩkaziwan pidannao pa�an, aona�oraz Tominkaru kainaariba nii ĩtawu kida ida�a. 5 Wuru�u manorunaouz aonaa ĩtaapada-kao ĩzowian pidannao sariapa, mazan ĩbaiatin-kidan nii ĩdyaun baka�iauda�u kauzu. Wuru kaziwanu�u ĩchiianiaz na�apa kankoorun chiinii kawan. 6 Uruu dono pidannao aipan nii padamata pamawakan, mazan aona�o nii ĩmawakan; ĩaipan pamawakan, mazan aonaa ĩmawakan. 7 Wuru�u manorunaouz aidinpan na�apa kawaronao kawan minziiwapa�oraz naa mizaataakapa-karu dau�ati; ĩzowau paawa�a kida kaina�a ĩkaiwadapan kowamai kawanu�o Gold idi�o utoma-kao, na�iki ĩawun baara kida aidinpan na�apa pidan awun baara kawan. 8 Ĩzowaud kida dawuan na�apa zun zowaud kawan, ĩudako kida na�apa lion dako kida kawan. 9 Kaina�a ĩdokori�i dikiniribanaa kida chipirari idi�o kawanu�o, na�iki ĩkutuba aran kida tururukadappan na�apa tawuru kawanu�u iriba�oraz kawaronao kozootapainaouz chariot kida mizaataakapa-kizai iti�o kawan. 10 Kaina�a ĩdyuo kida ida�a ĩchiimikitin-kinaa na�apa kankoorun kawan, na�iki uruu idi�o wuru�u ĩkaziwaanuz pidannao ĩbaiatin-kidan nii ĩdyaun baka�iauda�u kauzu. 11 Kaina�a ĩnaobanaa king kazowautapa�o ĩdyaun, Hebrew ida�an u�uu dakota-kao Abaddon, na�iki Greek ida�an u�uu dakota-kao Apollyon, (“Pataka�utauzo” kia�o wuru�u). Uruu angel awunuutapa�oraz ka�unaru aona�oraz utokon nii. 12 Wuru�u di�ora�a, kiwiitapa�o kasha�ora-karu baiaapa-kariwaiz kaiwainpa�aka�oraz naa shaabatapan naa wuru�u, kaina�iki dya�utama�a naa kasha�ora-karu kida kaiwainpa�o nii zii. 13 Uruu dauna�an 6th angel pootan pakuwuda. �abata parada-karu wa�atin 4 altar shakaru kida di�iki, gold idi�oraz utoma-kao, Tominkaru kanaapu ia�oraz. 14 Parada-karu kian angel ati, “Pumuuda wuru�u 4 angelnao dodotapa-kariwainaouz udaru�o wa�ozi Euphrates dazaba ia�oraz!" 15 Uruu 4 angelnao taapa-kao minziiwapa�a naa; wuru kamoo dau�ati�i aita-kariwaiz naa, uruu dono ĩzowian nii 1/3 pidannao. 16 Soldyaanao zaidapainaouz kawaronao, õabata ĩdiri�in kowaada-kao 200,000,000 ĩdyaun. 17 Kaikapa�o wuru�u õtukapan kawaronao na�iki zaidapainaouz ĩbarau�u kida: wunaou�u zaidapainaouz, kaina�a ĩkaiwadapan padokori�i dikiniribanaa kida, ĩaidinpan wuza tikazi kawan, blue sapphire kawan, na�iki yellow sulfur kawan. Kawaronao zowau kida aidinpan na�apa lionnao zowau kawan kida, na�iki ĩdako kida di�iki kodita tikazi, kashana�o na�iki pizo-pizowa�o sulfur. 18 Na�iki 1/3 pidannao zowii-kao da�a�a imi�i baara�a, wuru idi�i idikinauda�u�oraz pataka�utin-kinai kida: tikazi, kashana�o na�iki pizo-pizowa�o sulfur kodita�oraz kida kawaronao dako iki. 19 Wuru�u kawaronaouz ĩma�ozakan taa-kao uruu dono ĩdako na�iki ĩdyuo kida ida�a�o, uruu kida idi�o wuru�u ĩkaziwaanuz pidannao. Ĩdyuo kida kazowau�o na�apa kowazaz zowau kawan. 20 Aizii ipai pidannao, aona�oraz ĩmawakan na�apain wuru idi�i kichana�iki-kii kida�oraz pataka�utin-kinai kida, pakawan aonaa ĩmarina�atan patomanii aimaakan kida. Aonaa ĩmashaadan patoriinpan oia�o doronainao ati, na�iki wunao ati�i ĩtomaniaz aimaakan kida gold idi, wizi�i�o chipirari idi, isha�o chipirari idi, kuba idi na�iki atamun idi, aona�oraz kanom ĩtukapan, ĩabatan oo aona�oraz ĩchi�ikan. 21 Na�iki aonaa ĩmarina�atan pazowiipan pairibannao, na�iki ĩsha�apaapan oia�o doronai ida�an aimaakan di�itinapa-kida�o pidannao, na�iki madoronaa-daun ĩkiaapaakan, na�iki ĩkoidimikin.

‹ Chapter 8 REVELATION — All Chapters Chapter 10 ›

REVELATION 9

Cite / Share This Page