Mark 13

1 Maranaina Yesu temple i hopuhopu tawanei ana tauvotaghotagho tagogi i riwai ipa, “Tauviharaharamana ma inanahi, ghaêimahi hi raêata ghagha ma numahi inanahi hi ahi ghagha!" 2 Yesu i pari-beyei, “Weêi numahi ahiahihi, e inainanahi hina dabarara pahi da egha metauna ana au gabu ina mae terei." 3 Yesu Olives au oyana i tughutughura temple au baba ghehauna ma Peter, James, John ma Andrew hi nae da govagovaghanei hi rau-bayadei. 4 “Ma riweêai, wei kauwahi meyanai hina tupuwa ma matakirahana aiwaêi” 5 Yesu i riwehi “Ona inana kauwa da egha aiyaêi ina morumi, 6 Muriyai rava wavaêuwei hina nei. Ma hina riwemi da, yamna Keriso ma rava maghamaghauhi hinavi deghahi. 7 Maranai ghaviya tuyeghana ma gugurana u nonori, egha ma rovorovo. Weêi kauwahi hina tupuwa, wate yamna egha damona. 8 Dam hina vomahiri ma dam ghehauhi maitehi hinavi tonavivira ma guyaguyau hina vomahiri ma hinavi tonavivira. Yoyo ma gomara, dobu ghehauhi auwarihi hina tupuwa. Weêi kauwahi yamna me wavine ana viyara evivi kareni vinatuna au marana." 9 Matami ina kaya ma ona inana kauwa! Rava hina panimi ma hina naiyemi rauhetara au gabuna. Ma pari au numana hina kwapumi ma babada da guyaguyau hina rau-hetahetaremi ma aubaiu onavi taudede. 10 Wate muriyai da mara damona ina gheêeta, tuyegha ahiêahina, rava anatapuhi auwarihi hina rau-guguyei. 11 Maranaina hina panim, rauhetara aubaina, aiwaêi ona yatoyatoniya aubaina egha onavi nuwaboya. Rauhetara au marana aiwaêi o yatoyatoniya anina ona yatoni, aubaina na riwana yamna egha tamei ma Aruwa vivivireinei. 12 “Rava varehihi hinavi benabenamehi ma hinavi hiraghenhi, ama nanaêarena natuna auwarihi ina kauwehi. Ma rowarowa amamahi da ayoyohi hinavi ghaviyehi ma hinavi hiraghenihi. 13 Rava anatapuhi hinavi ghaviyemi aubaiu. Ma aiyaêi da evivi patutu ghavata au damona ina yawahana." 14 Yesu i riwa, “Apo inana vihini rovorovona au naomi, ona inanai, mepa egha uta ghoheghoheiyana, ina mahimahiri.” (Ona haramanei da weêi anona aiwaêi) “Tauhi au Judiya maemaehi hina ruba da hina nae au oya. 15 Aiyaêi numa au tepana, e maêamaêae egha ina ghaêira numa au horana, purapura vainana aubaina. 16 Nanaêarena aiyaêi da ana au vaovao evo vobagibagi egha ina naeme au numa, ana puru vainana aubaina. 17 Waivine duwaduwamahi mavivi ghughuhi apo hinavi nuwa apoapoe kauwa 18 God onavi baghai da weêi kauwahi egha ina tupuwa au marahuba. 19 Ma nai au marana vinuwaêapoêapoe ma hini viyara ghaêeghaêena ina tupuwa. Marainana God dobu i kauwei ma i nei da marina egha nanaêarena ita tupuwa. Ma egha meyanai ina tupuwame. 20 Bada mara i ravi tupoi da rava hina yawahana ma ita pa eêegha, apo egha aiyaêi ghehauna ita yawahana dadana. Bada ana rava vinevinehi aubaihi da mara ivi tupoi." 21 “Nai au marana mepa aiyaêi da e ririwem, ‘Mesaiya weka’, bo ‘Ma inana, Mesaiya noêore!’ Egha mavi tumaghanei. 22 Anona yamna Mesaiya ma peroveta morumoruhi he nenei. Tauhi apo matakiraha ma anibaha kauwahi hina kauwehi, rava ma God ana rava vinevinehi maitehi hitavi deghahi. 23 Matami ina kaya ma ona inana kauwa! Aiwaêi anataputapuna a riwanapahiyemi." 24 “Wate nai apoêapoena au murina, ‘madegha egha ina rarana ma nawaravi ina gimtonei. 25 Au yada Kipora hina dabadabarara’ ma mara purapurahi ghaeghaehi ma viviriwapanahi hinavi guhuguhu." 26 “Ma nai au marana, Rava Natuna hapauwei ana riwapanana ma ana boruborumana ona inanai ina neêi. 27 Ma tauna aneya inapari tawanehi da hina nae dobu au mutuna da au mutuna ma God rava i vinevinehi anatapuna hina taravainihi." 28 Anina ma Yesu i riwa, “Kaiyaha ona inanai ma inavi haraharamanimi. Maranaina raghana e numonumo, ma haramanei da aiêuwaêuwa e tuturiyaêi. 29 Nanaêarena, maranaina, weêi kauwahi u inanai da e tuputupuwa yamna ma haramanei da Rava Natuna e tuturatum. 30 Taêu, anina a ririwemi, weêi kauwana ina tupuwa, muriyai da rava we au dobuna maemaehi hina hiraghe pahinihi. 31 Mara ma dobu ina hamoêa wate taêu riwaêu egha meyanai ina hamoêa." 32 Egha aiyaêi ita haramanei, Bada me au madeghana bo au marana ina nei, egha aneya au mara bo Natuna, anina, Amana tauna ava i haramanei. 33 Onavi neneghana! Matami ina kaya! Egha ota haramanei mara aiwaêi nai marana ina gheêetai. 34 Me oroto au dobugheha e naenae ma ana numa e nenetawanei ma tau-bagibagi vibadana i verehi da ana numa hita paêini ma metaeta taupainina i riwei, “Ma vipaêipaêi kauwa." 35 “Yamna aubaina onavi neneghana taniwaga ana nememei marana aiwai, egha ota haramanei, mepa da raviraviyai, au poniwana, maratomtom bo hubahubanai. 36 Mepa da ina nememei, egha ma enoeno ma ina ravighorim. 37 Aiwaêi a ririwemi tagogina rava anatapuhi a ririwehi.” Matami ina kaya! Onavi neneghana!