Mukanda wa theti kwena bisi Khoditu 1Khoditu 15

1 Baphangi bama, buthwena, thondi yiluyubwakisa Musamu wa Bukheti wuna yiÌsamuna kwena benu, wawuna lwaÌtambula, lwaÌsimbidila phi. 2 Mwamuna phi lwaÌhulukila; yuka ni lwasimbidilawa muna mihowu mina yiÌlulongilawa Musamu wa Bukheti; kondilo lukwikilu lwenu lwa phamba. 3 Theti yiÌlusambwakisa mana yiÌtambula meni-meni: Kidisitu kafwa kikuma kya masumu ma betu, bwosu bwaÌsonama muna Masonuku; 4 BaÌmuzika, kilumbu kya tatu waÌfutumuka ku bafwa bwosu bwaÌsonama muna Masonuku. 5 KaÌdimonikisa kwena Sefwasi, kunima kwena bawu Kumi yi boodi. 6 Kunima kaÌdimonikisa kwena baphangi kuluta khama tanu mu mbala mosi -balawu mu kati kya bawu moyu benina, kaasi ndambu ya batu bahika baÌmana fwa- . 7 Kunima, waÌdimonikisa kwena Zyaki, yi kwena bathumwa boosu. 8 Amana, kunima dya bawu boosu, wisa dimonikisa phi kwena meni, mbatanana pfwananini yi ditsyombe. 9 Kikuma, yenina kwama kima kya phamba hana kati dya bathumwa -mu kuzonza kwa bukheti, meni ndungiku ni bathela thumwa- mukuma, yiÌnyokuna Dibundu dya Nzambi. 10 Kaasi mu khenda za Nzambi yenina bwabu yenina, amana khenda zandi kwena meni zaÌkalaku za phamba: Kaasi yiÌsala kisalu kuluta bathumwa bahika boosu; -loni ka meni ku yiÌhanga mambu mana, kaasi khenda za Nzambi zina zenina mwena meni- . 11 Yihana ni, kwakala meni, kwakala bawu, bwabuna kwenina kusamuna kwetu, amana bwabuna lwenina phi lukwikilu luna lwaÌkwikidini benu. 12 Kinga yuka basamunaka ni Kidisitu waÌfutumuka ku bafwa: abweti ni batu bahika, mukati dya benu, bafwani kuzonza ni kweku lufutumuku lwa bafwa? 13 Ho ni kweku lufutumuku lwa bafwa, kisongidila ni Kidisitu kaÌfutumukaku phi; 14 amana ho ni Kidisitu kaÌfutumukaku, disongidila ni kusamuna kwetu kwakhatu amana lukwikilu lwenu phi lwakhatu. 15 Amana, thendula ni betu tulubuki bambangi ba luvunu ba Nzambi, kikuma twata kimbangi kya luvunu kitadidini Nzambi ni waÌmufutumuna Kidisitu; kinga kaÌmufutumunaku, yuka bwa kyedika ni bafwa bafutumukiku. 16 Kikuma, ho ni bafwa bafutumukiku, kisongidila ni Kidisitu yandi phi kaÌfutumukaku. 17 Amana ho ni Kidisitu kaÌfutumukaku, lukwikilu lwenu lwakhatu amana mu kati dya masumu menu lwenina kwenu kaka. 18 Amana batu babana baÌfwa mwena Kidisitu bawu bakulukini. 19 Ho ni kikuma kya luzingu lwalu lwesi twaÌsila kivuvu kyetu mwena Kidisitu, bakwa kyadi thwenina kuluta batu boosu. 20 Kaasi, mu kyedika, Kidisitu waÌfutumuka ha kati dya bafwa, yandi mutu watheti waÌhana kambangu ni batu bahika bana bafwa. 21 Mukuma, lufwa bwosu lwiÌsila mwena mutu mosi, phila mosi lufutumuku lwa bafwa lwiÌsila mwena mutu mosi. 22 Kikuma, bwosu bisi fwila batu boosu mwena Atamu, phila mosi phi boosu bataÌmbula hika luzingu mwena Kidisitu, 23 kaasi kosu mutu muna ndonga yandi: Kidisitu, yandi mutu watheti, kunima, batu babana benina mwena Kidisitu, bawu phi batoÌkama mu tangwa kakwiÌsa. 24 Kunima, yakwisa kala tsuka ya mambu, tangwa kavuÌtula Luyalu kwena wuna wenina Nzambi yi Tata, kunima dya kumanisa luyalu lwosu, yi hamu dyosu yi ngolu zoosu. 25 Mukuma bulombi ni Kidisitu kayala tii yikuna Nzambi kabaÌsila bambeni boosu kuna tsi ya bitambi byandi. 26 Mbeni wuna wa tsuka wafwa kilumbu kaziÌluka wosu keti kima, khumbu yandi lufwa. 27 Mukyedika, baÌsonika: «Nzambi waÌmusila byosu kuna tsi ya bitambi byandi.» Kaasi bwena wengele, muna kinzonzi kyaki ni, muhowu wuna wuzonzi ni, «wosu», wutadidiku Nzambi, wisi hana bima byosu kwena Kidisitu. 28 Mu tangwa bima byosu bamuhekabya, hanga Mwana yandi-meni kadihana kwena wuna waÌmuheka byosu, ndangu Nzambi kayala wosu mu byosu. 29 Banzenu hika benu; kikuma batu bahika bawu bisi tambula mbotika kikuma kya bamvumbi: biki bisi zola bawu? Kamba mukyedika kweku kutokama kwa bamvumbi, kikuma kya biki bisi tambwala mbotika kikuma kya bawu bamvumbi? 30 Amana betu, kikuma kya biki tudiyengika tangwa dyosu mukihonza? 31 Kosu kilumbu baphangi bama, yisifwa kwama: bwa kyedika bwena ni yisi bunda thulu kikuma kya benu mu Kidisitu Yesu, Pfumu wetu. 32 Ku Efesu, yi nwana yi batu bana bena hanga bambisi ba musitu. Wadi ni dyakala kikuma kya kimutu lwesi, khi muluta mbongi? Ho ni bafwa batokamiku, «tudyenu, tunwenu phi, mukuma mbasi twafwa»! 33 Ludihunaku: «Batu bambi bisi zanga bikalulu bya bukheti.» 34 Dikwatikisenu buna bufwani mu mabanza amana yambulenu kusumuka; mukuma, batu bahika bamuzayiku Nzambi nzonzi ni tsoni bwena kikuma kya benu. 35 «Mutu wufwani kahyula: Abweti bamvumbi bisi tokama? Yi khi lutu bisi tokama lwawu?» 36 Zoba dya mutu! Bina wisi kuna ngeyi-meni bifwanini mu kumena ho ni ngenza yifiku. 37 Kina wukuni, kyenina ngenza ya phamba, yakala ngenza ya bule kondi lo mbutu yahika. Fwaniku wakuna miti wuna wisi lubuka muna ngeza meni yina. 38 Kunima, Nzambi kisi vwatisa lutu lwa hika lwa miti kwena ngenza yina bwosu katyedibwa yandi-meni; kosu mbutu kisiya heka miti wuna wufwanani yi yawu-meni. 39 Bihangwa byosu byeku yi lutu lumosi: kaasi luna lwa batu lweku phila mosi yi lwa bambisi, luna lwa banuni luswaswani yi lwa batsema. 40 Kwena phi yi malutu ma ku zilu yi malutu ma ha tsi; kaasi kitoku kya lutu lwa ku zilu kyeku mutindu mosi yi kina kya lutu lwa ha tsi. 41 Tangwa kenina yi mitsyenzya myandi, ngondi kenina yi mitsyenzya myandi myahika, amana tutumbwa phi yi mitsyenzya mya bawu; keti hana kati kya tutumbwa, katumbwa kosu kisi swaswana yi katumbwa kakwawu kahika mu kuyemwaka kwa mitsyenzya. 42 Yibwana dyakaÌla phi kilumbu kya kufutumuka kwa mvumbi. Ha bamuziki mu mafu lutu luvundi, ha katokama, tokami yi lutu lwisiku vunda. 43 Tangwa bamuzikini mu mafu mutu kisiku kala mupfunu, tangwa katokamini wekina yi khembu, tangwa bisi muzika kisiku kala yi ngolu; tangwa kisi tokama wekina yi ngolu zoosu. 44 Bisi muzika yi lutu lwa kimutu, kisi tokama yi lutu lwa kitembu. Ho ni kwenina yi lutu lwa kimutu, kwenina phi yi lutu lwa kitembu. 45 Ihana baÌsonika: «Mutu watheti Atamu, yandi kaÌkala mutu wuna waÌtambula moyu. Kaasi Atamu wa zodi, yandi waÌkituka Kitembu wuna wisi hana moyu. 46 Mambu ma kitembu misiku tekila kwisa loni, kaasi kimutu kyisi tekila kwisa; kunima kina kya kitembu kyisi nana. 47 Atamu wa theti kaÌtuka mu mafu, kaÌhangama yi fusyangeni; Atamu wa zodi ku zilu kaÌtuka. 48 Batu ba tsi benina hanga mutu wuna waÌhangama ku fusyangeni dya mafu, phila mosi batu ba ku zilu bafwanana yi wuna waÌtuka ku zilu. 49 Bwosu twabonga kifwani kya mutu yandu waÌhangama ku fusyangeni dya mafu, bwabuna twaboÌnga kilumbu kifwani kya wuna wa ku zilu.» 50 Tala mana yiluzimbwadini, baphangi: lutu lwalu luhangamini mu kimutu yi mu menga lufwaniku kuvwa Kipfumu kya Nzambi, amana lutu lwalu lwisi vunda lwavwaÌku luna lwisiku vunda. 51 Yiluzimbwala diswekamu dimosi: betu boosu twafwaÌku, kaasi betu boosu malutu matuÌhiluka. 52 MaÌhangama, mu mbala mosi, mu mbwatidi ya mesu, tangwa yahuÌmuna phungi ya tsuka. Mukuma muna tangwa dina yahuÌmuna, bamvumbi batoÌkama yi lutu lwahika lwisiku vunda, amana betu twakaÌla ba moya mu kilumbu kina, twahiÌluka yi lutu lwahika. 53 Kikuma bulombi ni lutu lwetu lwalu lwisi vunda lwavwata lutu luna lwisiku vunda hika; amana ni lutu lwetu lwalu lwisi fwa lwavwata lutu luna lwisiku fwa. 54 Kilumbu lwavwaÌta lutu lwetu lwalu lwisi vunda luna lwisiku vunda, amana lutu luna lwisi fwa lwavwata luna lwisiku fwa hahana yalungila ndinga yayi baÌsonika mu mukanda wa Nzambi: «Lufwa luminuki mu kinunga.» 55 «Lufwa, akweti kyenina kinunga kyaku? Lufwa, aweti munomu waku?» 56 Munomu wa lufwa, menina masumu; amana ngolu za masumu, mitsiku. 57 Kaasi tuvutulenu matondu kwena Nzambi, waÌtuheka kinunga mwena Pfumu wetu Yesu Kidisitu. 58 Yihakana, baphangi bama batondama, zyamenu simbidilenu ndangu lubwaku. Dihanenu kosu tangwa muna muhangu wa Pfumu, yi kuzayaka ni kisalu kyenu mu Pfumu, kyeku kya phamba.