Mukanda wa theti kwena bisi Khoditu 1Khoditu 16

1 Kikuma kya mambu matadidi kawonga kikuma kya kusadisa bakwikidi benina ku Yelusalemi, benu phi, hangenu bwosu buna yiÌbasonikina bakwa Mabundu ma ku Ngalatiya. 2 Kosu lumingu, mutu wosu kawongika kina kaleÌnda hana thela yandi, ndangu kahingilaku kwisa kwa meni mu kusala tuwonga. 3 Kilumbu yikaÌla kuna, yihiÌtika yi mikanda, batu babana lwasoÌla ndangu benda nata makabu menu ku Yelusalemi. 4 Yuka bwaloÌmba ni yenda meni-meni, nzila mosi bakwenda yi meni. 5 Yikwisa lutala ha yiluÌta ku Masetwani, mukuma ku Masetwani yihiÌtila. 6 Mbanzi ndambu ya bilumbu yinaÌnga kwena benu, kondilo tangwa dya kyosi dyosu kwakuna yilutisiladya ndangu lwangyidikila benu-benu bima bina yikaÌlabyawu mupfunu mu kulanda kitambu kyama. 7 Mukuma, nzodiku, mbala yayi ni yilumona lwesi mu kuluta: thondi yikala ndambu ya bilumbu kwena benu, buna Pfumu kazolabwa. 8 Kaasi ku Efeso yikaÌla tii yi kuna kilumbu kya mukinzi wa Phandikoti. 9 Mukuma kwakuna, nzila yikanguki lawu kikuma kya meni mu kusala kisalu kya mbuta, mbata nana bambeni benina lawu. 10 Ho Thimoti kisa, hangenu phila yosu ndangu kakala bukheti hakati dya benu, mukuma kenina musadi hanga meni mu muhangi wa Pfumu. 11 Disongidila, ka mutu ku kamulewula! Muhekenu bina kakaÌla byawu mupfunu ndangu kakangala kitambu kya bukheti tii yi kuna yenina meni, mukuma mbati muhingila yi baphangi. 12 Mu mana matadidini phangi Apholosi, yiÌmuheka kikesa lawu kisa lutala yi baphangi, kaasi buthwena bwabu lukadikiku lukanu lwandi mu kuhangabwa; ho kalenda, kakwiÌsa. 13 Kalenu yi kitsungila, simbidilenu ngolu muna lukwikilu, kalenu batu ba kikesa, kalenu ngolu. 14 Byosu byahangama hana kati dya benu yi lungongu. 15 Yilulombi hika, baphangi, luzayi ni batu bana baÌkala mu nzu ya Setufwani, bawu batheti mu kudihana kwena Pfumu ku Akayi, amana bamana dihana mu bisalu bya bakwikidi. 16 Benu phi, lemvukenu balutwadisa kwena batu ba mutindu meni wawuna yi kwena batu bana bisi sala bawu mu kithwadi, amana bisi diyangisa ku kisalu. 17 Kyesi kikhwatini kikuma kya kukwisa kwa Setufwani yi Fwotunatusi yi Akayikusu bawu baÌngyika bina byakala khonda bwosu buna lwakala tsadisa benu; 18 Mukuma bawu balembiki kitembu kyama yi kya benu. Zayakenu kutambwasa batu ba bwabuna! 19 Mabundu ma ku Aziya mboti maluhitikini. Akilasi yi Phisikila, yi Dibundu dina disi kutakana mu nzu ya bawu, mboti ya bukheti baluhekini muna Pfumu. 20 Baphangi boosu benina haha mboti baluhekini. Hanasanenu mboti benu yi benu mu mbumbakani yatoma. 21 Mboti yayi, tsonikiya yi koku dya meni-meni, Pholu . 22 Ho mutu kisiku zola Pfumu, kakala wa kusinga! Malanata! -Pfumu wetu, awisa ! 23 Khenda za Pfumu Yesu zakala yi benu. 24 Lungongu lwama lwenina yi kwena benu boosu muna kithwadi mwena Kidisitu Yesu.