MIHANGU 2

1 Tangwa kyaÌfwana kilumbu kya Phandikoti , boosu baÌkala mu kimvuka homa hamosi. 2 Mu kithulumukina, malokosi mamosi maÌtuka ku zilu, hanga pfunzi ya ngolu yibasisi phi nzu yosu yina baÌkala bazakala. 3 Kutala mileku mibamonikini hanga mina mya mbawu; midihambudi amana myaÌbwila hana thandu ya kosu mutu wa bawu. 4 Boosu baÌbasa yi Kitembu Kyatoma amana baÌyandika kuzonza mu ndinga za hika, bwosu buna kakala batwadisila Kitembu Kyatoma mu kuzonza. 5 Kinga Bayuta bakwikama, ba makanda moosu menina mu tsya zilu bakala zingila ku Yelusalemi. 6 Amana muna malokosi mana maÌyukalakana, mulumba-lumba wa batu wisa thinu amana baÌkala mabanza vwalanganu, kikuma kosu mutu kakala bayuka kuzonza muna ndinga yandi. 7 BaÌyituka lawu, baÌsaluka phi, bakala zimbula: «Batu bana babati zonza, boosu beku bisi Ngadidi? 8 Abweti ni kosu mutu, mu kati dya betu, kabati bayuka muna ndinga yandi ya kisina? 9 Ha kati dya betu henina yi batu batukini ku tsi ya Phaditi, ya Mediya yi ya Elami. Henina yi bana bisi zingila ku Mezophotamiya, ku Yuteya yi ku Kaphatosi, ku Phoni yi kuna mulambu wa Aziya, 10 baÌtuka ku Fizi yi ku Phafidiya, dya ku Ngiphiti yi kinzunga kya Sileni mu Dibya; henina yi bana baÌtuka ku Loma, 11 Bayuta yi Bakwa-kwisa bana baÌkwikila mu malongi ma bayuta, Bakheleti yi Bisi Alabiya; tubati bayuka kuzimbula muna ndinga zetu, mihangu mya mbuta mya Nzambi!» 12 Amana boosu baÌyituka, baÌmonaku hika kima kya kuzonza; bakala dizimbwala: “Biki disongidila dya bwabubu?" 13 Kaasi bahika bakala baseya mu kuzimbula: «Malafu ma pha mabazedini!» 14 Hanga Phetelu waÌtelama yi bawu Kumi yi mosi; waÌthuta ndinga amana waÌzimbula bwabu kwena mulumba-lumba wa batu: «Batu ba mu Yuteya yi benu boosu lwisi zingila mu Yelusalemi, hinikinenu ndinga zama, zayenu bwabu: 15 batu baba bazediku malafu bwosu lubatibwa banza benu, mukuma mu tangwa dya vwa dya mu suka thwenina. 16 Kaasi buthwena, malungidi mana kaÌzimbula mbikudi Yowedi: 17 “Tala mu bilumbu bya tsuka, kaÌzimbula Nzambi; yimwaÌnga Kitembu kyama kwena mutu wosu; bana benu ba bakhetu yi ba bayakala babiÌkula, bangunza benu bamoÌna mbona mesu, amana binunu byenu baloÌta ndosi . 18 Mukyedika, yimwanga Kitembu kyama mwena basadi bama ba bakhetu yi basadi bama ba bayakala muna bilumbu meni bina, amana babiÌkula. 19 Amana yihaÌna bidimbu bya khumbwa mu londi dya zilu yi biphadi muna banda dya ha tsi, yi menga yi mbawu yi kyungila kya mwisi; 20 tangwa kabaÌluka mu phipha; amana ngondi kabeÌnga hanga menga, ku thwala kukwisa kwa kilumbu kya Pfumu, kilumbu meni kina kya mbuta yi kya khembu. 21 Hanga wosu wuna wateÌla khumbu ya Pfumu, kahuÌluka." 22 «Bisi Kiseledi, hinikikenu ndinga zazi: Yesu mwisi Nazaleti, mutu wuna kaÌsikununa Nzambi kwena benu mu biphadi yi bidimbu bya khumbwa yi bidimbu bina kaÌsala mu nzila ya yandi ha kati dya benu, bwosu luzayibwa benu-benu, 23 mutu wuna, baÌmulambula bwosu bwaÌdikadila kedi mu luzolu lwa Nzambi, lwaÌmuhondisa mu kumukhoka ha kitakani kwena bandwandwa. 24 Yandi wuna kaÌfutumuna Nzambi, mu kumukatula mu phasi za lufwa, kikuma lufwa lwaÌfwanaku ni lwamukwata. 25 Mukuma Tavidi bwabu kaÌzimbula kikuma kya yandi: “Yikala mona Pfumu tangwa dyosu ku thwala ya meni; kikuma ku kitata kyama kena ndangu yinikanaku. 26 Ihana ni mbundu yama yenina mu kyesi; amana ndinga zama zabasa mu kyesi kya lawu; lutu lwama phi lwaziÌngila mu kivuvu, 27 mukuma wayaÌmbwadilaku moya wama mu kalunga, wayaÌmbulaku lutu lwa musadi waku watoma lwavunda. 28 WaÌtsongila nzila za luzingu, yimoÌna mamboti ma lawu bwosu wakwataha kadiki ngeyi. 29 «Baphangi bama, yena yi muswa wa kuluzimbwala yi tsikiningi, mu mambu matadidi khaka wa betu Tavidi: yandi waÌfwa, baÌmuzika; amana mazyamu mandi, yi lelu dyadi menina kwena betu. 30 Bwosu kaÌkala mbikudi, waÌzaya phi ni Nzambi waÌzenga ndefi mu kuyadika mosi wa butuka dyandi ha kiti kya kipfumu kyandi. 31 Watekilalwa lota lufutumuku lwa Masiya amana waÌzonzilabwa, mu kuzimbula: “BaÌmuyambwadilaku mu kalunga, amana lutu lwandi lwaÌvundaku."» 32 «Nzambi waÌmufutumuna ku lufwa, Yesu wuna yibati zonzila, amana betu boosu thwenina bambangi ba lufutumuku lwandi. 33 BaÌmutombula kuna koku dya kitata dya Nzambi, waÌtambula kwena Tata Kitembu Kyatoma kina kaÌsila, amana wututyakidi mana lubati mona yi mana lubati yuka. 34 Mukuma yandi meni Tavidi kaÌtombukaku ku zilu, kaasi kaÌzonza bwabu: “Pfumu kaÌzimbula kwena Pfumu wama: sikuka ku kitata kyama , 35 kilumbu yikuna yikitwala bambeni baku kidyatilu kya bitambi byaku." 36 Batu boosu ba Kiseledi bafweti zayabwa mboti-mboti ni Nzambi waÌmukitula Pfumu yi Masiya, Yesu wuna lwaÌkhoka ha kitakani!» 37 Amana ku nima dya kuyuka bwabuna, mbundu zaÌbalwala, baÌzimbula phi kwena Phetelu yi kwena bathumwa bahika: «Baphangi, biki twahanga si?» 38 Phetelu wubavutwadi: «Sobenu bikalulu, amana kosu mutu mu kati dya benu katambula mbotika mu khumbu ya Yesu Kidisitu, kikuma kya ndoluka ya masumu menu. Amana lwaÌtambula kabu dya Kitembu Kyatoma. 39 Mukuma lusilu lwena kikuma kya benu yi kikuma kya bana benu yi kikuma kya boosu bana bena ku kyana, boosu bana kateÌla Pfumu Nzambi wetu.» 40 Amana Phetelu, mu ndinga za hika za lawu, kakala ta kimbangi yi kubaheka kikesa, mu kuzonza: «Dihululenu kwena mbandu yayi yaÌtota nzila!» 41 Bana bakala kwikila mu ndinga zandi, bakala tambula mbotika. Muna kilumbu meni kina, batu, bela-bela yi mafunda ma tatu baÌyikama. 42 Boosu bakala sya ngolu mu kuhinikinaka malongi ma bathumwa, kuzingilaka mu kiphangi, mu kudyaka homa ha mosi yi kusambilaka homa hamosi. 43 Bweya bwakala mukwata kosu mutu, amana bidimbu bya khumbwa bya lwawu yi biphadi byaÌkala hangama muna nzila ya bathumwa. 44 Batu boosu baÌkala yi lukwikilu, bakala zingila mu kimvuka, bima byosu phi baÌkala byawu mu kimvuka. 45 Bakala tekisa mafu yi bima bya bawu amana bakala dikabisila mbongu mu kati dya bawu boosu, bwosu buna wena mupfunu wa kosu mutu. 46 Kosu kilumbu, bakala vukana kuna nzu ya Nzambi, mu kimosi yi kudyaka mapha muna nzu, amana bakala dya bima bya bawu yi kyesi yi ngemba kuna mbundu. 47 Bakala kumisa Nzambi, batu boosu phi baÌkala yi kitya kikuma kya bawu. Amana kosu kilumbu, Pfumu, kakala yika batu muna kimvuka kya bawu, bana kakala hulula.