MIHANGU 3

1 Amana Phetelu yi Yowani bakala tombuka ku nzu ya Nzambi mu tangwa dya bisambu (dyakala tangwa dya tatu dya masikidika). 2 Kinga bakala nata mutu mosi waÌkala yi khonzu tuka lubutuku lwandi, kakala wasikuka bilumbu byosu muna mwelu wa nzu ya Nzambi wuna bakala tela: «Mwelu wa kitoku», ndangu kalombaka kabu dya khenda kwena bana bakala kota mu nzu ya Nzambi. 3 Buna kaÌmona Phetelu yi Yowani bakala kota mu nzu ya Nzambi, waÌbalomba kabu dya khenda. 4 Phetelu yi Yowani baÌmutala amana Phetelu wumuzimbwadi: «Tutala.» 5 Amana yandi waÌbatala yi kivuvu ni kima katambula kima kwena bawu. 6 Hanga Phetelu wumuzimbwadi: «Yeku yi phalata, keti wolu; kaasi kina yenina kyawu, yikuhekikya: mu khumbu ya Yesu Kidisitu mwisi Nazaleti, telama amana kangala!» 7 Amana buna kaÌmusimba kuna koku dya kitata, waÌmutelamisa. Muna mbala mosi kaka, bitambi byandi yi tsingini byaÌzyama. 8 WaÌdithumba mbala mosi phi wekina mutendendi, waÌyandika phi kukangala. WaÌkota kuna nzu ya Nzambi nzila mosi yi bawu. Kakala kangala, weka sotuka yi kuzatulaka Nzambi. 9 Batu boosu baÌmumona mu kukangala yi mu kuzatulaka Nzambi; 10 bakala muzaya ni yandi wuna wakala wasikuka ha Mwelu wa Kitoku wa nzu ya Nzambi, wakala lomba phi makabu ma khenda. Batu baÌyituka lawu, kikuma kya mana maÌmubwila. 11 Bwosu kaÌnyanginina kwena Phetelu yi Yowani, hanga batu boosu baÌyituki lawu, beÌnda thinu kuna baÌkala bawu, muna mbalanda yina bakala tela: «Mbalanda ya Solumoni.» 12 Tangwa kaÌmona bwabuna, Phetelu waÌzimbula kwena batu bana: «Bisi Kiseledi, kikuma kya biki lubati yitwakila mu mambu mana? Biki lubati tutadila, hangambe ti betu tumukangadisi mutu yandu mu ngolu za betu-betu holo mu kukangama kwetu kwena Nzambi? 13 Nzambi wa Bulahami, Nzambi wa Yizaki, Nzambi wa Yakobi, Nzambi wa batata betu, yandi wuzatudi musadi wandi Yesu, wuna lwaÌlambula, lwaÌtuna phi benu-benu yi kuna thwala ya Philatu, kinga yandi mboti kaÌzenga ni kamusula. 14 Benu lwaÌmutuna wuna Watoma yi Wamasonga, hanga lulombini ni baluyambwadila ndwandwa mosi. 15 Amana wuna waÌyandika luzingu, benu lwaÌmuhondisa, kaasi Nzambi waÌmufutumuna ku bafwa; betu thwena bambangi ba mambu mana. 16 Amana mu lukwikilu lwa khumbu ya yandi meni, khumbu yandi yivutudi ngolu kwena mutu yandu lubati mona, luzayi phi; mu lukwikilu, mu khumbu ya Yesu, lumukodisi kimakulu ku thwala benu boosu.» 17 «Amana buthwena, baphangi bama, nzayi ni mu kukonda kwa kuzaya lwahangila mambu mana, phila mosi yi bapfumu benu. 18 Kaasi muna phila meni yina, yi mwamuna kaÌlungisila, Nzambi, mambu mana kaÌtekila samuna mu munwa wa bambikudi boosu ni Masiya wandi kanyoÌkuka. 19 Ihana ni sobenu bikalulu byenu, bulukenu kwena Nzambi, ndangu masumu menu makumuka. 20 Yi bwana kaluÌhitikila, Pfumu, matangwa ma kulembwa, amana kahiÌtika Yesu, Masiya wuna katekila sola ku thwala benu. 21 Yandi, wuna waÌfwana ku kuzingila ku zilu tii yi kuna tangwa dina kayiÌlulula Nzambi moosu mana kaÌzimbula, tukidila thama, kwena bambikudi bandi ba Nzambi. 22 Moyize kaÌzimbula bwabu: “Pfumu, Nzambi wenu, kateÌlamisa kikuma kya benu, mbikudi mosi hanga meni, hana kati dya baphangi benu; lwamuyukidiki mu mambu moosu mana kakala luzimbwala. 23 Kaasi wuna wakonda mulemvukila mbikudi wuna, bamuÌzanga amana bamuÌkatula mu ndonga ya batu ba Nzambi. 24 Bambikudi boosu, yandikila kwena Samwela, yi bilandi byandi, baÌzonzila bilumbu bina amana baÌsamunabya phi. 25 Benu, lwenina bana ba bambikudi yi muna bulunda buna kaÌta Nzambi mu nzila ya batata benu mu kuzonza kwena Bulahami: “Mwena mosi wa butuka dyaku mwasaÌkumukina bikanda byosu bya ha tsi." 26 Nzambi, kunima dya kulubula musadi wandi, kwena benu katekila muhitika, kikuma kya kulusakumuna, mu kukatula mosi-mosi wa benu ku mabanza mandi mambi.»