Mukanda kwena bisi Ngalatiya Ngalatiya 2

1 Amana kunima mvula kumi yi ya, hanga thombuki hika ku Yelusalemi hakimosi yi Balanabasi; ndati phi Titi hakimosi yi meni. 2 YiÌtombuka kwakuna kikuma Nzambi kaÌnzimbwala yenda. Muna lukutakanu lumosi twaÌkota yi bambuta ba luzitu, hanga yibatendwadini Musamu wa Bukheti wuna yiÌlonga kwena batu bana bakonda kala Bayuta. YiÌzolaku ni kisalu kyama, kina yiÌsala yi kyaki mbati sala, kyakonda kala mupfunu. 3 Ata Titi, twaÌkala yandi, waÌkala mungeleki, baÌmulundikaku mu kumuyotisa; 4 mbatanana baphangi ba luvunu baÌkota mukati dya betu. Batu meni babana baÌkotila mu kitsweki, mu kikhunda kya betu ndangu batuyiba kiphwanza kina twenina kyawu mwena Kidisitu Yesu, balenga tunata mu kihika. 5 TwaÌbasisilaku keti tangwa dimosi, ndangu kyedika kya Musamu wa Bukheti kyasikila kikuma kya benu. 6 Kaasi batu babana bakala monika ni baluti mupfunu, buna baÌkala meni mathadiku, mukuma Nzambi kisiku tala mbunzu za batu- , amana batu meni babana baÌkalaku yi kima kyahika kya pha. 7 Kaasi bawu baÌtambwasa ni Musamu wa Bukheti baÌphekilawa kikuma kya babana bakonda kala Bayuta, bwosu baÌmuhekawa Phetelu kikuma kya Bayuta. 8 Mukuma, Nzambi wuna wamukitula Phetelu thumwa wa Bayuta, yi yandi phi wuna waÌkhitula meni thumwa wa babana bakondi kala Bayuta. 9 Buna baÌbakula khenda zina yiÌtambula meni, hanga Zyaki, Sefwasi yi Yowani baÌkala hanga makunzi ma Dibundu; baÌtuheka mboti ya kikesa, Balanabasi yi meni, mu kusongila kidimbu kya kithwadi; ndangu betu thwenda kwena bana bakondi kala Bayuta amana bawu benda kwena Bayuta. 10 BaÌtulomba ni twatalaka lwesi baphutu ba Dibundu, kuna Yelusalemi, kyakina phi yiÌdihanina mu kusadilabwa. 11 Kaasi ha kisa Sefwasi ku Atyosi wa Sidiya, hanga mbwisima mambu mandi hana mesu ma batu boosu, kikuma mu kifu kaÌkala. 12 Kikuma, hana khaku kedi batula batu ba Zyaki, Phetelu kakala dya hakimosi yi batu bana bakondi kala Bayuta. Kaasi kunima kwisa kwa bawu, hanga wuhunikisi kuyambula, wudiyekudi yi batu bana kikuma kaÌkala yi bweya bwa bawu baÌkota mukhanda. 13 Baphangi bahika ba Bayuta phi baÌtambula miza myamina, hanga yandi phi Balanabasi wekasala bukavungalosi meni bwabuna. 14 Tangwa yiÌmona ni baÌkalaku kangala hika bukheti, mu kyedika kina kitadidini Musamu wa Bukheti, hanga nzimbudi kwena Sefwasi hana thwala ya batu boosu: «Ho ni ngeyi wenina Muyuta, wazingilaka mu phila ya bana bakondi kala Bayuta, amana konda kuzingila mu phila ya Bayuta, abweti wabaÌlundikila bana bakondi kala Bayuta mu kusadila mikuku mya Bayuta?» 15 Betu thwenina Bayuta tuka lubutuku lwetu, thweku hanga batu ba makanda mahika bisiku landa mitsiku mya Nzambi. 16 Bwosu tuzayi ni mutu baÌmunungisinaku kikuma kya mihangu mya mitsiku, kaasi mu nzila ya lukwikilu mwena Yesu Kidisitu. Betu phi twaÌsya lukwikilu lwetu mwena Yesu Kidisitu, ndangu batuÌnungisina kikuma kya lukwikilu lwetu mwena Kidisitu, heku ni kikuma kya mihangu mya mitsiku, -mukuma heku mutu banuÌngisina kikuma kya mitsiku. 17 Kaasi yuka mu kusanda ni batunungisina mwena Kidisitu, betu phi baÌtumona basumuki hanga babana bakondi kala Bayuta; bwabuna busongidi ni Kidisitu, yandi wisi lundika batu mu kuhola disumu? Bwalendakanaku! 18 Yuka ni yitunga hika kina yiÌmwanga, yidisongila meni-meni hanga mutu kisiku lemvuka ku mitsiku. 19 Kikuma, mu nzila ya mitsiku, yenina meni-meni wafwa, kikuma kya mitsiku, ndangu yizingila mwena Nzambi. BaÌkhoka ha kitakani hakimosi yi Kidisitu: 20 ka meni ku hika mbati zinga, kaasi Kidisitu wubati zinga mwena meni; luzingu lwama lwa kimutu, yisilwa zingila mu lukwikilu lwa Mwana wa Nzambi wuna waÌnzola amana waÌditambika yandi-meni kikuma kya meni. 21 Ndosizoku khenda za Nzambi; mukuma, yuka ni masonga bisima bongila kikuma kya mitsiku, bubati songila ni Kidisitu mu phamba kaÌfwila.