Mukanda kwena bisi Ngalatiya Ngalatiya 3

1 Bisi Ngalati, lwenina hanga batu bakondi mayedi! Nati wuluhuni? Kinga, baÌlumenikina mboti-mboti buna bamukhokila Yesu Kidisitu ha kitakani. 2 Tala mana nzodi mu kuzaya lwesi kwena benu: lwaÌkulwamikina Kitembu wa Nzambi, kikuma kya kuzitisa mitsiku ho kikuma kya buna lwaÌyuka yi kukwikila mu Musamu wa Bukheti? 3 Disongidila ni lukondi mayedi? Kunima dya kuyandika mu Kitembu, hanga lwendi vutuka hika mu mambu ma musuni? 4 Mambu moosu mana lwaÌmona, mu phamba lwaÌmonama? Bufwaniku ni bwakala mu phamba! 5 Wuna wisi luheka Kitembu, wisi hanga phi bidimbu bya biphadi ha kati dya benu, kisibya hangila kikuma kya buna lwisi zitisa mitsiku ho kikuma kya buna lwaÌyuka, lwaÌkwikila phi mwena Musamu wa lukwikilu? 6 Hahana baÌzonzila kikuma kya Bulahami: «KaÌkwikila mwena Nzambi, hanga Nzambi wumumoni mutu wa masonga.» 7 Zayenubwoku mboti: bana bisi zingila mu lukwikilu, benina bana ba Bulahami. 8 Masonuku phi, mu kumona theti ni Nzambi kabaÌnungisa bana bakondi kala Bayuta kikuma kya lukwikilu, maÌtekila samuna Musamu wa Bukheti kwena Bulahami: «Makanda moosu basaÌkumunama mu nzila ya ngeyi.» 9 Mu phila ni babana bisi kwikila mwena Nzambi benina ba kusakumuna hakimosi yi Bulahami, mutu wa lukwikilu. 10 Kikuma bana bisi yekamina ku mitsiku ba kusinga benina. Mukuma baÌsonika bwabu: «Mutu wuna wakonda yekamina muna moosu mana baÌsonika mu mukanda wa mitsiku, wa kusinga kenina.» 11 Bwa kyedika bwenina ni ka mutu ku wanuÌnga ku thwala ya Nzambi mu nzila ya mitsiku, mukuma baÌsonika bwabu: «Mutu wuna wenina wa masonga mu lukwikilu, kaÌzinga.» 12 Kinga mitsiku myeku kima kimosi yi lukwikilu. Kaasi Masonuku mazonzini: «Wuna wasaÌdila mikuku mina kaziÌngila muna myawu.» 13 Kidisitu waÌdisinga yandi-meni ndangu katufutila pfuka ya kasuma kana kaÌtunatina mitsiku. Mukuma baÌsonika bwabu: «Wuna bakhokini ha kitakani kenina wa kusinga.» 14 Ndangu, kwena bana bakondi kala Bayuta, lusakumunu luna kaÌsila kwena Bulahami, lwaÌhanamina phi mwena Kidisitu Yesu. Amana twatambula betu boosu muna lukwikilu, Kitembu wuna kaÌsila Nzambi. 15 Baphangi bama, yibonga mbandu ya luzingu lwa kosu kilumbu: tangwa bayukani batu bodi buna bufwani, kweku mutu wayiÌka dyambu holo kakaÌtula. 16 Kinga bilangi baÌsilabya kwena Bulahami yi butuka dyandi. Masonuku maÌzonzaku bwabu: «yi kwena bana ba butuka dyaku», hangambeti batu lawu baÌkala; kaasi mazonzi bwabu: «yi kwena mwana wa butuka dyaku», buna bubati zonzila mutu mosi, Kidisitu. 17 Tala buna nzodi kuzonza: kuyukana kuna kusalami kedi buna bufwani, kwena Nzambi kufwaniku hika kuzimuka kikuma kya mitsiku; mbatanana buna myisa mitsiku kunima ya mvula khama ya yi maku matatu, myawu phi myafwanaku kukatula kilangi kya Nzambi. 18 Mukuma wadi ni kimvwama kyaÌtukaka ku mitsiku, wadi kikhaniku kwisila hika mu nzila ya kilangi; kinga mu nzila ya kilangi kaÌsongila Nzambi khenda zandi kwena Bulahami. 19 Khiwawu amana mupfunu wa mitsiku? Mitsiku baÌyikilamya kikuma kya kuzayikisa mambu mana kisiku zola Nzambi; yikuna kakwiÌsila mutekulu wa Bulahami wuna kaÌsila kilangi. Banzyo baÌyadikisa mitsiku meni myamina kwena batu mu nzila ya mukhundingisi mosi, Moyize. 20 Kinga mukhundingisi meni wuna kenina ha kati dya batu balawu, kaasi kikuma kya kilangi, yandi-meni Nzambi lwesi. 21 Disongidila ni mitsiku mibati tendisa bilangi bya Nzambi? Bwalendakanaku! Wadi ni mitsiku mya kalaka yi ngolu za kuhana luzingu kwena batu, wadi masonga mu nzila ya mitsiku makala kwisila. 22 Kaasi Masonuku mazimbudi ni tsi yosu yikwatami ku ngolu za disumu, ndangu kabu dina kaÌsila Nzambi baÌhanadya kwena batu bana bakwikidini kikuma kya lukwikilu lwa bawu mwena Yesu Kidisitu. 23 Hana khaniku lwisa lukwikilu, mitsiku myakala tukwata hanga bakwa boloku, kuhingila ni lukwikilu meni lwaluna lwamonika. 24 Yihana ni mitsiku myaÌkala hanga tsinzidi wetu yi kuna kukwisa kwa Kidisitu, ndangu batunungisa mu lukwikilu. 25 Bwosu lwisa lukwikilu, thweku hika mu moku ma tsinzidi meni yanduna. 26 Mukuma benu boosu lwekina bana ba Nzambi mu nzila ya lukwikilu lwenu mwena Kidisitu Yesu. 27 Benu boosu babana lwaÌtambula mbotika ya Kidisitu, lwaÌvwata Kidisitu. 28 Heku hika keti Muyuta, keti wuna kondi kala Muyuta, heku hika keti muhika, keti mutu wa kiphwanza, heku hika keti yakala, keti mukhetu, mukuma benu boosu, lwenina mutu mosi mwena Kidisitu Yesu. 29 Amana ho benu lwakala batu ba Kidisitu, disongidila ni lwenina phi butuka dya Bulahami, yihana ni lwenina baswana bwosu kyenina kilangi.