Mukanda kwena bisi Hebelu Hebelu 4

1 Nzambi waÌtusisila kilangi kimosi kya kukota muna kilembwadi. Tukebenu ni hana kati dya benu, hakala nana yi mutu wabaÌnza ni mu tsukinina kenina. 2 Mukuma betu mutindu wumosi yi kwena bakhaka betu twaÌyukawa Musamu wa Bukheti. Kaasi, ndinga yina baÌyuka bawu, yaÌbasadisaku mukuma baÌtambwasayoku yi lukwikilu. 3 Kaasi kwena betu twaÌkwikilaya, tukotini muna kilembwadi bwosu kaÌzimbula Nzambi: «Yidya ndefi muna khabu zama: Keti bwe, bakoÌtakumwoku muna kilembwadi kyama!» Kinga, mihangu myandi myaÌmanisa kedi tukidila mu kuhangama kwa tsi. 4 Mukuma, kaÌzimbula homa hamosi kikuma kina kitadidini kilumbu kya tsambwadi: «Amana Nzambi waÌlembwa muna mihangu myandi myosu.» 5 Amana muna nzila yayi wuzimbudi hika: «Keti bwe, bakoÌtaku muna kilembwadi kyama.» 6 Kikuma bwaÌyilama kwena batu bahika mu kukota, amana babana baÌyuka theti Musamu wa Bukheti, baÌkotamwoku kikuma kya kukolama kwa bawu. Yi bwabuna, phila yenina hika kikuma kya batu ba hika mu kukotamwa. 7 Nzambi wusini kilumbu kya hika kina katedi ni «lelu». KaÌzonzilakya hika kyakina lawu, muna nzila ya Tavidi, muna kitini kina tutangi kedi: «Ho luyukini ndinga ya Nzambi lelu, luzitikaku mbundu yenu». 8 Wadi ni Yoswa kabanatisaka mu kilembwadi, wadi Nzambi ku manima kakhaniku zonzila hika kilumbu kikwawu. 9 Disongidila ni, kilembwadi kimosi kya sabata kisadini kikuma kya kanda dya Nzambi. 10 Mukuma, wuna wukotini mu kilembwadi kya Nzambi wulembwini ku mihangu myandi bwosu kaÌlembwa Nzambi ku mihangu mya yandi meni. 11 Tusyenu tswatsu mu kukota mu kilembwadi kyakina; ndangu mutu kabwaku hanga bakhaka betu baÌbwisa mu kulemvuka. 12 Mukuma ndinga ya Nzambi yenina ya moya amana ya ngolu. Yisi tapha hanga mbedi mosi ya phoku. Yisi kota yi kuna byaÌkhundakanina moya yi kitembu, bikhosu yi miluku amana yihambudibya. Yisi fundisa masunga yi mabanza ma mbundu ya mutu. 13 Amana kweku kima kyaÌswamana ku mesu ma yandi, kaasi kyosu kyenina ha tseki amana kya kuyengika ku mesu ma yanduna wuna, betu boosu, twaÌmenikina zimbu. 14 Bwosu twenina yi mbuta-nganga wuna waÌdimbuka mazilu, Yesu, Mwana wa Nzambi, tusimbidilenu ngolu ku lukwikilu luna thwisi samuna. 15 Mukuma mbuta-nganga yandu thwenina yandi kenina wuna wufwanini mu kunyokuka hakimosi yi betu muna malebakani metu: kaÌbwa mu kimeka hanga betu muna bima byosu, kaasi konda kuhola disumu. 16 Yi hakana ni, tubwesukenu yi kikumbwala ku kiti kya kipfumu kya Nzambi yandu wabasa yi khenda; mu kunona kheni yi khenda, ndangu kalenga tuyakidila muna tangwa dya phasi.