Mukanda kwena bisi Hebelu Hebelu 5

1 Kaasi mbuta-nganga wosu, bisi musola hana kati dya batu, bamusikununi kikuma kya batu muna kisalu kya Nzambi; ndangu katambikaka milambu yi bimenga kikuma kya masumu. 2 Bufwani ni kakala yi mbakisilu kikuma kya babana bazayiku mambu yi babana bisi ditotisa. Mudyambu yandi meni waÌhitila muna lebakani. 3 Amana kikuma kya lebakani dyadina, kafweti tambika bimenga kikuma kya masumu ma yandi meni yi kikuma kya masumu ma batu bahika. 4 Kinga ka mutu ku wufwani mu kudiheka lukumu yandi meni, ho baÌmutediku kwena Nzambi, bwosu kaÌkalabwa Loni. 5 Phila mosi, Kidisitu ka yandi meni ku waÌdiheka lukumu lwa kimbuta-nganga. KaÌbongilalwa kwena Nzambi wuna waÌmuzimbwala: «Wenina Mwana wama, yandika lelu, meni yikubutini.» 6 Amana mwahika wuzimbudini: «Wenina nganga Nzambi mu kimakulu muna ndonga ya Medikiseteki.» 7 Muna bilumbu bya luzingu lwandi ha tsi, Yesu waÌtambika bisambu, kubokwadila yi matsanga kwena Nzambi wuna wakhana muhulula ku lufwa. Amana Nzambi waÌmuyuka kikuma kya bulemvu bwandi. 8 Keti bweti kaÌkala kwandi Mwana wa Nzambi, waÌlonguka mu kulemvuka muna nzila ya bina kaÌnyokwakina. 9 Amana bwosu buna, Nzambi kaÌmukitula mutu walunga, waÌkituka kisina kya luhulusu lwa konda tsuka kikuma kya mutu wosu wuna wisi mulemvwakila. 10 Nzambi waÌmusikununa mbuta-nganga muna mutindu wa Medikiseteki. 11 Mambu lawu thwenina mawu mu kuzonza matadidini dyambu dyadi, kaasi phasi mu kulutendwala, mukuma lwekina yi makokwa mu kubakula. 12 Tukidila thama wadi lwakituka kedi balongi, kaasi bafweti lulonga hika bikuma bya theti bya luyandiku bya ndinga za Nzambi. Kyadi kwena benu, mukuma yi lelu dyadi, mu kuyema lwenina kaka hana lwaÌfwana mu kudya madya ma ngolu. 13 Wosu wuna wisi zoluka mu kunwa mayeni mwana wa khunda kwandi kenina, kafwaniku kutenda mu kikuma kitadidini masonga. 14 Kaasi madya ma ngolu menina kikuma kya bambuta, kikuma kya babana benina yi katsatsa ka kuswasikisa, muna luzingu lwa kosu kilumbu, mambu mana menina ma mboti yi mana menina ma mbi.