Mukanda kwena bisi Hebelu Hebelu 8

1 Kinga tala dyambu dya mupfunu wa lawu thwisi zimbula, thwenina yi Mbuta-Nganga wa bwabuna, yandi wuna waÌzakala muna mazilu kuna koku dya kitata dya kiti kya kipfumu kya Nzambi. 2 Mu kisalu kenina kya kikumbu kya Nzambi, disongidila ni sombolu dya kyedika dina dyaÌtungamina kwena Pfumu amana ka kwena mutu ku. 3 Mukuma mbuta-nganga wosu bisi musikununa kikuma kya kutambika makabu yi bimenga; yi hakana meni mupfunu wenina ni mbuta-nganga wa betu yandi phi kavwa kima kimosi mu kutambika. 4 Kinga wadi kakalaka ha tsi, kakhanaku kukala phi keti nganga-Nzambi, kikuma kwenina yi bahika bisi tambika kedi makabu bwosu bwenina muna mitsiku mya Moyize. 5 Kinga, banganga-Nzambi babana bisi sala kisalu muna kikumbu meni kina, bisikya sala mu kifwani yi kininga kya kikumbu kya ku zilu. Mamana mafwananini yi mutindu wuna kaÌzonza Nzambi kwena Moyize tangwa kazola katunga sombolu dya lukutakanu: «WasiÌmbulula mu kusya ti kisalu kyaku kyafwanana yi mbandu yina yiÌkusongila ha mongu.» 6 Kaasi buthwena, Nzambi waÌmuheka Yesu kisalu kya mbuta kuhita, yandi wenina mukhundingisi wa bulunda bumosi bwa mbuta, bwaÌtungamina ha bilangi bya mbuta bya bukheti. 7 Wadi bulunda bwa theti bwaÌkalaka konda kifu, kwakhanaku kala yi mupfunu wa kuhingisa bwahika bwa zodi. 8 Kaasi byenina bikalu kabati songisa Nzambi kwena kanda dyandi, tangwa kabati zimbula: «Bilumbu byisini, kazimbudini Pfumu, bina yita bulunda bumosi bwa pha yi kanda dya Kiseledi yi kanda dya Yuta. 9 BwakaÌlaku hanga bulunda buna yita yi batata ba bawu kilumbu kina yiÌbasimba ku koku kikuma kya kubalubula ku tsi ya Ngiphiti. Kikuma bawu-meni baÌkwaminaku muna bulunda bwama bwabuna, meni phi yisiku diyangisa hika kikuma kya bawu, kazimbudini Pfumu. 10 Kinga tala bulunda buna yiÌta yi kanda dya Kiseledi ku manima ma bilumbu byabina, kazimbudini Pfumu: Yisya mitsiku myama muna ngangu za bawu, yisoÌnikamya muna mbundu ya bawu,: Nzambi wa bawu yikadiki amana bawu bakadiki kanda dyama. 11 Ka mutu ku wakaÌla yi mupfunu wa kulonga kwena mukwenu kondi loni keti kwena phangi wandi, kaÌmuzimbwala: muzaya Pfumu! Mukuma boosu banzaÌya, yandikila mwana wa khunda yi kuna mutu wa mbuta hana kati dya bawu. 12 Mukuma, yibaÌfwila khenda kikuma kya mitsoki mya bawu amana yiyuÌbukamoku hika masumu ma bawu keti koma.» 13 Mu kuzonzila bulunda bwa pha, Nzambi waÌkitulabwa buna bwa khulu mu bulunda bwa theti; kinga, kina kyekina kya khulu amana kinunini kyekina mu kutota.