Mukanda kwena bisi Hebelu Hebelu 9

1 Bulunda bwa theti bwaÌkala yi mikuku mitadidi bisambu yi kikumbu kyandi kya ha tsi. 2 Kikuma, sombolu dya theti dyatekila tungama. Muna ndambu ya theti ya mukati, bisi tela kizika kyahedila, mwaÌkala yi muzanga wa mwinda, mesa yi mapha ma kutambika kwena Nzambi. 3 Ku manima ma kibwiku, kwaÌkala yi ndambu yikwawu ya sombolu, yina bakala tela ni Kizika Kyatoma lawu. 4 KwaÌkala yi mesa ma pfwabidi ma kutunga mu wolu yi mukunzu wa bulunda waÌtungama wosu mu wolu. Muna mukunzu wamuna mwaÌkala yi bangwa dya wolu dina dyakala sweka maana, koka dya Loni dina dyaÌbufula bifulu yi bitini bya matadi bya bulunda. MwaÌkala hika yi bitini bya matadi bina baÌnamika ndinga za bulunda. 5 Hana thandu ya mukunzu haÌkala yi banzyo bana bisi tela ni syedibe babana bakala songila khembu ya Nzambi. Bakala yalumuna mahela ma bawu hana thandu ya munoku wa mukunzu wa bulunda. Kaasi buthwena kadyaku tangwa dya kutongutuna byosu byabina. 6 Byabina byosu ho ni biyilamini, banganga-Nzambi bisi kota kosu kilumbu muna kitini kya theti kya sombolu kikuma kya kulungisa kisalu kya bisambu bya bawu. 7 Kaasi muna kyakina kya zodi, mbuta-nganga lwesi wisimwa kota, mbala mosi muna mvula. Homa hana, kisiha kotila kikuma kya kutambika menga ma kibulu kikuma kya mitsoki mya yandi meni yi kikuma kya mitsoki mya kanda. 8 Kitembu Kyatoma kasongidini bwabuna ni nzila ya kizika kyatoma lawu yaÌfwanaku kedi mu kukanguka bwosu buna dibati zinga sombolu dya theti. 9 Kyakina kyenina kingana kikuma kya tangwa dyadi. Kisi tendula ni makabu yi bimenga bya bibulu bina bisi lambula kwena Nzambi bilungiku mu kusemisa katsatsa ka wosu wuna wisibya sadila. 10 Byabina byenina bizila bitadidini lwesi bima bya kudya, bya kunwa yi mambu mahika matadidini kudisemisa. YaÌkala tsadidi ya kimutu tii yi kuna tangwa dina kaÌsobisila Nzambi mambu. 11 Kaasi Kidisitu kiÌsa hanga Mbuta-Nganga wa bima byabi bidiyenina kedi. WaÌdimbuka sombolu dya mbuta mbuta yi dyalungila, dina dyakonda tungamina kwena batu, disongila ni dyeku dya tsi yayi yaÌhangama. 12 Kidisitu kaÌkota mbala mosi lwesi muna kizika kyatoma lawu, kaÌlambulaku menga ma bakhombu yi ma bana ba bangombi; menga ma yandi meni lwesi kaÌlambula yi bwabuna kaÌtusumba kyamakulu ku masumu metu. 13 Kikuma ho ni menga ma bakhombu yi ma miluma mya bangombi yi mbombi ya ngombi wa kibuti, mana bisi mwanginina hana thandu ya batu babana baÌsumuka, mabatomisaka yi mu kubasemisaka lutu, 14 abweti menga ma Kidisitu maÌhitilaku mu ngolu? Muna nzila ya Kitembu wa mvula yi mvula, Kidisitu yandi waÌkala konda kifu, waÌditambika yandi meni kwena Nzambi hanga kimenga kyakonda kifu. Menga mandi maseÌmisa katsatsa ketu ka mihangu mina myisi natisa ku lufwa, ndangu twalenga fukamina Nzambi wa moya. 15 Yi hakana, Kidisitu kenina mukhundingisi wa bulunda bwa pha, ndangu babana kaÌtela Nzambi balenga bonga kuvwa kwa mvula yi mvula kuna kaÌsila Nzambi. Disongidila ni batu meni babana benina balunga mu kubonga kuvwa meni kuna; kikuma lufwa lwa mutu mosi lwaÌyakidila mu luhulusu lwa mitsoki mya batu mina myaÌhangama muna bulunda bwa theti. 16 Mukuma hakana baÌsisa ndinga, bulungi ni lufwa lwa yanduna waÌsisaya lwazayakana. 17 Kikuma, ndinga ya mutu wafwa yisiku kwatakana bwosu kenina mu luzingu mukwa yawu wuna waÌzonzaya; yisi kwatakana ku manima ma lufwa ma yanduna lwesi. 18 Yi hakana ni bulunda bwa theti bwawu meni bwaÌkalaku kedi bwa kusikununa konda menga. 19 Tangwa kaÌsamuna Moyize kwena kanda dyosu kosu mukuku bwosu wenina muna mitsiku, waÌbonga menga ma bana ba bangombi yi ma bana ba bakhombu yi mamba. WaÌsophulabya hana mukanda wa mitsiku yi kikanda kyosu kuna sophu dya muhandi wa yizophi yi koma ka muphungu wa kabengi. 20 KaÌzimbula: «Mama menina menga ma bulunda buna kaÌta Nzambi kikuma kya benu.» 21 Kunima, waÌsophula hika sombolu yi menga yi bilekwa byosu bya kisalu bitadidini bisambu. 22 Kinga, bwosu milombini mitsiku, kima kyosu bisikya semisa yi menga, amana ndoluka ya masumu yisi hanamina kaka yuka ni menga matyakanini. 23 Bifwani bya bima bya ku zilu byaÌlomba ni basemisabya muna mutindu meni wawuna; amana bina byenina ku zilu, byawu meni, byisi lomba bimenga bya phwena. 24 Mukuma Kidisitu kaÌkotaku mu kikumbu kyaÌtungama ku moku ma batu, kifwani kya kikumbu kya kyedika. WaÌkota muna kati dya zilu, kwakuna kenina buthwena watelama kuna mesu ma Nzambi kikuma kya betu. 25 Heku ni kikuma kya kuditambika yandi meni kosu tangwa bwosu kisi kota mbuta-nganga muna kikumbu ku manima ma kosu mvula yi menga mana meku ma yandi meni. 26 Wadi kabwaku, wadi kakhana nyokuka mbala za lawu tukidila ku luyandiku lwa tsi. Kaasi buthwena, thwenina ku tsuka ya tangwa, kaÌlubuka mbala ya yimosi lwesi mu kukumuna disumu muna nzila ya kimenga kina kaditambiki yandi meni. 27 Amana bwosu bwaÌtangamina kwena batu mu kufwa mbala yimosi lwesi, ku manima hanana yakwisa pfundusu ya Nzambi, 28 yi bwabuna phi, Kidisitu kaÌditambikila mu kimenga mbala ya yimosi, ndangu kakumuna masumu ma lawu dya batu. KamoÌnika hika mu mbala ya zodi, ka mu kikuma ku hika kya kutala mambu ma masumu, kaasi kikuma kya babana bisi muhingila kikuma kya kubonga luhulusu.