LUKA 13

1 Muna tangwa medina, ndambu ya batu baÌmenika kwena Yesu buna kaÌtuma mbala yimosi Philatu batu mu kuhonda bisi Ngadidi bamosi bana bakala yoka mikhayilu. 2 Yandi wubavutwadi: «Benu lubanzi ni bakwa Ngadidi meni babana, basumuki baÌkala kuluta bisi Ngadidi bahika, kikuma kya buna banyokuki mu mutindu wuna? 3 Loni, yiluzimbwadibwa; kaasi ho ni lubaludiku bikalulu byenu, lwaziÌluka benu boosu hanga bawu. 4 Ho phi lo, batu bana kumi yi nana baÌbwila kibaka kya kaleyi kya Silowe kina kyaÌbahonda phi, lubanzi basumuki baÌkala kuluta batu boosu bahika ba ku Yelusalemi? 5 Loni, yiluzimbwadibwa; kaasi ho ni lubaludiku bikalulu byenu, phila mosi lwafwa benu boosu.» 6 Yesu waÌbatila kingana kyaki: «Mutu mosi kaÌkala yi miti, wafwanana yi mumanga, bisi tela ni mufiki kaÌkuna muna kilanga kyandi kya vinu. Wisa sanda kibundu kya fiki kwakuna, kaasi kaÌwanakyoku. 7 Hanga wuzonzi kwena musadi wa vinu: “Tala, mvula tatu kedi yisi kwisa sanda kibundu kya fiki ku mufiki wawu, amana yisikyoku wana. Kisongidila, kwangawa! Kikuma kya biki wisa tambula mafu ma khatu konda kikuma? 8 Musadi wa vinu wumuvutwadi: “Pfumu, yambwadilawa hika mvula yayi; tangwa yisiÌma hika mu kabeta amana yimana sya mvumvu. 9 Mbanzi, walenda ha bibundu mvula yakwiÌsa; holo, wakwaÌngawa.» 10 Kilumbu kimosi kya sabata, Yesu kakala longa muna mosi ya nzu ya kimvuka ya Bayuta. 11 Kinga mukhetu mosi wa mbefu waÌkala hana, baÌloka mulumba kwena kitembu kya mbi, tuka mvula kumi yi nana; wavwembama kaÌkala amana kakalaku lenda kuvumbuka buna bufwani. 12 Tangwa kaÌmumona Yesu, waÌmutela amana waÌzimbula: «Mukhetu, wukutumuki mu kimbefu kyaku.» 13 Amana waÌmuthetika moku. Muna mbala mosi mukhetu waÌsungama amana wuyandiki kuzatula Nzambi. 14 Kaasi pfumu wa nzu ya kimvuka ya Bayuta, kaÌsephilaku kikuma Yesu waÌlungisa kubelula kuna, mu kilumbu kya sabata. Wuzimbudi kwena kibuka kya batu kina kyaÌkala hakana: «Hena yi bilumbu bisambanu bya kisalu, alwisa dibukisaka muna bilumbu meni byabina, kaasi lwisaku mu kilumbu kya sabata.» 15 Pfumu wumuvutwadini: «Ha lwenina benu bakavungalosi, kosu mutu wa benu kisiku kutumuna ngombi kondilo ane wandi muna dinda, mu kilumbu kya sabata, mu kumunata ndangu benda munwisa mamba? 16 Amana mukhetu yandu, mwana kena muna butuka dya Bulahami, amana Satana waÌmukasa tuka mvula kumi yi nana, kisongidila bulungiku ni bamukutumuna misinga myandi, mu kilumbu kya sabata?» 17 Buna kakala zonza bwabuna, bana bakala mutendisa tsoni zaÌbakwata; amana kibuka kyosu basephidi kikuma kya mambu moosu ma khembu kakala hanga. 18 Yesu kakala zimbula: «Yi biki kifwanakani Kipfumu kya Nzambi? Yi biki pfwani yifwanikisakya? 19 Kifwanakani yi ngenza ya tidi kaÌbonga mutu mosi amana waÌtimbulaya muna masamba mandi; yimeni, yaÌkituka miti, amana banuni ba ku zilu bisa tunga mazamba ma bawu muna mihandi myandi.» 20 Yesu wuzimbudi hika: «Yi biki pfwani yifwanikisa Kipfumu kya Nzambi? 21 Kifwanakani yi muvimbu kaÌbonga, mukhetu mosi, amana waÌkotisa muna ndambu ya pfuba tii yi kuna kyaÌthutumuka kithoba kyosu.» 22 Yesu kakala luta mavula yi mahata yi kwendalongaka musamu wa Nzambi kinzila-nzila mu kukwenda ku Yelusalemi. 23 Mutu mosi waÌmuhyula: «Pfumu, batu ba khunda lwesi bahuÌluka?» Yesu waÌbavutwala: 24 Syenu khwakasu lwakotila ku mwelu wafitakana; mukuma, yiluzimbwadi ni, balawu basaÌnda mu kukota amana baleÌndabwoku. 25 «Buna katelama mukwa nzu amana kayaÌfikila mwelu, kuna benu, lwasala ku nzila, lwayaÌndika kukhokwatila kuna mwelu yi kuzonzaka: “Pfumu, tuyafwadila!” KaluÌvutwala: “Benu, nzayiku keti ku biki lutuki!" 26 Hanga luyandiki kuzimbula: “Twakala dya yi kunwa ku thwala ngeyi, amana ngeyi wakala longa muna nzila za mbuta za mavula ma betu." 27 Amana kaluÌvutwala: “Nzayiku keti ku biki lutuki. Halukenu yi meni, benu boosu lwisi hanga mbi!" 28 Hahana kwakaÌla bidilu yi makwenzi, tangwa lwamoÌna Bulahami, Kizaki, Yakobi yi bambikudi boosu muna Kipfumu kya Nzambi, amana baluÌkukwasa ku nzila! 29 BatuÌka ku tsosu yi ku ndamba, ku londi yi ku banda mu kutambula kifulu ku mesa mu Kipfumu kya Nzambi. 30 Amana, hakaÌla yi batu batsuka bateÌkila, amana batu batheti, basuÌkinina.» 31 Muna tangwa medina, ndambu ya Bafwadisi bisa muzimbwala: «Ndawenda, katuka haha, mukuma Eloti kabati tonda kukuhonda.» 32 Wubavutwadi: «Ndenu lwenda zimbula kwena mukengi wuna wa nduka za mbi: “YikuÌkwasa biphidi-mutu amana mbeludi lelu yi mbasi; kilumbu kya tatu mbanisibya." 33 Kaasi bufwani yilanda nzila yama lelu, mbasi yi kilumbu kyalanda; mukuma bufwaniku ni mbikudi bamuhondila kuma kwahika ho ka ku Yelusalemi ku.» 34 «Yelusalemi, Yesulusalemi, ngeyi wisi honda bambikudi yi kuhondila ku matadi bana bisi kuhitika! Mbala kwa nzodi kedi kukutikisa bana baku bwosu kisi kutikisa, ngudi wa khoku, bana bandi ku tsi ya mahela mandi, kaasi lwaÌzolabwoku! 35 Yi bwabuna, nzu yenu yikituki yamba. Yiluzimbwadibwa ni lwamboÌnaku kedi tii yi kuna dyakwiÌsila tangwa dina lwaziÌmbula: Kasakumuka wuna wukwisa mu khumbu ya Pfumu!»