LUKA 17

1 Yesu waÌzimbula kwena balonguki bandi: «Bwalendaku salama ni kukalaku mambu mana misi hukumuna; kaasi kyadi kwena mutu wuna mabwidi! 2 Bulungi kwena yandi bamuzitikila, muna tsingu, kalunga tadi amana bamudibula muna yanga dya mbuta, ndangu kahukumuna nana mosi wa baleki baba. 3 Dikengenu! «Yuka ni phangi waku kasumuki, musongila mbi yandi. Honi kabalula mbundu, mulolula. 4 Yukani kasumuki, kwena ngeyi, mbala tsambwadi muna kilumbu, amana ni mbala tsambwadi wisi vutuka kwena ngeyi, mu kuzimbula: “YibaÌlula mbundu”, wamuÌlolula.» 5 Bathumwa baÌzimbula kwena Pfumu: «Tuyika lukwikilu lwa lawu.» 6 Pfumu waÌvutula: «Wadi lwakala yi lukwikilu hanga ngenza ya tidi, lukhani zonza kwena kalamba ka miti wawu: “Divusa, awenda dikuna muna yanga dya mbuta”, amana wululemvukidi.» 7 «Nati ha kati dya benu, yukani kakala yi musadi wisi bundula holo wisi hungula kibuka kya mikoku, tangwa kisi vutukisa ku bilanga, kamuÌzimbwala: “Awisa tswatsu wasikuka ha mesa”? 8 Kaasi kamuÌzimbwalaku bwabu: “Ndambila kudya kwa meni, vwata miledi mya kisalu kikuma kya kungidikila mesa, yi kuna yidya amana ndwi, kunima, ngeyi phi wafwana dya, wanwa phi”? 9 Yandi, keku yi mupfunu wa kumuvutwala matondu musadi wuna tangwa kamuhangidi bwosu kaÌmulomba? 10 Phila mosi yi benu phi tangwa lwasaÌla mosu mana kaluÌlomba, zimbulenu: “Betu, basadi kwetu thwenina; twaÌsala lwesi mana twaÌfwana kusala."» 11 Bwosu kakala kwenda ku Yelusalemi, kakala hyokila hana kati dya Samadiya yi Ngadidi. 12 Amana mu kukota kwandi mu hata dimosi, bakwa bwasi kumi bisa mutundakana. BaÌtelama kuna kyana, 13 baÌthuta ndinga amana baÌzimbula: «Yesu, Mulongi, tuyukila kyadi!» 14 Amana tangwa kaÌbamona, waÌbazimbwala: «Ndenu lwenda disongila kwena banganga Nzambi.» Buna bakala kwenda kwakuna, baÌsema. 15 Mosi wa bawu, buna kaÌdimona ni wusemi, wisa vutukisa, mu kuzatula Nzambi mu ndinga ya ngolu. 16 WaÌbwa mbunzu mu mafu muna bitambi bya Yesu amana waÌmuvutwala matondu. Mwisi Samadiya kaÌkala. 17 Amana Yesu waÌhyula: «Ka boosu ku bawu kumi basemi? Amana vwa dyahika, ku biki dyenina? 18 Kaka munzenza meni yandu lwesi wudimonikisi mu kwisa vutuka kuhana khembu kwena Nzambi?» 19 Kunima, waÌmuzimbwala: «Telama, ndawenda. Lukwikilu lwaku lukuhuludini.» 20 Bamuhyudi kwena Bafwadisi ndangu bazaya ho mu khi tangwa kyakwiÌsa Kipfumu kya Nzambi. Yandi waÌbavutwala: «Kipfumu kya Nzambi kisiku kwisa mu phila yina bafwani bamoninakya. 21 BaziÌmbulaku ni “Talenu, haka kyenina!” Holo “Kuna kyenina!” Mukuma Kipfumu kya Nzambi, hana kati dya benu kyenina.» 22 Amana waÌzimbula hika kwena balonguki: «Bilumbu byakwiÌsa bina lwasaÌnda ndangu lwamoÌna keti kimosi kya bilumbu bya Mwana wa mutu, kaasi lwamoÌnakyoku. 23 BaluÌzimbwala: “Kuna kenina!” Holo, “Kwaku kenina!” Kaasi lwendakwoku, lutsyakulakwoku. 24 Mukuma, bwosu wisi kenya munyenya, tselu yi tselu ya zilu, yibwana buna kakaÌla Mwana wa mutu mu kilumbu kyandi. 25 Kaasi buluti theti, kanyokwama lawu; amana bamulosila kwena mbandu yayi. 26 Mana maÌluta mu bilumbu bya Nowa; phila mosi maluÌta mu bilumbu bya Mwana wa mutu. 27 Batu bakala dya, bakala nwa, bayakala yi bakhetu bakala kwela yi ku dikwela tii yi kuna kakoÌtila Nowa mu nzasa: hanga kithombu kisi zaluka, kibatotisi boosu. 28 Bwana, bwabuna bwaÌkala phi hanga mu bilumbu bya Loti: batu bakala dya, bakala nwa, bakala sumba, bakala sumbisa, bakala kuna amana bakala tunga phi; 29 kaasi kilumbu kina kalubuka Loti mu Sotomu, mvula mosi wanoka wa mbawu yi bupfundu bwakala lema ku zilu, amana waÌbatotisa boosu. 30 Phila mosi maluÌta kilumbu kina kakwisa sengumuka Mwana wa mutu. 31 «Muna kilumbu kina, wuna wakaÌla ku nzila hana mudilu, wakaÌla yi bima byandi mu nzu, katulukaku kikuma kya kubongabya; amana wuna wakaÌla phi ku bilanga, kavutukaku mu manima. 32 Bambukenu mukhetu wa Loti! 33 Wuna waÌsanda kusweka luzingu lwandi, katoÌtisalwa, kaasi wuna watoÌtisalwa, kahuÌlulalwa. 34 “Yiluzimbwadibwa ni, muna phipha meni yina, ha kati dya batu bodi bakaÌla ha thangi yimosi, mosi bamuÌtambula amana mukwawu kasaÌla. 35 Mu kati dya bakhetu bodi bakwata toka mu kindundu, mosi bamuÌnata, mukwawu kasaÌla. 36 Bayakala bodi bakaÌla mu kilanga kimosi, mosi bamuÌnata, mukwawu kasaÌla.» 37 Balonguki baÌmuzimbwala: «Ku biki, Pfumu?» Amana yandi waÌvutula: «Kuna kwakaÌla mvumbi, yi kwakuna phi bakuÌtakanina bangandwanganga.»