LUKA 18

1 Yesu kakala batila kingana kyaki mu kusongila ni bulungi, kulombila bilumbu byosu amana konda kulembwa. 2 KaÌzimbula bwabu: «KwaÌkala, ku mbanza mosi, yi zusi mosi, waÌkalaku banga Nzambi amana kakala lewula mutu woosu. 3 MwaÌkala phi, muna mbanza meni yana, yi mukhetu mosi wa mufwidi wuna wakala kwisa mu kumuzimbwala: “Nzengila mukanu wawu, kikuma baphangi mbi." 4 Tuka thama, zusi kaÌzolaku; kaasi kunima, waÌdizimbwala: “Ketibwe yisiku banga Nzambi amana yisi lewula batu, 5 kaasi kikuma mufwidi yandu kabati ngyangisa, yimuÌzengila mukanu ndangu kisaku ngyata mutwa."» 6 Pfumu waÌyika: «Yukenu buna kazimbudi zusi wa mbi. 7 Amana Nzambi, kakonda zengila, batu bandi kaÌsola, mukanu, tangwa babati mutela phipha yi mwini? KabaÌhingidisa? 8 Yiluzimbwadibwa, kabaÌzengila mukanu yi tswatsu. Kaasi tangwa kakwiÌsa Mwana wa mutu, lukwikilu kakwisa wana ha tsi?» 9 Yesu waÌta hika kingana kyaki, kikuma kya batu bahika bisi dibanzila ni basungama kaasi bisi lewula bakwawu: 10 «Bayakala bodi bakala kwenda ku nzu ya Nzambi mu kulombila; mosi kaÌkala mufwadisi, mukwawu, kalaki ka phaku. 11 Mufwadisi waÌtelama, waÌlombila bwabu yandi meni: “Ah! Nzambi, yikuvutwadi matondu kikuma yeku hanga bayakala bahika, bena befi yi batu bakonda sungama, bita-mbongi; holo hanga kalaki ka phaku yandi. 12 Yisi zila kudya, mbala zodi muna phosa, yisi futa kimosi kya kumi kya bima byama byosu." 13 Kalaki ka phaku, yandi, kaÌkala watelama kuna kyana; kaÌlendaku kuvumbula mesu ku zilu, kaasi kaÌkala bunda hana thulu yi kuzonzaka: “Ah! Nzambi, ngyukila kyadi, musumuki yenina." 14 Kyedika yiluzimbwadibwa, yandu-yandu waÌkulumuka hika ku nzu yandi, mu ndonga yi Nzambi; kaasi ka wuna ku mukwawu. Mukuma wuna wadiÌtombula, kakuÌlumuka; kaasi wuna wadiÌkulumuna, katoÌmbuka.» 15 Batu bakala nata kwena Yesu keti bana bakhunda ba lubutu, ndangu kabasimba yi koku. Balonguki, mu kumona bwabuna, baÌyandika kubakaya. 16 Kaasi Yesu waÌhana muswa ni bamunatina bawu amana waÌzimbula: «Yambulenu bana bisa kwena meni. Lubakandisaku, mukuma Kipfumu kya Nzambi kyenina kikuma kya bana bena hanga bawu. 17 Mu kyedika yiluzimbwadi: wuna wakonda yamba Kipfumu kya Nzambi hanga mwana wa khunda, kakoÌtamwoku, swa!» 18 Pfumu mosi waÌhyula kwena Yesu: «Mulongi wa bukheti, biki pfwani yihanga mu kubonga luzingu lwakonda tsuka?» 19 Yesu waÌmuzimbwala: «Kikuma kya biki wuthedidi wa bukheti? Heku mutu wenina wa bukheti ho ka Nzambi lwesi ku. 20 Wuzayi mitsiku: “Taku mbongi, hondaku, yibaku; taku kimbangi kya luvunu, zitisa tata waku yi ngudi waku.» 21 Mutu wuna waÌvutula: «Yisi lemvukilamya myana myosu tukidila kileki kyama.» 22 Yesu buna kaÌmuyuka bwabuna, waÌzimbula: «Kima kimosi hika kikukondi; tekisa byosu bina wena byawu, kabisabya kwena baphutu amana wataÌmbula kimvwama mu mazilu. Kunima, nzawisa ndanda.» 23 Kaasi buna kaÌyuka bwabuna, wekina mu kiwayi kya lawu, mukuma mvwama wambuta kaÌkala. 24 Yesu buna kaÌmumona bwabuna mu kiwayi, waÌzimbula: «Phasi bwena kwena bana benina yi kimvwama mu kukota mu Kipfumu kya Nzambi. 25 Mukuma bweku phasi kwena Kamela mu kulobuka ha hundu dya ndongu, kuluta mvwama mu kukota mu Kipfumu kya Nzambi.» 26 Bana bakala muyuka baÌzimbula: «Amana nati wufwani kahuluka?» 27 Yesu waÌvutula: «Mambu mana maleÌndakanaku kwena batu, maleÌndakana kwena Nzambi.» 28 Phetelu waÌzimbula: «Talandi, betu twaÌsisa bima byaÌkala bya betu, mu kukulanda ngeyi.» 29 Yesu waÌbazimbwala: «Mu kyedika yiluzimbwadibwa, heku mutu waÌsisa, kikuma kya Kipfumu kya Nzambi, nzu yi mukhetu yi baphangi, yi tata yi ngudi wandi, holo bana, 30 kakonda tambula, bya lawu kuluta mu tangwa dyadi yi muna tsi yina yisi kwisa, luzingu lwakonda tsuka.» 31 Yesu waÌbonga bawu Kumi yi bodi amana waÌbazimbwala bwabu «Tubati tombuka ku Yelusalemi. Mambu moosu mana maÌsonama mu nzila ya bambikudi kikuma kya Mwana wa mutu, maluÌngila. 32 Mukuma bamuÌlambula ku moku ma baphani, bamuÌseya, bamuÌtukwana, bamuÌlokwala metya. 33 BamuÌzyatula, kunima bamuÌhonda. Amana kilumbu kya tatu, kafuÌtumuka.» 34 Kaasi bawu baÌbakisaku keti kima mu moosu mana; thendula ya ndinga yina yabaÌkadila yakufidinga, baÌzayaku keti biki bwazola kuzonza. 35 Bwosu kakala phusana bela-bela yi Yediko, phofu mosi kakala wasikuka kuna kabeta ka nzila yi kulombaka. 36 WaÌyuka mulumba-lumba wa batu waÌkala hyoka amana waÌhyula keti biki byabina. 37 BaÌmuvutwala: «Yesu mwisi Nazaleti wubati luta.» 38 Kahanga wukalungi: «Yesu, Mwana Tavidi, ngyukila kyadi!» 39 Bana baÌkala ku thwala, baÌyandika kumukaya ndangu kadibata. Kaasi waÌkalunga hika ngolu: «Mwana wa Tavidi ngyukila kyadi!» 40 Yesu waÌtelama, amana waÌsenda ni bamunatina yandi. Tangwa kaÌbwesuka, Yesu waÌmuhyula: 41 «Biki wuzodi yihanga kikuma kya ngeyi?» Yandi waÌvutula: «Pfumu, nzodi yimona hika.» 42 Hanga Yesu wumuzimbwadi: «Mona hika. Lukwikilu lwaku lukuhuludini.» 43 Muna tangwa meni dina, waÌyandika kumona amana waÌmulanda mu kuzatula Nzambi. Batu boosu, mu kumona bwabuna, baÌyandika mu kukumisa Nzambi.