LUKA 19

1 Yesu waÌkota mu Yediko amana waÌhyokila muna mbanza. 2 KwaÌkala kwakuna yi mutu mosi, khumbu yandi Zakhayi; waÌkala pfumu wa bakalaki ka phaku, mvwama phi kaÌkala. 3 Kakala sanda mu kumona keti nati kaÌkala Yesu, kaasi kikuma kya mulumba-lumba wa batu, kaÌlendaku kumumona, mukuma wakhufi kaÌkala. 4 Hanga weÌnda thinu kuna thwala amana waÌzanza muna miti mosi ndangu kamumona, kikuma mwamuna kafwana kulutila. 5 Amana buna kaÌtula Yesu homa meni yayina, waÌthuta mesu ku zilu amana waÌmuzimbwala: «Zakhayi, tuluka tswatsu, bulungi, yikala lelu ku nzu yaku.» 6 Zakhayi waÌtuluka tswasu mu kumuyamba yi kyesi kyosu. 7 Amana mu kumona bwabuna, boosu baÌnyengalakana: «Wendi kala ku nzu ya musumuki.» 8 Kaasi Zakhayi, wamutendendi, wuzimbudi kwena Pfumu: «Pfumu, yihaÌna kwena batsukami kati-kati dya kuvwa kwama, amana yukani yihuna mu kulutula thalu ya kosu kima kina kwena mutu, yimuÌvutwala mbala ya.» 9 Yesu kaÌmuzimbwala: «Lelu luhulusu lwisi kikuma kya nzu yayi, mukuma yandi phi kenina mwana mosi wa Bulahami. 10 Mukuma, Mwana wa mutu kisa sanda yi kuhulula kina kyaÌtota.» 11 Bwosu bakala yuka bima bina, Yesu waÌyika hika kingana kimosi kikuma bela-bela yi Yelusalemi kaÌkala, amana bakala banza ni Kipfumu kya Nzambi fwani kyamonika muna tangwa meni dina. 12 Hanga wuzimbudi bwabu: «Mutu mosi wa kikanda kya lukumu weÌnda ku tsi ya kyana, mu kumuyadika kipfumu kya hata dyandi; ku nima dya kuvutuka. 13 Amana kahanga wutedi kumi dya basadi bandi, wubaheki mafwalanga kumi ma wolu. Amana waÌbazimbwala: “Sadilenuzoku bikhita tii yi kuna yikwisa vutwakila." 14 Kaasi bakwa mulambu wandi bakala mumenga, amana baÌtuma kibuka kimosi kya bambambala ku manima ma yandi, ndangu benda zimbula kuna mbanza yina kenda: “Betu tuzodiku: mutu yandu katuyala." 15 “Buna kaÌvutuka, kunima dya kumuyadika kipfumu, hanga wutedisi basadi bana kaÌheka makuta, ndangu kazaya keti bweti baÌsadilama. 16 Watheti wiÌsa amana waÌzimbula: “Pfumu, fwalanga dyaku dya wolu dilumbudi makwawu kumi." 17 Pfumu waÌmuzimbwala: “Bwa bukheti, wenina musadi mosi wa bukheti kikuma wuhwidi mwani mu mambu ma khunda; wataÌmbula kipfumu ha thandu ya mbanza kumi." 18 Wazodi wiÌsa amana waÌzimbula: “Pfumu, fwalanga dyaku dya wolu dilumbudi matanu makwawu." 19 Pfumu waÌmuvutwala: “Ngeyi, phila mosi, wakaÌla pfumu wa mbanza tanu." 20 Wahika wiÌsa, amana waÌzimbula: “Pfumu, tala di, fwalanga dyaku dya wolu dina yiÌzindika ha kitemba. 21 Mukuma ngeyi mbangiki, kikuma ngeyi wena mutu wa mathata. Wisi bonga bima bina wusikudiku amana wisi hela bina wukuniku." 22 Pfumu waÌmuzimbwala: “Muna ndinga zaku meni zina yi mwana yikuÌfundisila, musadi wa mbi! WaÌzaya ni meni mukwa mathata. Yisi bonga bima bina tsikudiku; yisi hela phi bina khuniku. 23 Amana kikuma kya biki wakonda sila mbongu zama mu nzu yina bisi vudisila mbongu? Mu kuvutuka kwama yikakwenda bongaza yi muluta." 24 Kunima waÌzimbula kwena batu bana baÌkala hana: “Mubotulenudyoku fwalanga dya wolu amana hekenudya kwena wuna wena yi mafwalanga kumi." 25 BaÌmuzimbwala: “Pfumu, yandi mafwalanga ma wolu kumi kenina mawu kedi!" 26 Yandi waÌvutula: “Yiluzimbwadibwa: bayiÌka kwena wuna wena yi bima; kaasi wuna kondi kima, bamuÌbwotula keti kina kena kyawu. 27 Kaasi kwena bambeni bama, bana bazodikiku ni yibayala, banatenu kwaku amana bazengenu tsingu ha mesu mama."» 28 Kunima dya kuzimbula bwabuna, Yesu weÌnda ku thwala bawu amana waÌtombuka ku Yelusalemi. 29 Tangwa kaÌtula bela-bela yi mahata mama: Betifasi yi Betaniya, bela-bela yi mongu wa Olive, waÌtuma bodi ba balonguki bandi, 30 wubazimbwadi: «Alwenda kuna hata dina dyenina kuna sambwa; ha lwakoÌta, lwamoÌna mwana wa ane mosi wuna bisi zanza batu, wakuzitikila; wuna bakonda zanza kedi keti mbala mosi kwena mutu. Mukutumunenu amana munatenu. 31 Yukani mutu kaluhyula: “kikuma kya biki lubati mukutwamina?”, lwamuÌzimbwala bwabu: “Pfumu mupfunu kamuvi."» 32 Bana kaÌtuma benda amana baÌwana mambu bwosu kaÌbazimbwala. 33 Tangwa bakala kutumuna mwana ane , bakwa yandi baÌbazimbwala: «Kikuma kya biki lubati kutwamina mwana wa ane?» 34 BaÌvutula: «Pfumu mupfunu kamuvi.» 35 Amana baÌmunata mwana wa ane kwena Yesu, kunima baÌtimbula miledi mya bawu hana kunda dya mwana wa ane, amana baÌmuzanzisa Yesu. 36 Tangwa kakala kwenda, batu bakala yala mizaka mya bawu muna nzila. 37 Amana kakala bwesuka ku khulumuka ya mongu wa ba Olive tangwa bakala sangwala kibuka kya balonguki, bakala zatula Nzambi mu ndinga ya ngolu, kikuma kya biphadi byosu bina baÌmona. 38 Bakala zimbula: «Kasakumuka wuna wisi kwisila mu khumbu ya Pfumu! Ngemba mu zilu yi khembu muna bisoka!» 39 Amana ndambu ya Bafwadisi, muna mulumba-lumba wa batu, baÌmuzimbwala: «Mulongi, bakaya balonguki baku.» 40 Yandi waÌbavutwala: «Yiluzimbwadibwa, yukani bawu badibata, matadi makaÌlunga!» 41 Amana mu kubwesuka, Yesu waÌmona mbanza amana waÌdila kikuma kya yawu, 42 mu kuzimbula: «Wadi ngeyi phi waÌzaya, mu kilumbu kyaki, abweti kutambula ngemba! Kaasi buthwena moosu makusweka mena ku mesu maku. 43 Mukuma bilumbu byakwiÌsa, kwena ngeyi, bina bakuÌzyeta buna bufwani kwena bambeni baku amana bakuÌzinga yi kukufitikisa muma mwosu. 44 BakuÌbula, ngeyi yi bana baku mu kati dya ngeyi, amana basiÌsaku mu kati dya ngeyi keti tadi ha thandu ya tadi, kikuma waÌzayidilaku tangwa dina kisi kutala Nzambi!» 45 Amana buna kaÌkota mu nzu ya Nzambi, waÌyandika kukula batu bana bakala tekisa bima. 46 Mu kubazimbwala: «BaÌsonika bwabu: “Nzu yama, yakaÌla nzu yimosi ya bisambu.” Kaasi benu, lukitudiya saka dya bandwandwa.» 47 Yesu kakala longa bilumbu byosu muna nzu ya Nzambi. Amana bambuta ba banganga Nzambi yi balongi ba mitsiku yi bapfumu ba bikanda bakala sanda phila ya kumuhondila. 48 Kaasi baÌzayaku ketibwe bahanga, mukuma batu boosu baÌkangama yi yandi mu kumuyuka.