LUKA 2

1 Muna tangwa meni dina, pfumu wa mbuta wa mulambu wa Loma, Khayisala Okisiti, kaÌhanga wulubudi mutsiku ni batu boosu benda disonikisa khumbu. 2 Yi mbala ya theti ya kusonikisa khumbu, yaÌsalama mu tangwa meni dina kaÌkala Kidinwusi pfumu wa mukombu wa Sidiya. 3 Amana batu boosu baÌkala kwenda mu kudisonikisa khumbu, kosu mutu, kuna mbanza yandi ya kisina. 4 Yozefu, yandi phi, wutuki ku Nazaleti, mbanza ya Ngadidi, wendi ku Betelemi, mbanza yimosi ya Yuteya, kuna kaÌbutwakila kyamvu Tavidi; mukuma yandi phi kaÌkala mu kikanda kya Tavidi. 5 Kenda disonikisa khumbu yi mbayi wandi, Madiya, waÌkala ku kifundu. 6 Muna tangwa medina baÌkala ku Betelemi, hanga kilumbu kya kubuta kifwani. 7 Madiya wubuti mwana wandi wa yakala, mwana wandi wa theti; wumuvungi ha miledi, wumunimbiki muna bangwa dina bidila bambisi, kikuma mwaÌkalaku kizika, mu nzu ya banzenza kikuma kya bawu. 8 Muna kinzunga mekina, mwaÌkala yi bakalema bakala leka mu tseki, mu kukinda bibulu bya bawu. 9 Wanzyo mosi wa Pfumu wubalubwakidi, khembu ya Pfumu yibayiniki hana baÌkala boosu. Hanga bweya bubakwati lawu. 10 Kaasi wanzyo wubasamwani: «Luyukaku bweya, mukuma Musamu wa Bukheti yilunatini, wuna waÌsephidisa lawu, batu boosu: 11 mu phipha ya lelu, muna mbanza ya Tavidi, mubutukidini Muhuludi kikuma kya benu; yi Kidisitu, Pfumu. 12 Talenu bidimbu lwamuÌzayila: lwamoÌna mwana mosi wa khunda, wa kuvunga ha miledi, wa kunimbika phi muna bangwa dimosi.» 13 Muna mbala mosi, khumbi-khumbi ya banzyo ba ku zilu, kumosi yi wuna wa theti, bakala zatula Nzambi, bakala zimbula: 14 «Khembu kwena Nzambi muna kisoka kya mazilu yi ngemba hana tsi kwena batu babana kisi tonda!» 15 Tangwa baÌvutuka, banzyo, ku zilu, hanga bakalema ba mikoku bazimbudi bawu yi bawu: «Thwendenu tii yi kuna Betelemi, ndangu twamona mambu mana mabwi kuna, mana katusamwani Pfumu, twazaya.» 16 Hanga bakinani kukwenda, bamuwani phi Madiya yi Yozefu yi mwana khunda wa kunimbika muna bangwa. 17 Tangwa baÌmumona, bayandiki kumenika mambu mana kaÌbasamwana wanzyo, matadidi mwana. 18 Batu boosu bana baÌyuka meeni dya bakalema, hanga bayituki. 19 Madiya, yandi, kakala zindika mambu mana moosu muna mbundu amana kakala yindula lawu. 20 Ku nima, bakalema baÌvutuka kwena bawu, baÌyandika kuzatula yi kukumisa Nzambi kikuma kya mambu mana baÌyuka yi mana baÌmona, mukuma moosu maÌluta bwosu kaÌbasamwana wanzyo. 21 Kilumbu kya nana ha kyaÌlunga, kunima lubutuku, hanga baÌmukotisa mwana mukhanda, bamuheki phi khumbu ya Yesu, yina kaÌhana wanzyo kwena Madiya, hana khaku kayimita vumu. 22 Amana tangwa ha dyaÌlungila ndangu Yozefu yi Madiya balungisa lukanu lwa kudisemisa bwosu buna myakala lomba mitsiku mya Moyize. Hanga bamunati mwana ku nzu ya Nzambi ya Yelusalemi ndangu bamutambika kwena Pfumu, 23 kikuma baÌsonika mu mitsiku mya Pfumu: «Mwana wosu wa yakala wa theti wabuÌtuka, kakaÌla watoma kikuma kya Pfumu.» 24 Bibuti byandi bisa tambika mukhayilu bwosu bwakala lomba mu mitsiku mya Pfumu, mbwela boodi holo phombu boodi ba matuku. 25 KwaÌkala, kuna Yelusalemi, mutu mosi khumbu yandi Simeyoni. KaÌkala mutu wasungama; kaÌkala muzitisa Nzambi, kaÌkala hingila yandi wafwana kwisa mu kuhulula Kiseledi. Kitembu Kyatoma kaÌkala yi yandi. 26 Amana Kitembu Kyatoma kaÌtekila muzimbwala ni kakhanaku fwa kedi, konda kumona Kidisitu wa Pfumu. 27 Kitembu wumunatisi Simeyoni, weÌnda ku nzu ya Nzambi. Muna tangwa meni dina, bibuti bya Yesu bamunati ndangu balungisa lukanu bwosu milombini mitsiku, 28 Simeyoni wumuzangudi muna moku mandi, wuvutudi matondu kwena Nzambi mu kuzonza bwabu: 29 «Buthwena, Pfumu, wulungisi lusilu lwaku: wufwani wamuyambula muhika waku kafwa mu ngemba. 30 Mukuma mesu mama mamoni luhulusu lwaku, 31 luhulusu luna waÌtekila yidika ku thwala ya bikanda byosu: 32 lwenina mutemu wa kuzayikisa kwena batu ba tsi yosu; wawuna waÌkala lukumu lwa kikanda kyaku kya Kiseledi.» 33 Tata yi ngudi wa Yesu baÌyituka mu mambu mamana kaÌzonza Simeyoni kikuma kya yandi. 34 Simeyoni waÌbasakumuna, wuzonzi phi kwena Madiya, ngudi wa Yesu: «Nzambi waÌmusola mwana yandu kikuma kya yandi, batu ba lawu baÌbwa, bahika phi baÌtombuka, mu Kiseledi. Kakala kidimbu kya Nzambi kaasi batu ba lawu bamubwisa, 35 amana mabanza ma batu ba lawu maÌswama mu mbundu, kaluÌbulama ha tseki. Kwena ngeyi, Madiya, phasi za lawu waÌyuka ku mbundu hanga ngumba yikutubudi mbundu.» 36 KwaÌkala hika yi mbikudi mosi wa mukhetu, khumbu yandi Ana, mwana mukhetu wa Phanuwedi, mukwa kikanda kya Asidi. Wanuna kaÌkala, kaÌzinga yi yakala dyandi wa kingunza, mvula tsambwadi, 37 ku nima, wasala mufwidi, kaÌnanga mvula makumi nana yi ya. Kakalaku tina nzu ya Nzambi, kaasi kakala sadila Nzambi phipha yi mwini mu kuzila kudya yi mu kulombila. 38 Yandi phi waÌtula mu tangwa medina, yandiki kuvutula matondu kwena Nzambi. Wumuzonzidi mwana kwena batu boosu, bana bakala hingila ni Nzambi kahulula Yelusalemi. 39 Tata yi ngudi wa Yesu, ha baÌlungisa lukanu lwosu, bwosu milombi mitsiku mya Pfumu, baÌvutuka yi yandi ku Ngadidi, ku mavula ma bawu ma Nazaleti. 40 Mwana kakala kola yi kikesa, waÌbasa yi mudimu, khenda za Nzambi zaÌkala yi yandi. 41 Kosu mvula, bibuti bya Yesu bakala kwenda ku Yelusalemi kikuma kya mukinzi wa Phaki. 42 Ha kaÌlungisa Yesu mvula kumi yi zoodi, bamunati bwosu kyaÌkala kikalulu kya bawu. 43 Ha bamanisa kuta mukinzi, baÌvutuka, kaasi mwana sanda, Yesu, waÌsala ku Yelusalemi; bibuti byandi baÌzayaku. 44 Babanza ni Yesu kaÌkala yi bakwawu khunda ba mu nzila, bana bakala kangala bawu amana baÌsala kilumbu kimosi mu nzila. Hanga bayandiki kumusanda hana kati kya biwutu yi banduku ba bawu, 45 Kaasi baÌmusengumunaku. BaÌvutuka hika ku Yelusalemi yi kwenda musosaka, kinzila-kinzila. 46 Kilumbu kya tatu, baÌmusenguna muna nzu ya Nzambi: wasikuka hana kati dya balongi ba mitsiku, mu kubahinikina yi mu kubahyula byufu. 47 Batu boosu bana bakala muhinikina, bakala yituka kikuma kya ngangu zandi yi mvutu zina kakala bavutwala. 48 Ha baÌmusenguna, bibuti byandi, baÌyituka lawu amana ngudi wandi wumuzimbwadi: «Mwana wama, kikuma kya biki wutuhangidi bwabuna? Tataku yi meni, mu kiwayi kya lawu tukakusandila.» 49 Yandi wubavutwadini: «Kikuma kya biki lubati tsandila? Lwazayabwoku ni yifweti landila mambu ma Tata wama?» 50 Kaasi baÌbakulaku mambu mana kakala bazimbwala. 51 Yesu waÌkulumuka nzila mosi yi bawu ku Nazaleti. Kakala balemvukila. Ngudi wandi kakala sweka mambu mana moosu muna mbundu yandi. 52 Amana Yesu kakala kola yi mu mudimu yi mu malutu, kaÌkala hana phi tsambu kwena Nzambi yi kwena batu.