LUKA 7

1 Ha kaÌmanisa, Yesu, kuzonza mambu mana kwena batu baÌkala hana, weÌnda ku mbanza ya Kaphedinawumi. 2 Kwakuna, kwaÌkala yi satudiyoni mosi kaÌkala yi musadi wandi wuna kakala tonda lawu. Musadi meni wuna kaÌkala wabela mu kulakana. 3 Mu tangwa kaÌyuka, kaphiteni, khululuka ya Yesu, hanga wutumi ndambu ya bambuta ba Bayuta ndangu benda mubokwadila Yesu, kisa mubuka musadi wandi. 4 Ha baÌtula kwena Yesu, baÌyandika kumubokwadila yi nziki-nziki: «Mutu wuna bulungi wenda musadisa. 5 Mukuma kisi tonda kikanda kyetu, yandi phi waÌtutungila nzu ya kimvuka ya Bayuta.» 6 Hanga Yesu wendi bawu nzila mosi. Kakalaku kyana yi nzu, tangwa kaÌmutumina, satudiyoni, banduku bandi ndangu bamuzimbwala: «Pfumu, diyangisaku. Yeku walungila mu kukutambwasa ni wakota mu nzu ya meni; 7 hahana khondi kwisilaka meni-meni, mu kimwesa mutu, kwena ngeyi. Kaasi zonza ndinga mosi amana musadi wama kaÌbeluka. 8 Mukuma, meni-meni yenina mu sina dya hamu dya bapfumu bama amana yena yi baphumbulu bama bisi ndemvukila. Ho ni yizimbula kwena mosi: “Ndawenda!”, wendi; ho ni yizimbula kwena mukwawu wa hika: “Nzawisa!” amana wisi; amana kwena musadi wama: “Hanga bwabu!” amana wuhangibwa.» 9 Ha kayuka mambu mana, ma Kaphiteni, Yesu waÌyituka. Kahanga wubaluki kwena kibuka kina kyakala mulanda amana wuzonzi: «Yiluzimbwadibwa ni keti mu Kiseledi, khaku kedi mbona kikumbwala kya mbuta, kya mutindu wawu.» 10 Ha bisa vutuka bambambala, bana baÌtuma, ku nzu ya Kaphiteni, bisa wana musadi wuna wukodi kedi. 11 Hanga Yesu wendi ku hata dimosi bisi tela Nayini; balonguki bandi yi mulumba-lumba wa batu bakala kwenda nzila mosi. 12 Tangwa kaÌtula ku fula dya hata dina, bekanata mvumbi mosi ku mazyamu: kaÌkala mwana yakala wa mufwidi mosi, yandi hika. Batu balawu ba hata medina baÌkala yi ngudi wuna. 13 Pfumu, ha kaÌmumona mufwidi, kiwayi kimukwati kikuma kya yandi amana wumuzimbwadi: «Wudilaku!» 14 Kahanga wubwesuki, wusimbi phi mukunzu; batu bana bakalawa nata batelami. Yesu wuzonzi: «Mwana yakala, yikuzimbwadi: tokama!» 15 Amana mvumbi waÌsikuka, waÌyandika phi kuzonza. Yesu waÌmuhana kwena ngudi wandi. 16 Batu boosu bweya bwaÌbakwata, baÌyandika kumuzatula Nzambi mu kuzonza: «Mbikudi wambuta wulubukini ha kati kya betu!» Amana phi «Nzambi wisi yakidila batu bandi!» 17 Amana muna tsi ya Yuteya yi binzunga byandi byosu baÌyuka khululuka ya mambu mana kaÌhanga Yesu. 18 Balonguki ba Yowani baÌzimbula, kwena mulongi wa bawu, mambu mana moosu buna maÌlutila. Yowani waÌtela bodi muna kati kya balonguki ba bawu; 19 amana waÌbatuma kwena Pfumu benda muhyula: «Ngeyi, yi Masiya wuna wakwiÌsa, ho twahingila mutu wa hika?» 20 Ha baÌtula kwena Yesu, bamuzimbwadini: «Yowani Mubotiki wututumi twakuhyula: “Ngeyi, Masiya wuna wufwani mu kukwisa, ho twahingila mutu wa hika?» 21 Muna tangwa medina, Yesu waÌbuka batu balawu baÌkala yi bisambu bya maladi, minyanga, waÌkukwasa bitembu bya mbi baÌkala byawu yi kutemuna mesu kwena baphofu ba lawu. 22 Kahanga bavutwadi mvutu, batu babana kaÌtuma Yowani: «Ndalwenda, lwamusamwana, Yowani, mambu mana lumoni yi mana luyuki ni baphofu babati mona hika, bakwa khonzu babati kangala, bakwa bwasi basemi, tuhuwa tuyuki, bamvumbi bafutumuki, Musamu wa Bukheti balongiwa kwena baphutu. 23 Kyesi kwena mutu wuna wakonda yambula kikumbwala kyandi mwena meni!» 24 Tangwa baÌvutuka bathumwa ba Yowani, Yesu waÌyandika kuzonzila kikuma kya Yowani kwena mulumba-lumba wa batu: «Biki lwendi talaka mu nganga? Koma ka muswangina kana kabati ningana ku muphephi, kabwaku? Loni? 25 Amana biki lwendi talaka? Mutu mosi wuvwatiki miledi mya kitoku? Kaasi batu baba bisi vwata miledi mya kitoku, bisi zinga luzingu lwa lukumu, mu nzu za bathotila bisi kala. 26 Biki lwendi talaka? Mbikudi mosi? Bwana, bwosu yiluzimbwadi, yandi wuluti mbikudi. 27 Kikuma kya yandi baÌsonika mu mukanda wa Nzambi»: «YituÌma mbambala wama ha thwala ngeyi, mu kukuyidikila nzila.» 28 Yesu yiki hika: «Yiluzimbwadibwa ni heku mutu, ha kati dya baba baÌbutuka kwena mukhetu, wuluti Yowani; kinga wuna wena wa khunda mu kipfumu kya Nzambi wumuluti. 29 Batu boosu bana baÌmuyuka yi tulaki twa phaku, boosu baÌkwikila ni Nzambi kenina wasingama amana babaludi mbundu, batambwasi phi kutambula mbotika kwena Yowani. 30 Kinga Bafwadisi yi balongi ba mitsiku bana baÌkala hana, hanga babwisi mambu kazola kubahangila Nzambi; baÌbwisa kutambula mbotika ya Yowani.» 31 Yesu wuzonzi hika: «Yi banani pfwani yifwanikisa batu ba buthwena bwabu? Bafwanani yi banani? 32 Bafwanakani yi bana baba bazakadi hana zandu, babati dizonzila: “Tulusikidi mahongi ma kyesi kaasi lukiniku! Tulusidi biwolu, ludidiku! 33 Kikuma, Yowani Mubotiki wisi, kisiku dya dipa keti kunwa vinu, amana benu yikuzonzaka: “Kitembu kya mbi kena kyawu!" 34 Ha yisi meni Mwana wa mutu, yibati dya yi kunwaka, amana benu yikuzimbulaka: “Talenu mutu yandu wisi banza lwesi kudya yi kunwaka vinu, yameni nduku wa tulaki twa phaku yi basumuki. 35 Kaasi boosu bana bisi landa mudimu wa Nzambi bisi songila ni zasungama zenina.» 36 Mufwadisi mosi waÌlomba kwena Yesu ndangu kenda dya ku nzu yandi. Yesu waÌkota muna nzu, wubongi homa phi kuna mesa. 37 Kinga mwaÌkala yi mukhetu mosi muna mbanza meni yayina, musumuki. Ha kaÌyuka ni Yesu ku mesa kena muna nzu ya Mufwadisi, wisi nata nganza yimosi ya kabasi yi mananasi ma tsunga ma thalu ya lawu. 38 Wisi telama kuna kunda dya Yesu, kuna bitambi byandi. Wekadila, kitsanga kyandi kiyandiki kunoka muna bitambi bya Yesu; kunima, wuphangusibya yi khambu zandi, wunukibya amana phi wusitibya mananasi. 39 Buna kamona bwabuna, Mufwadisi wuna waÌmutedisa, waÌyandika kudizonzila kuna mbundu: «Wadi mutu yandu kaÌkala mbikudi, kakhani bakula keti nati kenina mukhetu yandu wubati musimba yi buna kenina: musumuki.» 40 Amana Yesu waÌtambula ndinga, wuzimbudi kwena Mufwadisi: «Simoni, dyambu yena dyawu thondi yikuzimbwala.» Simoni wumuvutwadi: «Zonza Mulongi.» 41 Hanga Yesu wuzonzi: «Batu bodi bafwana kufuta pfuka za makuta ma lawu kwena mukwa zawu. Mosi kafwana kavutula khama tanu za mafwalanga amana mukwawu makumatanu. 42 Babodi, bwosu bakalaku yi kima kya kufuta pfuka zina, hanga mukwa pfuka waÌbayambwadilaza. Nati, hana kati kya babodi wahita kumutonda?» 43 Simoni wumuvutwadi: «Meni mboni ni wuna kaÌyambwadila yi pfuka ya lawu.» Yesu wumuzimbwadi: «Mboti wuzengi.» 44 Yesu kaÌbaluka kwena mukhetu wuna, wuzimbudi phi kwena Simoni: «Wumoni mukhetu yandu? Meni khoti mu nzu yaku, kaasi wuphekiku keti mamba kikuma kya bitambi byama; kaasi yandi wutsukudi bitambi yi matsanga mandi kusumunima phi yi khambu zandi. 45 Wungyambiku, tangwa khotiki mu nzu yaku; kaasi yandi kabatiku lembwa kunuka bitambi byama, tuka buna khotidiki. 46 Wutsitikiku masi ku mutwa wama, kaasi yandi wutsiti mananasi ma tsunga ku bitambi byama. 47 Ihana yikuzimbwadi ni masumu mandi ma lawu, mamuloluki kikuma tonda dyandi dya lawu kasongidi. Kaasi mutu wuna baloludi masumu ma khunda, kisi songila phi tonda dya khunda.» 48 Amana Yesu waÌzimbula kwena mukhetu: «Masumu maku malolukini.» 49 Bana kaÌkala bawu ku mesa baÌyandika kudizonzila: «Nati kenina mutu yandu, walenda lolula yi masumu ma batu?» 50 Kaasi Yesu waÌzimbula kwena mukhetu: «Lukwikilu lwaku lukuhuludini: ndawenda mu ngemba.»