LUKA 8

1 Kunima, Yesu weÌnda mu mbanza yi mu mahata kikuma kya kulonga, mwamuna, yi kusamunaka Musamu wa Bukheti wa Kipfumu kya Nzambi ha kimosi yi bawu Kumi yi bodi, 2 yi ndambu ya bakhetu bahika bana baÌbeluka mu bitembu bya mbi yi mu bisambu bya maladi: hanga Madiya wuna bisi tela: Makatala, mwena yandu mwaÌlubuka bitembu bya mbi tsambwadi; 3 Zyani mukhetu wa Kuza, yandu waÌkala pfumu wa bakalaki mu nzu ya kisalu ya thotila Eloti; Suzani yi bakhetu bahika balawu, boosu, bakala hana bima bya bawu ndangu byamusadisaka Yesu yi bathumwa bandi. 4 Batu balawu bakala tuka mu mbanza za mutindu yi mutindu, bisi kutakana kuna kakala Yesu, wubatidi kingana kyaki: 5 «Mukuni mosi wenda kuna kheni, kuna kilanga kyandi. Ha kakala mwanga kheni, ndambu yahika yenda bwila mu nzila: hanga batu bamaniya dyatikisa, banuni baÌtuka ku zilu, bisiya dya. 6 Ndambu ya hika yenda bwila mu mafu ma matadi: ha yamena, miti myaÌyumuka kikuma myaÌkalaku mu mafu ma tsimina. 7 Ndambu yahika yenda bwila ha kati kya tsaku. Tsaku ziyandiki kukola ha kimosi yi ngwalengi ya bukheti; hanga zikakidikisiya. 8 Kaasi kheni yikwawu, yaÌbwila mu mafu ma bukheti, yaÌkola, yihe phi kheni khama ku khama.» Kunima dya kuzonza bwabuna, Yesu yiki hika: «Wuna wenina yi matu ma kuyuka, kayuka!» 9 Balonguki bandi baÌmuhyula, biki kisongidila kya kingana kyaki. 10 Yandi wubavutwadi: «Nzambi waÌluheka, benu, mbakisilu ya kubakula bitsweki bya Kipfumu kya Nzambi; kaasi kwena bahika, waÌbazimbwalama mu bingana, ihana»: “Bafwani kumona kaasi bisiku mona kima, bafwani kuyuka kaasi bisiku bakula." 11 «Yukenu kisongidila kya kingana kyaki: mbutu, yenina ndinga ya Nzambi. 12 Yina yaÌbwila mu kabeta ka nzila: yenina batu bana bisi yuka ndinga ya Nzambi, kunima kiphidi-mutu wisi katulaya muna mbundu za bawu ndangu bakwikilaku hanga bahuluka nana. 13 Bahika benina hanga mafu ma matadi: bisi yuka ndinga ya Nzambi amana bisiya tambula yi kyesi kyosu. Kaasi yisiku zika misodi, kikumbwala kya bawu kyenina mu tangwa dya khunda, mu tangwa dya phasi, balosikya. 14 Kheni yina yaÌbwila ha kati kya tsaku, benina babana bisi yuka Ndinga, kaasi kunima mayanu yi kimvwama yi byesi bya luzingu, bisiya kakidikisa ndangu yihaku bibundu byakola. 15 Kheni yina yaÌbwila mu mafu ma bukheti, benina batu babana bisi yuka Ndinga ya Nzambi, balundiya muna mbundu yafwana yi ya bukheti; amana yibuti kheni yi kusipha kwa mbundu.» 16 «Ka mutu ku wisi lemisa mwinda amana kendawa fidinga katini kondilo kendawa sweka ku tsi ya thangi. Kaasi bisiwa tudika hana thandu ya muzanga wa mwinda ndangu batu boosu bakoÌta mu nzu bamona mutemu. 17 Mukuma kweku kima kyaswamana, kyakonda zayakana, kweku kitsweki kyakonda tunguluka amana byosu byaÌmonika ha kitelengeni. 18 Kebenu mu mana lwisi yuka, mukuma bakoÌsikila kwena mutu wuna wenina kedi yi kima kyandi kaasi kwena mutu wuna weku yi kima, bamuÌbwotula keti koma kana kasi sila mbundu.» 19 Ngudi wa Yesu yi baphangi bandi bisa bamumona; kaasi baÌlendaku kutula kuna kaÌkala yandi kikuma kya mulumba-lumba wa batu. 20 Bendi muzibwala Yesu bwabu: «Ngudi waku yi baphangi baku, ha nzila benina, bazodi ni bakumona.» 21 Kaasi Yesu waÌzimbula kwena bawu boosu: «Ngudi wama yi baphangi bama, benina batu bana bisi yuka ndinga ya Nzambi, bisiya sadila phi.» 22 Kilumbu kimosi, Yesu waÌkota mu mudimba yi balonguki bandi, kahanga wubazimbwadi: «Tulabukenu ku sambwa dina dya yanga.» Amana beÌnda. 23 Ha bakala labuka, Yesu waÌnimba. Muna kithulumukina, kimbongila kyaÌtukula hana mukanda wa mamba; masuwa maÌyandika kukota mamba, mu kihonza baÌkala. 24 Balonguki baÌbwesuka kwena Yesu, baÌmutokamisa mu ndinga ya ngolu: «Mulongi, mulongi tukuluki betu!» Yesu waÌtokama, waÌkayaya pfunzi yi mamba, byaÌdibata. Talala dyaÌvutuka. 25 Yesu waÌbazimbwala balonguki bandi: «Akweti kyenina kikumbwala kyenu?» Kaasi bweya bwaÌbakwata, baÌyituka lawu, amana bekazonza: «Nati kenina mutu yandu? Kabati hana muswa kwena pfunzi yi mamba amana byosu, bimuyukidi!» 26 Yesu yi balonguki bandi baÌtula mu tsi ya bisi Ngelasoni, yina yenina ku sambwa dyatalana yi Ngadidi. 27 Tangwa kaÌtuluka Yesu ha tsi, mutu mosi wa ku mbanza meni yana, kaÌkala yi bitembu bya mbi wiÌsa kuna thwala ya yandi. Tuka thama kakalaku vwata hika miledi, amana kakalaku nimba hika mu nzu yandi, kaasi muna mazyamu. 28 Tangwa kaÌmona Yesu, waÌkalunga, waÌdilosa muna malu mandi, wuzonzi phi yi ngolu zoosu: «Biki wisi kotila mambu ma meni, Yesu Mwana Nzambi wa ku zilu? Yikubokwadidi, ngyangisaku!» 29 Mukuma Yesu kakala kukwasa kitembu kya mbi kwena mutu ndangu kyalubuka mwena yandi, kyamusisa. Kitembu kina tangwa dya lawu kyaÌkala mu kati dya yandi, kyaÌmukotila tuka thama; kakala zingila wakukasa mu miyololu yi bisengu kuna malu yi ku moku yi kumutanikina, kaasi kakala tabulamya, amana phi kitembu kyaÌkala mutuma katinaka mu tseki. 30 Hanga Yesu wumuhyudi: «Biki khumbu yaku?» Yandi wuvutudi: «Khumbu yama “Khwingi”.» Mukuma bitembu bya mbi lawu byaÌkota mwena yandi. 31 Hanga bitembu bimubokwadidi Yesu ndangu kabatumaku mu kalunga. 32 Hakana, haÌkala yi kibuka kya bangulu bakala sosa madya muna mongu. Bitembu bina byaÌmubokwadila Yesu ni kabatuma benda kota muna bangulu meni babana. Hanga Yesu wubaheki muswa. 33 Bitembu bya mbi byaÌlubuka mwena mutu, byaÌkota mu bangulu. Hanga kibuka kya bangulu kyosu kikatuki ku mongu, kyendi kota mu yanga dya thibu, baÌfwa phi. 34 Batu bana bakala hungula bangulu, buna baÌmona mambu mana, baÌtina, bendi nata tsangu mu mbanza yi mu mahata. 35 Hanga batu balubuki mu kutala mana maÌhita. BiÌsa kuna kaÌkala Yesu, baÌwana phi mutu wuna baÌlubula bitembu bya mbi: wuzakadiki muna malu ma Yesu, wuvwatiki miledi, mabanza ma kimutu mamuvutwakisi. Hanga batu, bweya bubakwati. 36 Babana baÌmona mambu moosu mana maÌhita, baÌmenika buna kaÌbelukila mutu wuna waÌkala yi bitembu bya mbi. 37 Bakwa kinzunga kina kya Ngelasoni baÌlomba kwena Yesu ni kakatuka ku mulambu wa bawu, kikuma bweya bwa lawu baÌkala bwawu. Yesu waÌkota mu mudimba, waÌvutuka phi. 38 Mutu wuna baÌlubula bitembu bya mbi waÌmubokwadila Yesu ndangu kakalaka yi yandi. Kaasi Yesu waÌmukula, wuzimbudi phi: 39 «Vutuka ku nzu yaku, ndawenda samuna mambu moosu mana kasadi Nzambi kikuma kya ngeyi.» Mutu wuna weÌnda, waÌsamuna phi mambu mana moosu kaÌmusadila Yesu. 40 Tangwa kaÌvutwakisa, Yesu, ku sambwa dya yanga dya thibu, baÌmuyamba kwena mulumba-lumba wa batu, mukuma boosu bakala muhingila. 41 Mutu mosi, khumbu yandi Zayilusi, waÌtula. Yandi kaÌkala pfumu wa nzu ya kimvuka ya Bayuta. Hanga wudilosi muna malu ma Yesu, wumubokwadidi ndangu kenda ku nzu yandi, 42 kikuma kaÌkala yi mwana wandi yandi mosi wa mukhetu, wekalungisa mvula kumi yi zodi, kakala lakana. Mu tangwa kakala kwenda, Yesu, mulumba-lumba wa batu wakala mukakidikisa, tselu yi tselu. 43 Kinga haÌkala hana meni, yi mukhetu mosi wakala noka menga tukila mvula kumi yi zodi. WaÌmanisa kuvwa kwa luzingu lwandi kwosu kwena bandomvi, kaasi keti mutu kaÌlendaku kumubelula. 44 Kahanga wisi bwesuka kuna kunda dya Yesu, amana wusimbi nzenzi ya muledi wa Yesu. Muna mbala mosi, menga maÌmukangama. 45 Hanga Yesu wuhyudi: «Nati wutsimbi?» Boosu baÌyandika kutuna ni basadibwoku, Phetelu wuzonzi phi: «Mulongi, mulumba-lumba wa batu wawu wukuzyetiki, yi babana babati kufitikisa tselu zoosu.» 46 Kaasi Yesu wuvutudini: «Mutu wutsimbi, mukuma ngyuki ni ngolu zimosi zilubuki kwena meni.» 47 Mukhetu kaÌdimona ni wutunguluki, hanga wisi yi tsula zoosu, waÌdilosa kuna bitambi bya Yesu. WaÌyandika kuzimbula, hana mesu ma batu boosu, kikuma kina kaÌmusimbila Yesu yi buna kaÌbeluka mu mbala yimosi. 48 Yesu wumuzimbwadi: «Mwana wama wa mukhetu, lukwikilu lwaku lukuhuludini. Awenda mu ngemba.» 49 Muna tangwa dina kakala zonza Yesu, bwabuna, mutu mosi waÌtuka ku nzu ya Zayilusi wisa muzimbwala: «Mwana waku wa mukhetu wufini. Wumuyangisaku hika Mulongi.» 50 Kaasi Yesu waÌmuyuka, amana wuzimbudi kwena Zayilusi: «Yukaku bweya! Kwikila lwesi, amana mwana waku wa mukhetu kahuÌluka.» 51 Tangwa kaÌtula Yesu ku nzu, waÌbwisa batu bakotaku mu nzu. Hanga kotisi lwesi Phetelu yi Yowani yi Zyaki yi tata yi ngudi wa mwana. 52 Batu boosu bakala dila yi kuyanana kikuma kya mwana wa mukhetu. Hanga Yesu wuzimbudi: «Loni, ludilaku. Mwana kafiku, wanimba kenina.» 53 Kaasi batu bayandiki kumuseya mukuma baÌzaya ni mwana wufiki kedi. 54 Kaasi Yesu wumusimbi mu koku, wuzonzi phi mu ndinga ya ngolu: «Tokama kwaku mwana!» 55 Moya wandi wuvutuki, wutokami, muna mbala mosi. Yesu wubazimbwadi ni bamuheka bima bya kudya. 56 Tata yi ngudi wa mwana wa mukhetu baÌyituka lawu, kaasi Yesu waÌbakandisa ni bazimbulaku kwena mutu mambu mana maÌluta.