LUKA 9

1 Yesu waÌtela bawu Kumi yi bodi, amana waÌbaheka ngolu yi hamu hana thandu ya bitembu bya mbi byosu yi mu kubuka bisambu bya kubela. 2 Amana waÌbatuma kusamuna Kipfumu kya Nzambi yi kubuka bambefu. 3 Wubazimbwadi: «Lunataku kima mu nzila: keti koka, keti waba, keti kudya, keti makuta, amana mutu kakalaku yi miledi myodi. 4 Amana yosu nzu yina lwakoÌta, kalenu mwamuna yi kuna lwalubwakilamwa. 5 Amana muma mwosu muna baluyambiku batu, mu kulubuka mu mbanza, khukumunenu fusyangeni dya bitambi byenu: ndangu kyakala kambangu kikuma kya bawu.» 6 Amana bwana baÌlubuka; baÌyandika kuluta hata muna hata; mu kusamuna Musamu wa Bukheti yi kubuka kwa bambefu muma mwosu. 7 Eloti wuna waÌkala mosi wa bakyamvu baya, wuna wakala yala ku Ngadidi wuyuki mosu mana makala luta, amana mabanza mamuyekina yangalakanu, kikuma bahika bakala zonza: «Yowani wufutumuki ku bafwa.» 8 Bahika bakala zimbula: «Diya wuna wulubukini». Bakwawu phi: «Mosi wa bambikudi bakhulu wufutumuki.» 9 Kaasi Eloti kakala zimbula: «Yowani, meni-meni yiÌmubukwasa mutwa. Amana nati kenina, yandu mbati yuka kuzonzila mambu mana?» Amana kakala sanda kumumona. 10 Amana bathumwa, mu kuvutuka kwa bawu, baÌmuzimbwala Yesu moosu mana baÌhanga. Wubabongi amana wendi ku phungamu, ku sambwa dya mbanza yimosi bisi tela ni Betisayita. 11 Amana milumba-lumba mya batu ha baÌbakulabwa, hanga bamulandi. Yandi wubayambi, wuyandiki kubazonzila Kipfumu kya Nzambi, amana wubuki batu, bana baÌkala yi mupfunu wa kubeluka. 12 Kaasi kuma kwaÌyandika kuyila; bawu Kumi yi bodi bisa bwesuka, baÌmuzimbwala: «Kula mulumba-lumba wa batu, ndangu benda sanda bizika mu mahata yi mafedime ma bela-bela ndangu bamona muma mwa kuleka yi bima bya kudya, mukuma homa thwena ku phungamu, ha kati kya tseki». 13 Kaasi wubazimbwadi: «Bahekenu kudya benu-benu!» Bavutudi: «Thweku yi mapha maluti matanu yi batsema bodi. Akolu ni thwenda sumba madya, betu-betu kikuma kya batu baba boosu.» 14 Mu bwana, haÌkala kitesu kya mafunda matanu ma bayakala. Yesu waÌzimbula kwena balonguki bandi: «Bazakadisenu mu bibuka bya batu makumatanu.» 15 Bahangi bwabuna, amana baÌbazakadisa boosu. 16 Yesu waÌbonga mapha matanu yi batsema bodi, waÌsekula mesu ku zilu amana waÌsakumunabya. Kunima, waÌbukununabya amana waÌhanabya kwena balonguki ndangu bakabisabya kwena mulumba-lumba wa batu. 17 Boosu baÌdya amana baÌyukuta. BaÌnata bitunga kumi yi byodi bya bitini bina byaÌsala. 18 Amana kilumbu kimosi, Yesu kakala lombila ku phungamu amana balonguki baÌkala kumosi yi yandi. Hanga wubahyudi: «Biki misi zonza milumba-lumba mya batu kikuma kya meni?» 19 Bawu bavutudi: «Bahika bisi zonza ni ngeyi wena Yowani Mubotiki, bakwawu hika ni ngeyi, wena Diya, bakwawu bana bahika ni ngeyi, wenina mosi hana kati kya bambikudi bana ba khulu, wuna wufutumukini.» 20 Yesu wubahyudi: «Amana kikuma kya benu, nati yenina?» Phetelu wuvutudi: «Ngeyi wena Kidisitu wa Nzambi.» 21 Yesu kaÌbasidingisa ni bazimbulabwoku kwena mutu; 22 wuyiki: «Bulungi, Mwana wa mutu kanyokuka lawu; bamulosila kwena bambuta ba Bayuta, bambuta ba banganga Nzambi yi balongi ba mitsiku; bamuÌhonda amana kilumbu kya tatu, kafuÌtumuka.» 23 Amana kakala zimbula kwena boosu: «Yuka ni mutu wuzodini kandanda, kadizimbakana yandi meni, katikula kitakani kyandi kosu kilumbu amana kandanda. 24 Mukuma wuna watoÌnda kuhulula moya wandi, mu kyedika katoÌtisawa; kaasi wuna watoÌtisa moya wandi kikuma kya meni, yandi kahuÌlulawa. 25 Amana khi mupfunu kwena mutu kavwa tsi yosu, ho kaditotisa kwandi yandi wosu, kondilo kadizanga? 26 Mukuma wuna wangyuÌka tsoni yi ndinga zama, Mwana wa mutu tsoni kamuÌyuka, tangwa kakwisa vutuka muna khembu yandi yi mu khembu ya Tata yi yina ya banzyo ba Nzambi. 27 Amana, mu kyedika yiluzimbwadi, ndambu ya batu, mu kati dya babana benina haha, badifwilaku, konda kumona Kipfumu kya Nzambi.» 28 Amana bilumbu keti nana byaÌluta, kunima ndinga zina, Yesu waÌbonga Phetelu, Yowani yi Zyaki, amana waÌtombuka yi bawu ku mongu kikuma kya kulombila. 29 Amana tangwa kakala lombila, mbunzu yandi yaÌsoba, amana miledi myandi myekina mya phembi yimosi yakala kedyamina. 30 Amana, kutala, batu bodi baÌkala hahana, yi kuyambilaka yandi: bakala Moyize yi Diya, 31 bakala monika mu kati dya khembu yi kuzonzilaka kwenda kwa yandi, kuna kwafwana kusalama ku Yelusalemi. 32 Phetelu yi bakwawu khunda ku kilu kya ngolu baÌkala; kaasi ha baÌtokama, baÌmona khembu ya yandi yi batu bodi bana baÌkala yi yandi. 33 Tangwa bakala hambwasana batu bana yi Yesu, Phetelu wumuzimbwadi: «Mulongi, bwena mboti ni twakalenu kwetu haka. Tutungenu masombolu matatu, dimosi dya ngeyi, dimosi dya Moyize yi dimosi dya Diya.» Kakalaku zaya mana kakala zonza. 34 Buna kakala zonza bwana, tuti dimosi dyisi bafidinga ku kininga kyandi. Hanga balonguki bweya bubakwati, tangwa dyaÌbafidinga tuti. 35 Amana ndinga yimosi yaÌlubuka muna tuti: «Yandu-yandu kenina Mwana wa meni, wuna yisola. Muyukilenu!» 36 Tangwa yaÌyukalakana ndinga, Yesu yandi hika kakala. Balonguki badibati, amana konda kuzimbula kwena mutu mosi, mu bilumbu meni byabina, mu mana bamona. 37 Kilumbu kyaÌlanda, tangwa bakulumuka ku mongu, mulumba-lumba wa batu wisa mutundakana. 38 Hana kati dya mulumba-lumba wa batu, mutu mosi waÌkalunga: «Mulongi, yikubokwadidi, mutala mwana wama wa yakala, mukuma mwana wama yandi mosi lwesi. 39 Kosu tangwa kitembu kimosi kisi mukwata, mu mbala mosi, waÌyandika kukalunga, kyaÌmuningisa ngolu yi kumulubwasa mafulu-fulu, amana kisi mukatuka mu phasi, kunima dya kumuzokisa yandi wosu. 40 YiÌbabokwadila balonguki baku ndangu bakukwasakya kaasi baÌlendaku.» 41 Yesu waÌhumwakina: «Mbandu yakonda lukwikilu yi yavwalangana! Yi kuna khi tangwa yikwata kadiki yi benu yi kulutambwasaka? Mutwala mwana waku kwaku.» 42 Bwana kakala bwesuka, kitembu kya mbi kyaÌmubwisa ha tsi amana kyaÌyandika kumuningisa hika lawu. Kaasi Yesu, waÌkayakya kitembu kyambi, waÌmubelula mwana, waÌmuvutula phi kwena tata wandi. 43 Amana boosu baÌyituka kikuma kya kineni kya Nzambi. Yesu wusamuni hika lufwa lwandi (Mth 17:22-23; Mlk 9:30-32) Bwosu bakala yituka boosu mu mana kakala hanga, waÌzimbula kwena balonguki bandi: 44 «Kwena benu, tekikenu mboti matu ku ndinga zazi: Mwana wa mutu sanda bamulambula ku moku ma batu.» 45 Kaasi balonguki baÌbakisayoku ndinga yina: yaÌkala yakububika kikuma kya bawu, ndangu babakulaku ntendula yandi, amana bweya baÌkala bwawu mu kumuyufula kikuma kya dyambu medina. 46 Balonguki bekatendana bawu yi bawu ndangu bazaya keti nati mbuta mu kati dya bawu. 47 Amana Yesu bu kaÌzaya kutendana kwaÌkala mu mbundu za bawu, waÌtambula mwana, waÌmusya bela-bela yi yandi, 48 amana waÌbazimbwala: «Wuna wamuÌyamba mwana yandu, mu khumbu ya meni, meni-meni kayambini; amana wuna wangyaÌmba meni, wumuyambi wuna waÌthuma. Mukuma, wuna wenina wakhunda kuluta benu boosu, yandi wuna phi wenina mbuta.» 49 Kaasi Yowani wuzimbudi: «Mulongi, betu tumoniki mutu mosi wukakukwasaka bitembu bya mbi mu khumbu ya ngeyi, amana tusosiki kumukandisa, kikuma kisiku landa ngeyi ha kimosi yi betu.» 50 Kaasi Yesu wumuvutwadi: «Lumukandisabwoku, mukuma wuna kisiku lumenga, ha kimosi lwena yandi.» 51 Bwosu byaÌkala kwisalungila bilumbu bina kakala zanguka ku zilu, Yesu waÌbonga lukanu lwa ngolu lwa kukwenda ku Yelusalemi. 52 Amana waÌtuma bambambala ku thwala yandi. Baba babwa mu nzila amana baÌkota ku hata dimosi dya bisi Samadiya ndangu bamuyidikila kutula kwandi. 53 Kaasi baÌmuyambaku, kikuma ku Yelusalemi kakala kwenda. 54 Buna baÌmona bwana, balonguki bandi, Zyaki yi Yowani, bazonzi: «Pfumu, wuzodi ni twalomba kwena mbawu yatuka ku zilu ndangu yabazinisa?» 55 Yesu waÌbaluka kwena bawu amana waÌbakaya. 56 Amana benda ku hata dya hika. 57 Buna baÌkala muna nzila, mutu mosi waÌzimbula kwena Yesu: «YikuÌlanda kwosu kuma kuna wakweÌnda.» 58 Yesu waÌvutula: «Mikengi myena yi binzenzi, banuni, ku zilu, bena phi yi mazamba, kaasi Mwana wa mutu, keku yi homa kazenza mutwa wandi.» 59 Amana waÌzimbula kwena mutu wa hika: «Ndanda.» Mutu yandu waÌvutula: «Pfumu, pheka muswa yenda zika theti tata wama.» 60 Kaasi Yesu kaÌmuzimbwala: «Yambula bamvumbi badizika bawu yi bawu, kaasi ngeyi ndawenda samuna Kipfumu kya Nzambi.» 61 Mukwawu kaÌzimbula: «Pfumu, yikuÌlanda meni; kaasi pheka muswa yenda bonga theti ndenga kwena biwutu bya mu nzu yama.» 62 Yesu waÌmuvutwala: «Wuna wusimbi tsengu mu kubundula, amana katala ku manima, kafwaniku mu Kipfumu kya Nzambi.»