MATHAYI 7

1 «Lufundisaku, ndangu Nzambi kalufundisaku phi. 2 Mukuma muna phila ya pfundusu yina lwisi fundisila bakwenu, mwamuna phi baluÌfundisila; amana mu kitesu kina lwisi tesila, kyakina phi kaluÌtesila benu. 3 Amana kikuma kya biki wisi tadila kitswala kyenina mu disu dya phangi waku, kaasi wisiku mona kitini kya miti kyenina mu disu dyaku ? 4 Holo abweti wufwani kuzimbula kwena phangi waku: “Ngyambula yikatula kitswala kyenina muna disu dyaku”, kinga ni muna disu dya ngeyi meni kibuku kya miti kyenina muna? 5 Kavungalosi, katula theti kitini kya miti kyenina muna disu dyaku, amana wamoÌna phila ya kukatula kitswala kya disu dya phangi waku. 6 «Luhanaku bina byena byatoma kwena bambwa kondilo baluvutwakila mu kululunza amana lulosaku misanga myenu ku thwala ya bangulu, kondilo badyatikisamya.» 7 «Lombenu amana lwataÌmbula; sandenu, amana lwaseÌngumuna; khokwatilenu, amana baluyafwadila. 8 Mukuma wosu wuna wisi lomba, kisi tambula, wuna wisi sanda kisi sengumuna, amana kwena wuna wisi khokutila, mwelu wakuyafulula wakaÌla. 9 Holo nati ha kati dya benu, ho mwana wandi kamulomba dipha, amana kamuheka tadi? 10 Kondilo, yukani kalomba tsema, amana kamuheka nyoka ? 11 Yukani benu batu ba mbi, lwazayaka kuhana bima bya bukheti kwena bana benu, kikuma kya biki ni lo, Tata wenu wenina kuna mazilu kakonda sala kuluta mu kuhana bima bya bukheti kwena bana bisibya mulomba! 12 «Mambu mana moosu lwisi tonda ni batu bahangaka kikuma kya benu, benu phi hangakenuma phila mosi kikuma kya bawu: Amamana malongi moosu ma mitsiku yi bambikudi.» 13 «Kotilenu mu mwelu wafitakana; mukuma mwelu wuna wisi natisa ku bilungi wambuta wenina amana nzila yayalumuka, amana henina yi balawu bisimwa kotila; 14 Kaasi wa khunda wenina mwelu amana nzila yina yisi natisa batu ku luzingu, yafitakana yenina, amana bakhunda bena beninamwa.» 15 «Lwengenu kikuma kya bambikudi ba bukamvi. Bisi kwisa kwena benu bavwata miledi mya mikoku, kaasi mu kati bena bambwa-ngongu bisi vukula. 16 Muna bibundu bya bawu lwabaÌzayila. Bibundu bya vinu ha tsaku bisibya hedila? Amana fwani bahela kibundu kya fiki ha kivunza kya tsaku? 17 Ihana ni miti woosu wa bukheti wisi ha bibundu bya bukheti, amana miti wuna wambi, wisi ha bibundu bya mbi. 18 Miti wa bukheti wufwaniku kuha bibundu bya mbi, keti miti mosi wabela mu kuha bibundu bya bukheti. 19 Miti wosu wuna wisiku ha bibundu bya bukheti, bakwaÌngawa, amana baloÌsawa ku mbawu. 20 Disongidila, abwabuna lwabaÌzayila muna bibundu bya bawu.» 21 «Heku ni boosu bana bisi nzimbwala: “Pfumu, Pfumu,” bakoÌta mu kipfumu kya mazilu loni, kaasi bana lwesi bisi sala luzolu lwa Tata wama wenina mu mazilu. 22 Balawu banziÌmbwala muna kilumbu kina: “Pfumu, Pfumu, keku mu khumbu ya ngeyi twakala bikwala, mu khumbu ya ngeyi twakala kukwasila bitembu bya mbi, amana mu khumbu ya ngeyi twakala sadila biphadi? 23 Amana hanga yibazimbwadi: “Yiluzayaku keti mbala mosi, katukenu ku mesu ma meni, benu lwisi sala mbi!"» 24 «Disongidila, wosu wuna wuyuki kwena meni ndinga zazi amana kasadilaza kakaÌla hanga mutu wuna wadimuka, waÌtunga nzu yandi ha thandu ya tadi. 25 Amana mvula waÌnoka, kithombu kyisa, pfunzi yaÌtukula, byenda dita kuna nzu meni yina: yaÌbwaku; kikuma baÌtungilaya ha thandu ya tadi. 26 Kaasi wosu wuna wuyuki kwena meni ndinga zazi, konda kusadilaza, yandi kakala hanga zoba waÌtunga nzu yandi ha fusyangeni. 27 Amana mvula waÌnoka, kithombu kyisa, pfunzi yaÌtukula kuna nzu meni yina, yaÌwulumuka, amana kubwa kwa yawu kwaÌkala kwa mbuta.» 28 Amana tangwa kaÌmanisa Yesu mambu mana, milumba-lumba mya batu baÌyituka lawu mu malongi mandi. 29 Mukuma kakala balonga hanga mutu wenina yi hamu, heku ni hanga balongi ba mitsiku.