MATHAYI 8

1 Amana buna kaÌkulumuka ku mongu milumba-lumba mya batu baÌmulanda. 2 Amana kutala mukwa bwasi mosi waÌbwesuka, waÌmufukamina kuna thwala mu kuzimbula: «Pfumu, yuka ni wuzodibwa, fwani watsemisa.» 3 Amana Yesu waÌyuna koku, waÌmusimba amana wuzimbudini: «Nzodibwa, sema!» Muna tangwa meni dina waÌsema ku bwasi bwandi. 4 Kunima Yesu waÌmuzimbwala: «Keba mu kuzimbulabwa kwena mutu, kaasi ndawenda disongila kwena banganga Nzambi, amana tambika kabu dina kasonika Moyize, kyakaÌla kimbangi kikuma kya bawu.» 5 Amana bwosu kaÌkota mu Kaphedinawuma, satudiyoni mosi waÌbwesuka, mu kumulomba 6 amana wumubokwadidi: «Pfumu, musadi wama kena walandalala kuna nzu, wawokumuka amana wabela lawu.» 7 Yesu wumuzimbwadi: «Meni, yikwisa mubuka.» 8 Amana satudiyoni wuvutudi: «Pfumu, yeku walunga mu kukukotisa mu nzu yama; kaasi zonza lwesi ndinga mosi, amana musadi wama kabeÌluka. 9 Mukuma yena meni meni mu tsya hamu dya bambuta bama amana yena yi baphumbulu bama bisi ndemvukila; yisi zimbula kwena mosi: “Ndawenda!” Amana wendi, kwena mukwawu: “nzawisa”, amana wisi, amana kwena musadi wama: “hanga bwabu”, amana wuhangibwa.» 10 Amana kunima dya kumuyuka, Yesu waÌyituka, waÌzimbula kwena bana bakala mulanda: «Abwabuna, yiluzimbwadi: khaku kedi mbona kwena mutu, mu Kiseledi, yi lukwikilu lwa mbuta bwabu. 11 Amana yiluzimbwadibwa, lawu bakwiÌsa ku tsosu yi ku ndamba, mu kutambula kizika ha mesa yi Bulahami yi Yizaki yi Yakobi muna Kipfumu kya mazilu . 12 Kaasi bana ba Kipfumu kya Nzambi baÌbakukwasa ku phipha ya ku phenza; kwakuna kwakaÌla bidilu yi makwenzi.» 13 Amana Yesu waÌzimbula kwena satudiyoni: «Ndawenda, bwosu wukwikidi, yambula bwahangama bwabuna kikuma kya ngeyi.» Amana muna tangwa meni dina musadi waÌbeluka. 14 Kunima, Yesu wenda ku nzu ya Phetelu. Wumoni mwamuna buko bwa mukhetu walandalala hana thangi; yi kikhafuma kaÌkala kyawu. 15 Amana wumusimbini kuna koku, kikhafuma kimuhwini, wutelamini, wuyandikini phi kumuheka madya. 16 Amana masikidika ha mabwa, bisa munatina batu ba lawu baÌkala yi bitembu bya mbi. Kakala kukwasa bitembu ku ndinga yandi amana wubabuki bambefu bana boosu. 17 Ndangu malungila mana baÌzonza mu nzila ya mbikudi Yesaya: «WaÌtambula bifu byetu bya mu lutu amana waÌzangula bimbefu byetu.» 18 Amana, Yesu, buna kamona mulumba-lumba wa batu wumuzingi, hanga wuhani muswa wa kusabuka ku sambwa dikwawu. 19 Amana mulongi wa mitsiku mosi wisa muzimbwala: «Mulongi, yikulanda kwosu kuna wakwenda.» 20 Amana Yesu wumuvutwadi: «Mikengi myenina yi binzenzi, banuni ba zilu benina yi mazamba, kaasi Mwana wa mutu keku yi homa kazenzika mutwa wandi.» 21 Amana mukwawu hika, hana kati dya balonguki, wumuzimbwadi: «Pfumu, pheka nzila, theti, ya kukwenda zika tata wama.» 22 Kaasi Yesu wumuzimbwadi: «Ndanda amana yambula bamvumbi bazika bamvumbi ba bawu.» 23 Amana buna kaÌzanza mu mudimba, balonguki bandi baÌmulanda. 24 Muna kithulumukina, kimbongila kimosi kya ngolu kitukudi hana yanga dyosu, mudimba waÌyandika kubasa mamba. Amana yandi, wanimba kaÌkala. 25 Amana balonguki baÌbwesuka, baÌmutokamisa mu kuzimbula: «Pfumu, tuhulula; tukuluki!» 26 Amana yandi wubazimbwadi: «Kikuma kya biki lwenina yi bweya, batu ba lukwikilu lwa khunda!» Hanga wutelami, wukayikya kimbongila yi yanga, amana talala dya lawu dyaÌvutuka. 27 Amana batu baÌyituka, badizimbwadi: «Khi mutindu wa mutu kenina, yandu, mukuma yi pfunzi yi yanga byisi mulemvukila?» 28 Amana buna katula ku sambwa dikwawu, muna kinzunga kya Ngelasoni , batu bodi ba bitembu bya mbi balubuka mu mazyamu, bisa kuna thwala ya yandi. Bakala babanga lawu, ka mutu ku wa ngolu wakala luta muna nzila meni yina. 29 Amana baÌyandika kukalunga yi kuzonza: «Khi dyambu, yi betu yi ngeyi, Mwana wa Nzambi? Wisa tula haha, ku thwala tangwa , ndangu watuyangisa betu?» 30 Amana kwaÌkala, muna kyana yi bawu, yi kibuka kimosi kya mbuta kya bangulu bakala dya. 31 Amana bitembu bya mbi byaÌkala mubokwadila yandi mu kuzimbula: «Yuka watukukwasa, tutuma kwetu muna kibuka kina kya bangulu.» 32 Amana wuzimbwadibya: «Ndalwenda!» Amana byaÌlubuka, byenda kota phi muna bangulu. Kunima kibuka kya bangulu kyosu kidisyetumuni muna beti dya bitadi bya yanga amana baÌfwa muna mamba. 33 Amana bana bakala bahungula baÌtina; benda menika phi mu mbanza moosu mana maÌhita yi kikuma kya batu bana bodi ba bitembu bya mbi. 34 Amana kutala mbanza yosu yilubuki, bendi tundakana yi Yesu; buna baÌmumona, baÌmubokwadila kakatuka ku mulambu wa bawu.