MALAKU 1

1 Luyandiku lwa Musamu wa Bukheti wa Yesu Kidisitu, Mwana wa Nzambi 2 bwosu bwaÌsonama mwena Mbikudi Yesaya: «Phitikini mbambala wama ku thwala ya ngeyi, kikuma kya kukuyidika nzila. 3 Yi yandi wuna wubati kalunga muna nganga: Yidikenu nzila ya Pfumu, sungikenu mikinda myandi.» 4 Bwabuna kaÌlubuka Yowani, kakala botika muna nganga, amana weka longa mbotika ya kusoba bikalulu kikuma kya ndoluka ya masumu. 5 Bisi kinzunga kya Yuteya boosu yi bisi Yelusalemi boosu bakala kwenda kwakuna kwena yandi amana bakala tambula mbotika kwena yandi, muna Yolutani, yi kufungunaka masumu ma bawu. 6 Yowani kaÌkala wavwata muledi wa mwika mya kamela yi mukaba wa tsibu muna mbunda; kakala dya baphasu yi bwiki bwa mu tseki. 7 Kakala longa: «Kabati kwisa kuna manima ma meni, wuna wenina yi ngolu kuluta meni; amana kutu meni ndungiku mu kuzenzama amana yikutumuna musinga wa tsabatu zandi. 8 Meni yikala lubotika mu mamba, kaasi yandi kakwisa lubotika mu Kitembu Kyatoma.» 9 Muna bilumbu meni bina Yesu kaÌtuka ku Nazaleti, hata dya Ngadidi, hanga bamubotiki kwena Yowani muna Yolutani. 10 Buna kaÌlubuka Yesu mu mamba, kaÌmona zilu dikanguki yi Kitembu Kyatoma kukulumuka kwena yandi hanga yembi. 11 Ndinga yaÌyukalakana kuna zilu: «Ngeyi wenina Mwana wama watondama; mwena ngeyi tsini kyesi kyama.» 12 Muna tangwa meni dina, Kitembu waÌmunatisa mu nganga. 13 KaÌnanga bilumbu makumaya muna nganga, bisa muleya kwena Satana. Kakala zinga kumosi yi bambisi ba mu tseki; amana banzyo bakala musadila. 14 Kunima dya kumukwatisa Yowani mu boloku, Yesu wiÌsa kuna Ngadidi, kakala longa Musamu wa Bukheti wa Nzambi. 15 Kakala zimbula: «Tangwa difwani amana Kipfumu kya Nzambi kibwesukini! Balumunenu mbundu amana kwikilenu mu Musamu wa Bukheti!» 16 Buna kakala luta muna kabeta ka yanga dya mbuta dya Ngadidi, waÌmona Simoni yi Andele, phangi wa Simoni, bakala timbula wanda dya bawu muna yanga, mukuma balobi baÌkala. 17 Yesu wubazimbwadini: «Ndandenu amana yilukitula balobi ba batu.» 18 Muna mbala mosi, baÌsisa mawanda ma bawu amana benda mulanda. 19 Buna kaÌphusana ndambu, waÌmona Zyaki, mwana wa Zebeteya, yi phangi wandi Yowani, baÌkala phi muna masuwa ma bawu, beka yidika mawanda. 20 Muna mbala mosi waÌbatela; baÌmusisa tata wa bawu Zebeteya muna masuwa yi basadi bandi, amana baÌmulanda. 21 BaÌkota mu Kaphedinawuma. Muna kilumbu kya sabata, waÌkota muna nzu ya kimvuka ya Bayuta amana waÌyandika mu kulonga. 22 Bakala yituka kikuma kya malongi mandi; mukuma kakala longa hanga mutu wenina yi hamu, heku ni hanga balongi ba mitsiku. 23 Kinga muna nzu ya kimvuka ya Bayuta meni yina, mwaÌkala yi mutu mosi waÌkala yi kitembu kya mbi, hanga wukalungini: 24 «Kikuma kya biki wudikotisidini mu mambu ma betu, Yesu mwisi Nazaleti? Wisini ndangu watuzanga? Nzayi mboti nani ngeyi wenina: Watoma baÌtuma kwena Nzambi!» 25 Yesu waÌkayakya, mu kuzimbula: «Dibata amana lubuka mwena mutu yandu!» 26 Kitembu kya mbi kyaÌlubuka mwena yandi mu kumuningisa ngolu yi kukalunga ngolu. 27 Boosu baÌyituka lawu; bakala dihyula bawu yi bawu: «Biki byabi? Malongi mapha, yi hamu dyosu! Kabati senda kwena bitembu bya mbi, amana bibati mulemvukila!» 28 Amana khululuka yandi yaÌmwangana yi tswatsu muna kinzunga kya Ngadidi kyosu. 29 Mu kulubuka mu nzu ya kimvuka ya bayuta, weÌnda ha kimosi yi Zyaki yi Yowani ku nzu ya Simoni yi Andele. 30 Buko bwa mukhetu bwa Simoni, walandalala kaÌkala hana thangi, kikhafuma kaÌkala kyawu; muna mbala mosi, baÌmumenikina yandi Yesu. 31 Yandi waÌbwesuka amana wumusimbini kuna koku, wumutelamisini phi; kikhafuma kimuhwini, amana wuyandikini mu kubaheka madya. 32 Masikidika ha maÌbwa, kunima kuzyoka kwa tangwa, bakala munatina bambefu boosu yi bakwa bitembu bya mbi. 33 Mbanza yosu yaÌkhokana kuna thwala ya mwelu wa nzu. 34 KaÌbelula bambefu balawu bakala bela maladi ma mutindu yi mutindu amana waÌkukwasa bitembu bya mbi byalawu; KaÌkalaku sisa tangwa ni bitembu bya mbi byayakula, kikuma byaÌkala muzaya keti nati kaÌkala. 35 Muna suka, bwosu kwaÌkala phipha, Yesu waÌtokama, waÌlubuka ndangu kenda ku phungamu amana kwakuna kikuma kya kulombila. 36 Simoni yi bana kaÌkala bawu benda musanda; 37 Tangwa baÌmusengumuna, bamuzimbwadini: «Boosu babati kusanda.» 38 Yandi wubavutwadini: «Thwendenu kuma kwahika, muna mahata ma kinzunga, ndangu kwakuna phi yisamuna musamu; kikuma kya bwabuna yisidikini.» 39 Amana weÌnda muna kinzunga kya Ngadidi kyosu; mu kusamuna musamu muna nzu za kimvuka za Bayuta za bawu yi kukukwasaka bitembu bya mbi. 40 Mukwa bwasi mosi wiÌsa kwena Yesu, waÌfukama amana waÌmubokwadila: «Yuka ni wuzodibwa, fwani watsemisa.» 41 Yesu yi kiwayi kyosu, waÌlambula koku, waÌmusimba amana wuzimbudini: «Nzodibwa, sema!» 42 Muna mbala mosi, bwasi bwaÌmuwaluka; waÌsema. 43 Yesu waÌmukebisa, waÌmulubula 44 mu kuzimbula: «Dikenga mu kumenika kwena mutu. Kaasi ndawenda disongila kwena nganga Nzambi, amana tambika kabu dyaku kikuma kya kudisemisa kwaku bwosu kaÌlongabwa Moyize; kyakaÌla kimbangi kikuma kya bawu.» 45 Kaasi yandi, buna kenda, waÌyandika mu kumenika mambu mana maÌmubwila kwena batu mu ndinga ya ngolu yi kikesa yi kuyadingisaka Ndinga mu phila ni Yesu kaÌlendaku hika mu kukota buna bufwani keti mu mbanza yimosi. KaÌkala watelama kuna phenza, kuna phungamu, amana bakala tuka tselu yi tselu yi kwisaka kwena yandi.