MALAKU 2

1 Kunima ndambu ya bilumbu, Yesu waÌvutuka ku Kafadinawumi. BaÌyuka ni kuna nzu kenina. 2 Amana haÌwongama thalu ya lawu dya batu, kwaÌsalaku keti homa, keti ku thwala ya mwelu. Kakala balonga Ndinga. 3 HaÌkala hana kati dya bawu yi batu bisa mu kunata kiwokoku mosi baÌtikula kwena batu baya. 4 Bwosu bakalaku lenda mu kumutudisa kwena Yesu, kikuma kya mulumba-lumba wa batu, baÌlungula hana thandu ya mudilu wa nzu yina kaÌkala amana baÌyidika hundu hahana, baÌkulumuna kiphoyu kina kaÌkala walandalala kiwokoku. 5 Mu kumona lukwikilu lwa bawu, Yesu waÌzimbula kwena kiwokoku: «Mwana wama, masumu maku makulolukini.» 6 HaÌkala hakana yi ndambu ya balongi ba mitsiku, bazakala, bekina dizonzila muna mbundu za bawu meni: 7 «Kikuma kya biki kabati zonzila bwabuna? Nzambi kabati sawula? Nani wufwani kulolula masumu, yuka ni ka yandi meni ku Nzambi lwesi?» 8 Muna mbala mosi, Yesu waÌbakula, muna kitembu kyandi, mabanza baÌkala mawu; wubazimbwadini: «Kikuma kya biki lwenina yi mabanza ma bwabuna? 9 Biki byakonda kala phasi, mu kuzimbula kwena kiwokoku: “Masumu maku makulolukini” ho mu kuzimbula: “Telama, bonga thangi yaku amana kangala”? 10 Kaasi bulungi, ndangu lwazayabwa ni Mwana wa mutu kenina yi hamu dya kulolula masumu ha tsi.» Wuzimbudi kwena kiwokoku: 11 «Yikuzimbwadibwa, telema, bonga thangi yaku, amana vutuka ku nzu yaku.» 12 Muna mbala mosi, mutu wuna waÌtelama, waÌbonga thangi yandi, waÌlubuka kuna thwala ya batu boosu, amana baÌyituka lawu, boosu bakala zatula Nzambi mu kuzimbula: «Khaniku tumona kedi dyambu dya mutindu wawu!» 13 Yesu waÌlubuka hika ku kabeta ka yanga dya mbuta; mulumba-lumba wa batu wosu wakala kwisa kwena yandi, amana kakala balonga. 14 Mu kuhita, waÌmona Lefi, mwana wa yakala wa Alufwe, wazakala hana mesa ma kisalu. Wumuzimbwadini: «Ndanda!» Yandu-yandu waÌtelema amana waÌmulanda. 15 Bwosu kaÌkala ku mesa kuna nzu ya Lefi, tulaki twa phaku lawu yi basumuki baÌkala hana mesa hakimosi yi Yesu yi balonguki bandi, mukuma lawu baÌkala mu kumulanda. 16 Balongi ba mitsiku ba bafwadisi buna baÌmumona mu kudya hakimosi yi bakalaki ka phaku yi basumuki, beka zimbula kwena balonguki bandi: «Kikuma kya biki kabati dila homa hamosi yi bakalaki ba phaku yi basumuki?» 17 Kinga Yesu waÌyuka, hanga wubazimbwadini: «Kabanaku benina bakola mu lutu bisi vwa mupfunu wa munganga, kaasi bambefu. YiÌsaku tela batu ba masonga, kaasi basumuki.» 18 Balonguki ba Yowani yi bafwadisi bakala zila kudya. Batu bahika bisa zimbula kwena Yesu: «Kikuma kya biki balonguki ba ngeyi bisiku zila bawu, kinga balonguki ba Yowani yi balonguki ba bafwadisi bisi zila madya?» 19 Yesu waÌvutula: «Banduku ba kikwedi bafwani kuzila madya mu tangwa dina kenina kikwedi hakimosi yi bawu, ku mukinzi wa longu? Tangwa dyosu dina kakaÌla kikwedi hakimosi yi bawu, balendaku kuzila madya.» 20 Bilumbu byakwiÌsa bina babaÌkatula yandi kikwedi; hahana nana baziÌla kudya, muna kilumbu meni kina. 21 «Heku mutu wisi londa kitemba kya muledi wa pha yi muledi wakhulu; kondilo kitemba kya pha kyayaÌta muledi wuna wakhulu, amana kuyatuka kwa muledi kwakala kwalawu. 22 Amana kweku mutu wisi longulula vinu dya pha mu bilungu bya khulu; kondilo vinu dyabuÌla bilungu, yi vinu yi bilungu bizangani; vinu dya pha, difwani mu bilungu bya pha!» 23 Buna kakala hita muna bilanga bya bule kilumbu kimosi kya sabata, balonguki bandi, baÌyandika kuhela misambu myandi, kinzila-nzila. 24 Bafwadisi bamuzimbwadini: «Tala, kikuma kya biki babati hangila mambu mana mafwaniku kuhanga mu kilumbu kya sabata?» 25 Yesu wubazimbwadini: «Benu lwatangaku mambu kaÌhanga Tavidi, tangwa kaÌkala yi lungwa amana waÌyuka nzala, yandi yi bana kaÌkala bawu? 26 Bwosu kaÌkota muna kikumbu kya Nzambi mu tangwa dina kaÌkala Abyatadi mbuta wa banganga Nzambi, waÌdya mapha ma mulambu. Kinga bulombi ni banganga Nzambi lwesi balendama dya, amana waÌbahekama phi ndambu bana kaÌkala bawu.» 27 Amana wubazimbwadini: «Sabata baÌsaladya kikuma kya mutu, kaasi mutu kaÌhangamaku kikuma kya sabata. 28 Yihana ni Mwana wa mutu kenina kibeni pfumu wa kilumbu sabata.»