MALAKU 14

1 Bilumbu byodi byaÌsala mu kuta mukinzi wa Phaki yi mukinzi wa mapha makonda muvimbu. Bambuta ba banganga Nzambi yi balongi ba mitsiku bakala sanda phila ya kumukwata Yesu mu mayedi mambi ndangu bamuhonda. 2 Bakala zimbula: «Heku ni mu tangwa dya mukinzi, hanga kwakala nana mvwalangani mu kati dya batu.» 3 Yesu ku Betaniya kaÌkala muna nzu ya Simoni mukwa bwasi. Buna kaÌkala ku mesa mukhetu mosi waÌkota amana kaÌkala yi mulangi wabasa yi mananasi ma mukwandi, ma thalu ya lawu. WaÌbula mulangi amana waÌzunzila mananasi hana mutwa wa Yesu. 4 Ndambu ya batu bahika baÌyuka kikudi-kudi, hanga beka dizimbwala bawu yi bawu: «Kikuma kya biki kuzanga mananasi mama bwabu? 5 Wadi bakhanima sumbisa mananasi mana mu thalu ya khama tatu za phata , amana mbongu bahana kwena batsukami!» Amana bakala mukumba mukhetu wuna. 6 Kaasi Yesu waÌzimbula: «Muyambulenu. Kikuma kya biki lubati muyangisila? Dyambu dya bukheti kahangini kwena meni. 7 Mukuma, batsukami lwakadiki bawu kosu tangwa, amana lufwani kubasadisa tangwa dina lumoni; kaasi meni twakaÌdikiku yenu kosu tangwa. 8 Yandi kahangi buna kaÌlendidini: katekidi zunzila mananasi mu lutu lwama kikuma kya kuyidika kuzika kwa lutu lwama. 9 Mu kyedika yiluzimbwadini: kwosu kuna baÌsamuna Musamu wa Bukheti, muna tsi yosu, bameÌnikiki phi mambu mama kahangini mukhetu yandu, kikuma kya kumubambuka.» 10 Yutasi Sikadyoti, mosi wa bawu kumi yi bodi, weÌnda kwena bambuta ba banganga Nzambi ndangu kabalambwala yandi Yesu. 11 Buna baÌmuyuka, baÌsangwala lawu amana baÌsila ni bamuheka mbongu. Yutasi kakala sanda tangwa dya mboti ndangu kamulambula Yesu. 12 Kilumbu kya theti kya mukinzi wa mapha makonda muvimbu, muna kilumbu kina bakala tambika kimenga kya mukinzi wa Phaki, balonguki bandi bamuzimbwadini: «Kubiki wuzodi ni thwenda kuyidikila madya ma mukinzi wa Phaki?» 13 Hanga Yesu waÌtuma bodi mu kati dya balonguki bandi amana wubazimbwadini: «Alwenda kuna mbanza, lwatuÌndakana yakala mosi wubati nata kalondu kenina yi mamba. Mulandenu. 14 Amana muna kakoÌta, zimbulenu kwena mukwa nzu: “Mulongi kazimbudini: Kubiki wenina mwanza wuna yidiÌla madya ma Phaki yi balonguki bama?" 15 KaluÌsongila mwanza wumosi wenina wambuta kuna zilu, wenina wakuyidika kedi yi bima byosu. Yi mwamuna lwayiÌdikila mambu kikuma kya betu.» 16 Balonguki beÌnda, buna baÌtula ku mbanza, baÌwana phi mambu bwosu kaÌbazimbwala amana baÌyidika madya ma Phaki. 17 Ha maÌbwa masikidika, Yesu waÌtula hakimosi yi bawu kumi yi bodi. 18 Buna baÌkala kuna mesa yi kudyaka, Yesu wuzimbuni: «Mu kyedika, yiluzimbwadini: mosi mu kati dya benu, wubati dya yi meni, kandaÌmbula.» 19 Kiwayi kyaÌbakwata lawu, baÌyandika mu kumuzimbwala mosi kunima mukwawu: «Ka meni ku, bweku?» 20 Yandi waÌbavutwala: «Kenina mosi muna kati dya benu kumi yi bodi, wuna wuvundikini koku ha longa dimosi yi meni, yandi wuna wandaÌmbula. 21 Mwana wa mutu kabati kwenda, bwosu bwaÌsonama kikuma kya yandi; kaasi khi kyadi kwena mutu wuna wamuÌlambula Mwana wa mutu! BwaÌlunga ni mutu wuna kabutukaku kwandi!» 22 Buna baÌkala dya, Yesu waÌtambula dipha, waÌsambuladya, waÌbukunadya amana waÌhanadya kwena balonguki mu kuzimbula: «Tambulenu, lwalu lwenina lutu lwama.» 23 Kunima, waÌtambula bungu dimosi, kunima dya kuvutula matondu, waÌbahekadya, amana baÌnwaya boosu. 24 Hanga wubazimbwadini: «Mama menina menga mama, ma bulunda bwa Nzambi, mana matyakani kikuma kya batu lawu. 25 Mu kyedika, yiluzimbwadini: yinwaku hika vinu dina, tii yi kuna kilumbu kina yinwaÌdya, dya pha, muna luyalu lwa Nzambi.» 26 Kunima dya kuyimbila mikunga , baÌlubuka, benda ku mongu wa Olive. 27 Hanga Yesu wubazimbwadini: «Kisinza kyakaÌla kikuma kya benu boosu, mukuma bwaÌsonama bwabu: “YimuÌhonda kalema, amana mikoku myamwaÌngalakana." 28 Kaasi kunima dya kufutumuka kwama, yiluÌtekidila kuna Ngadidi.» 29 Phetelu wumuzimbwadini: «Tangwa kyakaÌla kisinza kikuma kya boosu, kyakaÌlaku kikuma kya meni.» 30 Yesu waÌmuvutwala: «Mu kyedika yikuzimbwadini: lelu, muna phipha meni yayi, khoku kakoÌkulaku kedi mbala zodi, ngeyi watsuÌwangana mbala tatu.» 31 Kaasi Phetelu waÌvutula yi ngolu zoosu: «Keti kufwa, yifwa hakimosi yi ngeyi, yikusuwanganaku.» Balonguki boosu baÌzimbula phi phila mosi. 32 Bisa tula homa hamosi bisi tela mu khumbu ya Ngetisemani, amana Yesu waÌzimbula kwena balonguki bandi: «Zakalenu haha, kithama kina yikwata lombila.» 33 WaÌbonga ha kimosi yi yandi Phetelu, Zyaki yi Yowani. Amana waÌyandika kuyuka kyadi yi kiwayi. 34 Hanga wubazimbwadini: «Mbundu yama mu kiwayi yenina yi kuna lufwa; salenu haha, amana kalenu batokama.» 35 Buna kaÌphusana ndambu, waÌbwa ha tsi amana waÌlombila ni, yuka bwalendakana, tangwa meni dina dyahaluka yi yandi. 36 Kakala zimbula: «Aba, Tata, moosu maleÌndakana kwena ngeyi; halula kwena meni bungu dyadi. Kaasi ka luzolu lwa meni ku kaasi luzolu lwaku lwahangama.» 37 Yesu wiÌsa kwena balonguki bawu batatu amana kaÌbawana banimba; waÌzimbula kwena Phetelu: «Simoni, wunimbi? Wulendiku mu kutokama keti tangwa dimosi? 38 Kalenu batemuna, lombilenu phi, ndangu lubwaku mu kimeka. Kitembu kyazyama kyenina kaasi lutu lwalembwa lwenina.» 39 WaÌhaluka hika amana waÌlombila mu kulandulula ndinga zimosi meni. 40 Kunima wisa vutuka hika, wubawani ku kilu, mukuma mesu ma bawu zitu maÌkala. BaÌmonaku biki bamuzimbwala. 41 Yesu wisa vutuka mu mbala ya tatu amana waÌbazimbwala: «Lunimbi hika, lulembwiki kwenu? Yimeni, tangwa dibwesukini. Mwana wa mutu bamulambudi ku moku ma basumuki. 42 Telamenu, thwendenu! Tala, wekina bela-bela wuna ndambudini!» 43 Muna tangwa meni dina kakala zonza Yesu, Yutasi, mosi wa bawu kumi yi bodi waÌtula hahana, hakimosi yi mulumba-lumba wa batu bakala yi mbedi za phoku yi khindi hana moku. BaÌbatuma kwena bambuta ba banganga Nzambi, balongi ba mitsiku yi bambuta ba bayuta. 44 Yutasi wuna wakala mulambula, watekila basongila kidimbu kimosi mu kuzimbula: «Wuna yibumbakana, yandi wuna. Mukwatenu amana munatenu buna bwa bukheti.» 45 Buna kaÌtula, wubwesukini kuna kaÌkala Yesu, wuzimbudini: «Labuni!» Amana waÌmubumbakana. 46 Hanga batu meni bana bamubwidini Yesu amana bamunatini. 47 Mosi wa bana baÌkala hahana, waÌhola mbedi ya phoku, waÌmutapha musadi wa mbuta wa banganga Nzambi amana waÌmuhuta kwiti. 48 Yesu waÌbazimbwala: «Lwisi khwata yi mbedi yi khindi, hanga mbedi ni ndwandwa yenina? 49 YiÌkala yenu bilumbu byosu kuna nzu ya Nzambi mu kulongaka, amana lwaÌkhwataku. Kaasi mamana mabwini ndangu malungila Masonuku.» 50 Hanga boosu bamusisini, amana batini kwabawu. 51 Ngunza mosi wakala mulanda, wadivunga muledi wa thangi. BaÌmukwata, 52 kaasi yandi waÌsutula muledi amana waÌtina kikhonga. 53 Yesu, bamunata ku nzu ya mbuta wa banganga Nzambi, kuna baÌkutakanina bambuta ba banganga Nzambi boosu, bambuta ba bayuta yi balongi ba mitsiku. 54 Phetelu kakala mulanda kuna kyana, yi kuna kyanzala kya nzu ya mbuta wa banganga Nzambi. Buna kaÌkota muna kati, waÌzakala yi batsinzidi , kikuma kya yikuyeta mbawu. 55 Bambuta ba banganga Nzambi yi kimvuka kyambuta bakala sanda kimbangi kya mbi kikuma kya Yesu, ndangu bamuzengila ndola ya lufwa, kaasi baÌmonakyoku. 56 Mukuma lawu dya bambangi ba luvunu bisa funda, kaasi bimbangi byaÌfwananaku. 57 Ndambu ya batu baÌlubuka mu kumutila kimbangi kyaki kya luvunu: 58 «TwaÌmuyuka yandu mu kuzimbula: “YiwuÌlumuna nzu ya Nzambi yayi baÌtunga ku moku ma batu, amana mu bilumbu bitatu, yituÌngulula yikwawu yina yakonda tungama ku moku ma batu."» 59 Amana mbatanana buna, bimbangi bya bawu byaÌkalaku fwanana. 60 Hanga mbuta wa banganga Nzambi wutelami hana kati dya lukutakanu, waÌyufula kwena Yesu: «Keti kima wubatiku vutula? Biki wuzonzi kikuma kya bimbangi byabi babati kufundila baba?» 61 Kaasi Yesu kakalaku yakula, kakalaku vutula keti ndinga. Mbuta wa banganga Nzambi waÌmuhyula hika: «Ngeyi wenina Kidisitu, Mwana wa Nzambi wasambuka?» 62 Yesu waÌvutula: «Meni yandu. Amana lwamoÌna Mwana wa mutu wazakala kuna koku dya kitata dya Nzambi mukwa Ngolu zoosu amana kakwiÌsa muna matuti ma zilu.» 63 Hanga mbuta wa banganga Nzambi wuyati miledi myandi , amana wuzimbudini: «Kikuma kya biki twasandila hika bambangi? 64 Luyuki benu-benu ngusi katukwani Nzambi; Abweti lubanzi benu?» Boosu baÌzimbula ni kufwa muna kufwa. 65 Hanga batu bahika bamuhumi metya kuna mbunzu, bamufidingi mbunzu amana bamuti makufi mu kuzimbula: «Bikuleti, keti nati wukubetini!» Amana batsinzidi bamuti mbata. 66 Buna kaÌkala Phetelu wazakala kuna phenza, hana kyanzala, musadi mosi wa mukhetu wa mbuta wa banganga Nzambi waÌtula. 67 Buna kaÌmona Phetelu wakala yeta mbawu, waÌmutala amana wuzimbudini: «Ngeyi phi, wukadikini yi Yesu, mwisi Nazaleti.» 68 Kaasi yandi waÌsuwangana mu kuzimbula: «Nzayiku, mbatiku bakula mana wuzodi wazimbula, ngeyi.» Kunima waÌlubuka ndangu kenda ku mwelu wa kyanzala; [hanga khoku mosi wukokuni.] 69 Musadi wa mukhetu waÌmumona hika amana waÌyandikila mu kuzimbula kwena babana baÌkala hakana: «Yandu phi kenina mosi wa bawu!» 70 Amana yandi waÌsuwangana hika. Kunima dya tangwa dya khunda, babana baÌkala hakana baÌzimbula hika kwena Phetelu: «Kyedika, ngeyi wenina mosi wa bawu, mukuma mwisi Ngadidi phi wenina.» 71 Hanga Phetelu wuyandiki mu kudya ndefi: «Yukani meni yimuzayi mutu yandu, Nzambi kapheka ndola!» 72 Amana muna tangwa meni dina, khoku waÌkokula mu mbala ya zodi. Phetelu waÌyubuka ndinga yina kaÌmuzimbwala Yesu: «Khoku kakoÌkulaku kedi mu ya mbala zodi, ngeyi watsuÌwangana meni mbala tatu.» Hanga wuyandiki mu kudila.