MALAKU 15

1 Kuma buna kwaÌkhya, bambuta ba banganga Nzambi baÌkutakana hakimosi yi bambuta ba bayuta yi balongi ba mitsiku mu kimvuka kya mbuta. Kunima dya kumukasa Yesu, baÌmunata amana baÌmulambula kwena Philatu . 2 Amana Philatu waÌmuhyula: «Ngeyi, kyamvu wa Bayuta wenina?» Yesu wumuvutwadini: «Ngeyi meni wuzimbudibwa.» 3 Bimbangi lawu bakala mutila kwena bambuta ba banganga Nzambi. 4 Philatu waÌmuhyula hika: «Wubatiku vutula keti kima? Tala moosu mana babati kufundila!» 5 Kaasi Yesu kaÌvutulaku hika keti kima, amana Philatu waÌyituka lawu. 6 Bwosu bwaÌkala ni mu mukinzi wosu wa Phaki, Philatu kakala sula mutu wa boloku mosi, wosu wuna bakala lomba batu. 7 Kinga yakala mosi, khumbu yandi Balabasi, waÌkala mu boloku hakimosi yi bandwandwa, kikuma kya buna kaÌhonda mutu mu tangwa dya mvwalangani. 8 Mulumba-lumba wa batu beÌnda kuna nzu ya Philatu amana baÌyandika mu kumulomba ni kabahangila bwosu kyaÌkala kikalulu kya bawu. 9 Philatu waÌbahyula: «Luzodi yiluyambwadila kyamvu wa Bayuta?» 10 Mukuma waÌzaya kwandi ni, bapfumu ba banganga Nzambi, kikuma kya kiphala baÌmulambwala yandi. 11 Kaasi bambuta ba banganga Nzambi baÌlundika batu ndangu balenga bayambwadila kaka Balabasi. 12 Philatu waÌhyula hika: «Amana biki yihanga buthwena kikuma kya yandu lwisi tela ni kyamvu wa Bayuta?» 13 BaÌkalunga hika: «Mukhoka ha kitakani!» 14 Philatu waÌbahyula: «Khi mbi kahangini?» Kaasi bawu baÌkalunga hika ngolu: «Mukhoka ha kitakani!» 15 Philatu waÌzola kasephidisa mulumba-lumba wa batu, waÌbasudila yandi Balabasi. Kunima dya kumuzyatwasa mafimbu Yesu, waÌmulambula ndangu bamukhoka ha kitakani. 16 Baphumbulu baÌmubulumuna Yesu yi muna kyanzala kya nganda ya pfumu wa mbanza, amana baÌkhokika kibuka kya baphumbulu. 17 BaÌmuvwatisa mvwela ya kabengi amana baÌtunga mukhonzi wumosi wa tsaku, baÌvwatisawa kuna mutwa wandi. 18 Kunima baÌyandika mu kumuheka mboti: «Mboti, kyamvu wa Bayuta!» 19 Bakala muzyatula muswangina muna mutwa, kumuhuma metya yi kufukamaka kuna thwala ya yandi. 20 Tangwa bamanisa mu kumuseya, baÌmukatulaya mvwela yina ya kabengi amana baÌmuvwatisa hika miledi myandi. Kunima baÌmunata ku phenza ndangu benda mukhoka ha kitakani. 21 Mu kunata kitakani kyandi, baphumbulu baÌlundika mutu mosi wakala hita, waÌtuka ku bilanga, Simoni mwisi Sileni, tata wa Alekizande yi Lufwi. 22 Amana baÌmunata Yesu yi hana homa hana bisi tela ni Kolukota, disongidila: «Kizika kya Kibelengenzi kya mutwa.» 23 BaÌzola ni bamuheka vinu dya kusanga mila , kaasi yandi waÌbwisadya. 24 BaÌmukhoka ha kitakani, amana baÌkabana miledi myandi mu kubetilamya zeki ndangu bazaya kina kaÌfwana kubonga kosu mutu. 25 DyaÌkala tangwa dya vwa dya suka, ha baÌmukhoka ha kitakani. 26 Bisona bina baÌnamika byaÌkala tendula kikuma kya ndola yandi, byaÌkala yi mihowu myami: «Kyamvu wa Bayuta.» 27 Hakimosi yi yandi, baÌkhoka hana kitakani bandwandwa bodi, mosi ku koku dyandi dya kitata, mukwawu ku koku dyandi dya kimama. [ 28 Bwabuna maÌlungila mana baÌsonika mu nzila ya Masonuku: «BaÌmusya mu kanga dya batu bambi.»] 29 Bana baÌkala mu kuhita, baÌkala mutukwana yi kunikisaka mutwa mya bawu; yi kuzimbulaka: «He! Ngeyi wakala zimbula ni waÌwulumuna nzu ya Nzambi amana mu bilumbu bitatu wutunguludiya, 30 dihulula ngeyi meni amana tuluka ha kitakani!» 31 Phila mosi phi kwena bambuta ba banganga Nzambi yi kwena balongi ba mitsiku bakala museya yi kuzonzaka: «Batu bahika kakala hulula amana kafwaniku kudihulula yandi meni! 32 Kidisitu, kyamvu wa Kiseledi, katuluka buthwena ha kitakani, ndangu twamona amana twakwikila.» Batu bana baÌmukhoka bawu ha kitakani baÌkala mutukwana phi. 33 Tuka tangwa dya tsinzi, phipha yaÌbwa muna kinzunga kina kyosu tii yi kuna tangwa dya tatu dya masikidika. 34 Muna tangwa dya tatu dya masikidika, Yesu waÌkalunga mu ndinga ya ngolu: «Eloyi, Eloyi, lema sabakatani?» Disongidila: «Nzambi wama, Nzambi wama, kikuma kya biki wungyambwadidini?» 35 Bahika, mu kati dya bana baÌkala hahana, baÌmuyuka, bazimbudini: «Talandi, Diya, kabati tela yandu!» 36 Mutu mosi waÌtyakula thinu, waÌbonga kitini kya vuya, waÌvundikikya muna vinu dya ngani, amana waÌzitikadya ku muswangina, kamuheka yandi ndangu kanwa. Amana wuzimbudini: «Yambulenu, twatala kamba Diya kakwisa mutulula hahana!» 37 Kaasi Yesu waÌkalunga hika mu ndinga ya ngolu amana waÌtabula moya. 38 Kutala muledi wa zitu wuna wakala kabisa kizika kyahedila yi kina kyaÌkala kyahedila kuluta mu nzu ya Nzambi wuyatukini mu byati byodi tuka ku londi yi kuna banda . 39 Buna kaÌmona phila yina kaÌfwila, hanga satudiyoni wuna waÌkala hakana, kuna thwala yandi, wuzimbudini: «Mu kyedika, mutu yandu Mwana wa Nzambi kaÌkadikini!» 40 HaÌkala phi yi bakhetu bakala tala kuna kyana. Hana kati dya bawu, haÌkala yi Madiya mwisi Makatala, Madiya ngudi wa Zyaki wakhunda yi Zoze yi mukhetu wahika Salomeyi. 41 Babana bakala mulanda, bakala musadila phi tuka ku Ngadidi. HaÌkala hika yi bakhetu balawu bana baÌtombuka hakimosi yi yandi ku Yelusalemi. 42 Masikidika hana mabwi kedi, yi bwosu kyaÌkala kilumbu kina kyatekidila sabata, kina bakala yidikila mukinzi, 43 wisa tula Yozefu, mwisi Adimateya, wuna bakala zitisa phi ku kibuka kyambuta. Kakala hingila yandi phi Kipfumu kya Nzambi. Wenda kwena Philatu mu kulomba lutu lwa Yesu . 44 Philatu waÌyituka lawu mu kuyuka ni wutabudiki kedi moya, waÌtedisa satudiyoni amana waÌmuhyula yuka ni thama katabwadikini moya. 45 Buna kaÌyuka meni dya satudiyoni, waÌhana muswa kwena Yozefu mu kubonga mvumbi. 46 Yozefu waÌsumba muledi wa thangi, waÌmutulula Yesu ha kitakani, waÌmuvunga hana muledi wa thangi amana waÌmusikula muna mazyamu mana baÌsima muna kitadi. Kunima waÌkidika kalunga tadi kuna mwelu wa mazyamu. 47 Madiya mwisi Makatala yi Madiya ngudi wa Zoze bakala simbulula bamona homa hana baÌmusya.