MALAKU 16

1 Buna dyaÌhita sabata, Madiya mwisi Makatala, Madiya ngudi wa Zyaki yi Salomeyi baÌsumba mananasi kikuma kya kusita lutu lwa Yesu. 2 Muna kilumbu kyatheti kya phosa, muna kati kya suka tangwa weka lubuka, beÌnda ku mazyamu. 3 Bakala dihyula bawu yi bawu: «Nati watuÌbundwamina tadi dina dyenina dyakukidika ku mwelu wa mazyamu?» 4 Kaasi buna baÌvumbula mesu, baÌmona ni kalunga ka tadi dina, dyakubundumuna kedi kuna kabeta. 5 Buna baÌkota muna mazyamu; baÌmona hakana mwana wa yakala mosi, wasikuka kuna koku dya kitata, waÌvwata mvwela yimosi ya katoki amana baÌyuka bweya. 6 Kaasi wubazimbwadini: «Lukalaku yi bweya; Yesu mwisi Nazaleti lubati sanda, wuna baÌkhokiki ha kitakani. WuÌfutumuki ku bafwa, kenahoku haka. Talenu homa hana baÌmusikudikini. 7 Kaasi alwenda zimbula kwena balonguki bandi yi kwena Phetelu: “Wulutekididini muna Ngadidi; kwakuna lwamuÌmonina, bwosu kaÌluzimbwalabwa."» 8 BaÌlubuka mu mazyamu, amana benda thinu, bakala tekita yi kitswi. Amana baÌmenikinaku keti kwena mutu mukuma bweya baÌkala bwawu. Yesu wudimonikisi kwena Madiya mwisi Makandala (Mth 28:9-10; Ywn 20:11-18) [ 9 Kunima dya lufutumuku lwandi, muna suka-suka dya kilumbu kyatheti kya phosa, Yesu waÌdimonikisa theti kwena Madiya mwisi Makatala, mwena yandi kaÌlubula bitembu bya mbi tsambwadi. 10 Madiya wenda nata musamu kwena babana baÌkala yi Yesu. Mu khondu baÌkala yi kudilaka. 11 Tangwa baÌyuka kuzimbula ni Yesu mu luzingu kaÌkala amana waÌmumona, bawu baÌkwikilaku. 12 Kunima dya bwabuna, Yesu waÌdimonikisa, mu mutindu wahika kwena balonguki bodi hana kati dya bawu bakala kwenda mu mahata. 13 Bisa vutukisa bawu phi mu kusamunabwa kwena bakwawu, kaasi keti bawu phi baÌbakwikilaku kaka. 14 Ku tsuka, Yesu wisa disongila kwena balonguki kumi yi mosi buna baÌkala kuna mesa; amana waÌbakaya kikuma kya kukonda kwa lukwikilu lwa bawu yi mbundu ya tadi ya bawu, kikuma baÌkwikilaku mwena batu bana baÌmumona kunima dya kufutumuka kwandi. 15 Kunima wubazimbwadini: «Alwenda muna tsi yosu amana samunenu Musamu wa Bukheti kwena phangamu yosu. 16 Wuna wakwiÌkila, wataÌmbula phi mbotika kahuÌluka; kaasi wuna wakwiÌkilaku bamuÌzengila ndola. 17 Talenu bidimbu babaÌzayila bana bakwiÌkila: bakuÌkwasa bitembu bya mbi mu khumbu ya meni; bazoÌnza mu ndinga za pha; 18 BakwaÌta banyoka kuna moku, honi banwini ndikila, keti ya khi mutindu, yabaÌhangaku keti kima; batheÌtika moku kwena bambefu amana bawu phi bakwata kola.» 19 Kunima dya kubazonzisa, Pfumu Yesu baÌmutombula ku zilu, amana waÌzakala kuna koku dya kitata dya Nzambi. 20 Amana balonguki benda mwangisa musamu muma mwosu. Pfumu kaÌkala hakimosi yi bawu amana kakala lungisa Ndinga muna bidimbu bya khumbwa bina kaÌkala byawu.]