MALAKU 7

1 Bafwadisi yi ndambu ya balongi ba mitsiku baÌtuka ku Yelusalemi bisa kutakana kuna kakala Yesu. 2 Babati mona ni ndambu ya balonguki bandi bekina dya yi moku ma mvindu, disongidila ni makonda kusukula . 3 Mukuma Bafwadisi yi Bayuta boosu bisiku dya kedi konda kusukula moku, kikuma bisimya zitisa mikuku mya bakhaka; 4 amana tangwa batukini ku zandu, bisiku dya lwesi kunima dya kudisemisa. Bisi zitisa lawu mikuku myahika mya bakhaka, mu mbandu kusukula kwa makopha, malonga, tulondu, nzungu za bisengu yi [thangi ]. 5 Bafwadisi yi balongi ba mitsiku baÌmuhyula kwena Yesu: «Kikuma kya biki balonguki baku bisiku landila mikuku mya bakhaka, bawu kudyaka moku yi mvindu?» 6 Yandi wubazimbwadini: «Bakavungalosi, Yesaya mboti kaÌzonza mu kubikula kwena benu! Bwosu bwaÌsonama: “Kanda dyadi dyisi nzitisila ha munwa, kaasi mbundu yandi kyana yenina yi meni. 7 Mu phamba bisi pfukamina, mukuma malongi ma bawu myenina mikuku mya batu." 8 Lwisi losila mitsiku mya Nzambi amana ludihani ku mikuku mya batu.» 9 Kakala bazimbwala: «Benu lwisi toma losila mitsiku mya Nzambi ndangu lwahalaminaka mu kikhaka kyenu!" 10 Moyize kaÌzimbula: “Zitisa tata waku yi ngudi waku”, amana phi: “Wuna wasiÌnga tata wandi kondilo ngudi wandi bamuhondisa ." 11 Kaasi benu, lwisi zimbula: Wuna waziÌmbula kwena tata wandi kondilo kwena ngudi wandi: “Kina yikhana mu kukuheka kikuma kya kukusadisa kyenina kyakutambika kikuma kya Nzambi , 12 lwisiku sisa hika kima kya kusala kikuma kya tata wandi kondilo ngudi wandi. 13 Bwabuna lwisi zimbikisila ndinga ya Nzambi kikuma kya kikhaka kina lwaÌsambwakisila kwena batu. Amana mambu mahika lawu lwisi sala mafwanakana yi mamana.» 14 Yesu waÌtela hika mulumba-lumba wa batu amana waÌzimbula: «Ngyukenu benu boosu amana bakisenu: 15 Kweku kima kyatuka ku phenza, kyakota mwena mutu kyalenda musumuna. Kaasi kima kina kyisi lubuka mwena mutu, kyakina kyisi musumuna. [ 16 Yuka ni matu ma kuyukila lwenina mawu, yukenu mboti.»] 17 Buna kaÌsisa mulumba-lumba wa batu, kaÌvutuka ku nzu, balonguki bandi baÌmuhyula thendula ya kingana kina. 18 Yandi wubazimbwadini: «Benu phi lweku yi ngangu? Lwisiku zaya ni heku kima kya ku phenza, kikoti mwena mutu kyalenda musumuna, 19 mukuma kyawu kyisiku kota ku mbundu yandi; kaasi mu kundu dyandi, ku thwala kukwenda mu kabini?» Muna ndinga meni zina, mwamuna Yesu kakala zimbwala ni madya moosu ma kasemi menina. 20 Kakala zimbula hika: «Kina kyisi lubuka mwena mutu kyakina kyisi musumuna. 21 Mukuma muna mbundu ya mutu, mwamuna mwisi tuka mabanza mambi: kindumba kya kisaka-saka, bwifi, khengu, 22 mbongi, lukusu, khu, nduka za mbi, bizumba, ngusi, kukenga mesu, kuhuna musamu, lulendu, kukonda kubakisa mambu. 23 Mambu mama moosu mambi myisi lubuka mu kati dya mutu amana myisi sumuna mutu.» 24 Buna kaÌkatuka Yesu hahana, weÌnda ku kinzunga kya Tidi. WaÌkota muna nzu yimosi, kaÌtondaku ni bamuzaya kwena mutu; kaasi kaÌlendaku mu kuswama. 25 Muna tangwa meni dina mukhetu mosi, mwana wandi wa mukhetu kaÌkala yi kitembu kya mbi kimosi. Buna kaÌyuka kuzonzila Yesu, wisa dilosa muna malu mandi. 26 Mukhetu meni wuna kaÌkalaku Muyuta, mwisi Silo-Fenisi kaÌkala. Kakala mubokwadila ni kakukwasa kitembu kya mbi kina kya mwana wandi. 27 Kaasi Yesu kakala muzimbwala: «Yambula theti bana bayukuta; mukuma ka mboti ku mu kutambula madya ma bana, amana batimbulama kwena bambwa.» 28 Kaasi mukhetu kaÌmuvutwala: «Pfumu, aketi bambwa phi bisi dya bizotu bina bisi bwisisa bana mu tsya mesa.» 29 Yandi wumuzimbwadini: «Kikuma kya ndinga yina, vutuka ku nzu yaku, kitembu kya mbi kilubukini mwena mwana waku wa mukhetu.» 30 Tangwa kaÌvutuka ku nzu yandi, kaÌwana mwana walandalala hana thangi, kitembu kya mbi kilubuki kedi. 31 Buna kaÌlubuka ku kinzunga kya Tidi, waÌhitila ku Sitoni amana waÌvutwakila ku yanga dya mbuta dya Ngadidi, waÌhitila mu kinzunga kya Mbanza Kumi. 32 BaÌmunatina muhunga mosi waÌkala babakana mu kuzonza; amana baÌmubokwadila ni kamusya moku. 33 Yesu waÌmunata ku kingenga kyana yi mulumba-lumba wa batu; waÌmusya milembu myandi muna matu, waÌlokula metya amana waÌmusimba lulaka yi metya mandi. 34 Kunima waÌsekula mesu kuna zilu, waÌhumwakina amana waÌzimbula kwena kahuwa: «Efwata!» Disongidila: “Kanguka!" 35 Muna mbala mosi, matu ma mutu wuna maÌkanguka, lulaka lwandi lwaÌkutumuka, waÌyandika mu kuzonza buna bwa bukheti. 36 Yesu waÌbakandikisa ni bazonzilabwoku kwena mutu; kaasi mbatanana kaÌbakandisabwa, baÌyadingisawa hika lawu, musamu, kuluta. 37 Batu baÌyituka lawu, bakala zimbula: «Moosu kabati hanga menina ma bukheti lawu! Kabati yukisa tuhuwa yi kuzonzisa mihunga!»