MALAKU 6

1 Ha kaÌkatuka hakana, wenda ku mbanza yina kaÌkodila; amana balonguki bandi baÌmulanda. 2 Tangwa kyaÌfwana kilumbu kya sabata, waÌyandika mu kulonga muna nzu ya kimvuka ya Bayuta. Batu balawu bana bakala hinikina, baÌyituka lawu. Beka dihyula: «Ku biki mamutukidi mamana? Khi mutindu wa mudimu wana baÌmuheka? Abweti biphadi bya mutindu wuna bifwani kusalamina mu moku mandi? 3 Ka yandi ku musadi wa mabaya, mwana wa Madiya, phangi wa Zyaki, Zoze, Yuta, yi Simoni? Baphangi bandi ba bakhetu benahoku ha kati dya betu?» KaÌkala kisinza kikuma kya bawu. 4 Yesu kakala bazimbwala: «Mbikudi bisiku mukanda lukumu, kaasi kisiku lumina mu tsi yandi yi muna kikanda kyandi.» 5 Yesu kalendaku kusala keti kiphadi kimosi kwakuna, kaasi kaÌbuka lwesi ndambu ya bambefu mu kubathetika moku. 6 Kakala yituka kikuma kya kukonda kwa lukwikilu kwa batu ba ku tsi yandi. Kituma kya bathumwa kumi yi bodi (Mth 10:5-15; Luk 9:1-6) Kunima kakala kangala muna mahata ma kinzunga mu kulongaka. 7 Buna kaÌtela bawu kumi yi bodi, waÌyandika mu kubatuma bodi-bodi yi kubaheka hamu hana thandu ya bitembu bya mbi. 8 WaÌbaheka mutsiku wawu: «Lunataku kima mu nzila, koka lwesi; keti dipha, keti waba, keti dikuta dya phalata muna khola. 9 Vwatenu tsabatu, kaasi lunataku bikutu byodi.» 10 Kakala bazimbwala hika: «Muna nzu yina lwakoÌta, kalenu mwamuna kilumbu yi kuna lwakaÌtwakila homa meni hana. 11 Amana yukani batu babusa mu kuluyamba keti mu kuluhinikina, mu kukatuka hana meni, khukumunenu fusyangeni dya bitambi byenu: kyakaÌla kimbangi kikuma kya bawu.» 12 Amana buna beÌnda balonguki, baÌlonga kwena batu ni mboti babalumuna mbundu. 13 Bakala kukwasa bitembu bya mbi lawu yi kusita masi kwena bambefu amana bakala kola. 14 Kinga kyamvu Eloti waÌyuka buna yakala kwenda khumbu ya Yesu khululuka. Bahika bakala zimbula: «Yowani, wuna wakala botika, wufutumuki ha kati dya bafwa! Hahana kenina yi ngolu za kuhangila biphadi.» 15 Bahika bakala zimbula: «Yandu Diya.» Bahika phi: «Yandu mosi wa bambikudi bana bakhulu.» 16 Kaasi Eloti mu kuyuka bwabuna, kakala zimbula: «Yowani wuna yibukwasa meni mutwa, yandi wufutumukini!» 17 Mukuma yandi-meni Eloti waÌmukwatisa Yowani, waÌmukasisa miyololu mu boloku. Kikuma kya Elodyadi, mukhetu wa Fidiphu, phangi wandi wa yakala, wuna kaÌkwela. 18 Kikuma Yowani kakala zimbula kwena Eloti: «Wulungiku mu kukwela mukhetu wa phangi waku!» 19 Elodyadi kikudi-kudi kya Yowani kaÌkala kyawu amana kakala zola ni kamuhondisa. Kaasi kakalaku lenda. 20 Mukuma Eloti bweya bwa Yowani kaÌkala bwawu, bwosu kaÌzaya ni mutu wa masonga yi watoma kaÌkala amana kakala musweka. Tangwa kakala muyuka, kakalaku mona kima kya kuhanga; kinga kakala muhinikina yi tsambu. 21 Kaasi phila yaÌmonika mu kilumbu kya mukinzi wa lubutuku lwa Eloti, kaÌsadisa mukinzi kikuma kya batu bandi ba luzitu yi bapfumu ba baphumbulu yi bapfumu ba mahata ma kinzunga kya Ngadidi. 22 Mwana wandi wa mukhetu, Elodyadi, waÌkota hana mbasi amana waÌkina; Eloti yi batu bana kaÌtedisa bwaÌbasephidisa lawu. Kyamvu waÌzimbula kwena mwana wa mukhetu: «Ndomba kyosu kina wuzodini, amana yikuÌhekakya.» 23 Hanga wudi ndefi ya mukwandi kwena mwana wa mukhetu: «Kina wandoÌmba, yikuhekakya keti kyati kya kipfumu kyama.» 24 Mwana wa mukhetu waÌlubuka amana waÌzimbula kwena ngudi wandi: «Biki yiloÌmba?» Yandu-yandu waÌvutula: «Mutwa wa Yowani, wuna wakala botika.» 25 Mwana wa mukhetu weÌnda tswasu kwena kyamvu mu kumulomba: «Nzodi ni wapheka, buthwena meni bwabu, ha dilonga, mutwa wa Yowani Mubotiki.» 26 Kyamvu Eloti waÌyuka kiwayi kya lawu; kaasi, kikuma kya ndefi yina kaÌdya ku thwala ya babana kaÌtedisa, kaÌzolaku mu kumutuna. 27 Muna mbala mosi, kyamvu waÌtuma tsinzidi mosi yi muswa wa kunata mutwa wa Yowani. Tsinzidi wenda mubukuna Yowani mutwa muna boloku. 28 Kunima wisa nata mutwa wandi hana dilonga. WaÌhanawa kwena mwana wa mukhetu, amana mwana wa mukhetu waÌhanawa kwena ngudi wandi. 29 Buna baÌyuka musamu wuna, balonguki ba Yowani, bisa bonga mvumbi yandi amana baÌzikaya muna mazyamu. 30 Bathumwa baÌkutakana kuna kakala Yesu, baÌmumenikina mambu moosu mana baÌhanga yi moosu mana baÌlonga. 31 Hanga wubazimbwadini: «Alwisenu ku phungamu, homa hamosi hakaÌlaku batu, amana lwalembwa koma.» Mukuma lawu bakala kwisa yi kukwendaka, amana bawu bakalaku keti tangwa dya kudya. 32 Bahanga bakoti mu masuwa ndangu benda ku phungamu, kuma kumosi kwa talala. 33 Balawu baÌbamona mu kukwenda amana baÌbabakula mu mahata moosu ma kinzunga muna bakala kwenda. Bakala takula mu malu, amana bakala bakesidila kuna thwala. 34 Tangwa kaÌtuluka Yesu mu masuwa, waÌmona mulumba-lumba wa batu lawu; kiwayi kyaÌmukwata, kikuma baÌkala hanga mikoku mikondi kalema. Amana waÌyandika mu kubalonga mambu ma lawu. 35 Buna kwaÌyila kuma, balonguki bandi bisa muzimbwala: «Homa thwenina ha tseki, kuma phi kuyidini. 36 Basula batu, ndangu benda muna mafedime yi muna mahata ma kinzunga, ndangu badisumbila bima bya kudya.» 37 Kaasi Yesu wubavutwadini: «Bahekenu benu-benu madya.» Bawu bamuzimbwadini: «Thwenda sumba mapha ma khama zodi za phata ndangu thwisa badisila?» 38 Yandi wubahyudini: «Alwenda taleti, mapha makwa lwenina mawu?» Kunima dya kuzikisa, baÌvutula: «Mapha matanu yi batsema bodi.» 39 Hanga wubasendi ni babazakadisa boosu mu bibuka muna mwangu watsi. 40 Amana batu baÌzakala mu bibuka bya khama yi bya makumatanu. 41 WaÌtambula mapha mawu matanu yi batsema bawu bodi, waÌsekula mesu kuna zilu, wuvutudini matondu kwena Nzambi. WaÌbukuna mapha amana waÌhanama kwena balonguki bandi; ndangu bakabisama. WaÌkabisa phi batsema bawu bodi hana kati dya bawu boosu. 42 Boosu baÌdya amana baÌyukuta. 43 Amana balonguki baÌnata bitunga kumi yi byodi bya bitini bya mapha yi bya batsema. 44 Babana baÌdya mapha baÌkala mafunda matanu ma bayakala. 45 Muna tangwa meni dina, kunima waÌsenda balonguki bandi bakota mu masuwa amana bamutekidilaka kuna sambwa dya Betisayita, kithama kina kasuÌdila yandi-meni mulumba-lumba wa batu. 46 Kunima dya kubasula, wenda ku mongu kikuma kya kulombila. 47 Ha yaÌbwa phipha, masuwa makala matudi kedi ha kati kya yanga dya mbuta. Yesu yandi buhika kaÌkala muna mafu. 48 Mu kumona ni balonguki bandi mu phasi bakala sabwakila, mukuma pfunzi yakala bakakidikisa; muna khoku wa theti, Yesu wiÌsa kwena bawu mu kukangala hana yanga dya mbuta, hanga wuna wabahita. 49 Tangwa baÌmumona kukangala ha thandu ya yanga dya mbuta, bakala banza ni kiphedikisa amana baÌyandika mu kukalunga; 50 mukuma bakala mumona bawu boosu amana mabanza mabavwalangana. Muna mbala mosi, Yesu waÌzonza kwena bawu: «Kalenu yi kikesa, meni yandu, luyukaku bweya!» 51 Kunima waÌkota muna masuwa ha kimosi yi bawu, amana pfunzi yaÌlembama. BaÌyituka lawu, mwena bawu meni 52 mukuma baÌbakisaku keti kima kikuma kiphadi kina kya mapha: mbundu za bawu zitu zaÌkala. 53 Buna baÌmanisa mu kusabuka, baÌtula ku Ngenezaleti amana baÌtuluka mu mafu. 54 Buna baÌtuluka mu masuwa, batu baÌmubakula Yesu. 55 Batu baÌtuka mu kinzunga meni kina kyosu amana baÌyandika mu kunata bambefu hana biphoyu, mwosu muna bakala muyukila khululuka. 56 Mwosu muna kakala kota Yesu, mahata, mbanza, keti mu mafedime, batu bakala sikula bambefu muna mbasi yi kumubokwadilaka ni kabayambwadila ndangu balenga simba keti nzenzi ya muledi wandi. Amana bambefu boosu bana bakalaya simba, baÌkola.