LOMA 4

1 Biki twaziÌmbula si kikuma kya khaka wetu mu musuni Bulahami? Biki kaÌtambula mu kimutu kyandi? 2 Kikuma yuka ni Bulahami kaÌmonika mutu wamasonga ku thwala ya Nzambi kikuma kya mihangu myandi mina kaÌhanga, wadi kakhana ditsikisa. Kaasi kaÌhangabwoku ku thwala ya Nzambi. 3 Kikuma, Masonuku mazimbudini: «Bulahami waÌkwikila mwena Nzambi, amana Nzambi waÌmutambwasa hanga mutu wa masonga mu kutala lukwikilu lwandi.» 4 Kinga kwena musadi, lufutu lwisiku monika hanga kabu, kaasi lufutu lwa phila ya kisalu kyandi. 5 Kwena mutu wuna kondi sala kisalu, kaasi kisi kwikila mwena Nzambi wuna wisi kitula batu bambi bakala batu ba masonga basumuki, kikuma kya lukwikilu lwandi Nzambi kamuÌtanga hanga mutu wa masonga. 6 Bwosu kisi zimbula Tavidi ni mukwa kyesi kenina mutu wuna kisi tala Nzambi hanga mukwa masonga konda kumutangila mihangu: 7 «Kyesi kwena babana Nzambi kaloludini mitsoki amana kafidingini masumu! 8 Kyesi kwena mutu wuna Pfumu katangidiku keti disumu dyandi !» 9 Musamu wawu wa kyesi wenina kikuma kya batu baba baÌkota mukhanda ho kikuma kya bangulungu phi? Kikuma thwisi zimbula: «Kwena Bulahami, lukwikilu lwandi lwaÌmutangisa hanga mutu wa masonga». 10 Khi phila kaÌkala tangwa baÌmutanga? Hana wukoti kedi mukhanda ho ngulungu kaÌkala? Hana khaku kedi kakota mukhanda, ngulungu kaÌkala. 11 Bulahami kisa kota mukhanda mu kitulu hanga kidimbu: kinyeminu kya masonga mana kaÌtambula mu lukwikilu tangwa kaÌkala ngulungu. Bwabuna kaÌkitukila tata wa batu boosu babana bisi kwikila, mbatanana benina ngulungu, ndangu babatangila bawu phi hanga bakwa masonga. 12 Kenina phi tata wa batu babana baÌkota mukhanda, heku ni babana lwesi baÌkota mukhanda, kaasi babana bisi landa mbandu ya lukwikilu luna kaÌkala lwawu tata wetu Bulahami, tangwa kaÌkala ngulungu. 13 Kikuma, heku ni mu nzila ya mitsiku, Nzambi kaÌmuhekila Bulahami kilangi kya kukala swana wa tsi holo kwena batekulu bandi, kaasi mu nzila ya masonga muna lukwikilu. 14 Mukuma wadi ni baswana bakalaka batu babana bisi lemvuka ku mitsiku, wadi lukwikilu lukhaniku kala mupfunu amana kilangi kya Nzambi bazoÌnzilakyoku hika. 15 Kikuma mitsiku, khabu myisi lumbula; amana hana hakondi mitsiku, heku phi kukulula kwa mitsiku. 16 Yihana ni, kilangi kina kyisila mu nzila ya lukwikilu, ndangu dyakala kabu dya khenda ya Nzambi amana dyakala phi kabu dina baÌsila mbundu kwena batekulu boosu, heku ni kwena babana lwesi bisi zitisa mitsiku kaasi yi kwena babana phi benina yi lukwikilu hanga luna lwa Bulahami. Yandi wuna wenina tata wa betu boosu, 17 bwosu menina Masonuku: «YiÌkuswanika ngeyi tata wa lawu dya makanda.» Yandi wenina ku thwala ya Nzambi wuna kaÌkwikila, Nzambi wuna wisi hana luzingu kwena batu bafwa yi wuna wisi tela mu luzingu bima bina bisiku zinga. 18 Mbatanana tangwa dyaÌhita mu kusila kivuvu, Bulahami waÌsya kivuvu, amana waÌkwikila. Yihana kaÌkitukila «tata wa lawu dya makanda», bwosu baÌmuzimbwala: «Bwabuna dyaÌkala butuka dyaku ». 19 Mbatanana kaÌkala yi kitesu kya mvula khama mosi, kaasi kaÌlembwaku mu lukwikilu lwandi tangwa kakala tala lutu lwandi lulembwi kedi, yi mukhetu wandi Sala yandu waÌfwanaku hika mu kubuta . 20 Kinga mu kutala kilangi kya Nzambi kaÌketyanisaku kivuvu kyandi mu kukonda kwa lukwikilu; kaasi lukwikilu lwandi lwaÌmuyika kikesa amana waÌmukembisa Nzambi. 21 KaÌkala yi kikumbwala kya lawu ni Nzambi kenina yi hamu dya kulungisa mana kaÌsila. 22 Kikuma kya bwabuna phi, muna lukwikilu lwandi, Nzambi kaÌmutangila «Mutu wa masonga». 23 Kaasi heku ni kikuma kya yandi lwesi bwaÌsonamina: «Mamana maÌtangama kikuma kya yandi». 24 Kikuma kya betu phi babana baÌtangilabwa kilumbu, betu baba thwisi kwikila mwena yandu waÌfutumuna ha kati dya bafwa, Yesu, Pfumu wetu. 25 Yandi wuna baÌlambula kikuma kya mitsoki metu amana kaÌfutumuka ndangu katukitula batu ba masonga.