LOMA 6

1 Biki tufwani twazonza? Twanangaka kaka muna disumu, ndangu khenda zavula? 2 Bwalendakanaku! Betu twafwa kedi mu kikuma kya disumu, khi phila twaziÌngilamwa hika? 3 Luzimbakani ni betu boosu bana twaÌbonga mbotika mu kukala yi Kidisitu Yesu, mbotika ya lufwa lwandi twaÌbonga? 4 Disongidila ni, muna mbotika meni yayina ya mu lufwa, baÌtuzika hakimosi yi yandi ndangu, bwosu buna kaÌfutumuka Kidisitu ha kati dya bafwa, muna khembu ya Tata, bwabuna betu phi twadyatila mu phila yapha ya luzingu. 5 Kikuma, honi twakala bakangama lutu lumosi mwena yandi muna lufwa luna lwafwanana yi luna lwa yandi, yibwabuna twakaÌla betu phi muna lufutumuku lumosi lwafwanana yi luna lwa yandi. 6 Twazaya bwabu ni kimutu kyetu kya khulu baÌkhokakya ha kitakani hakimosi yi Kidisitu, ndangu lutu lwetu lwa masumu lwazimuka amana tukalaku hika bahika ba masumu; 7 mukuma mutu wuna waÌfwa kenina waÌlubuka mu disumu. 8 Kinga honi twaÌfwa hakimosi yi Kidisitu, tukwikidini ni twaziÌnga phi hakimosi yi yandi. 9 Bwosu tuzayi ni Kidisitu waÌfutumuka ku bafwa, kafwaku hika; mukuma lufwa lweku hika yi kiyeka kwena yandi. 10 Kikuma, ho kaÌfwa, kikuma kya masumu kaÌfwila, mbala mosi kyamakulu, amana ho kisi zinga, kikuma kya Nzambi kisi zingila. 11 Yihana ni benu-benu phi dibongenu hanga batu bafwa mu mambu matadidini disumu, amana hanga batu ba moya kwena Nzambi, mwena Kidisitu Yesu. 12 Yihana ni disumu diyalaku muna lutu lwenu lwalu lwisi fwa: lulemvukaku ku tsatu zandi. 13 Lulambulaku keti kitini kimosi kya lutu lwenu ku tsalulu ya disumu hanga binwaninu bya kukonda masonga. Kaasi dilambulenu benu-benu mu kisalu kya Nzambi, hanga batu benina mu luzingu bafutumukini ku bafwa, amana syenu lutu lwenu lwosu mu kisalu kya Nzambi hanga binwaninu bya kusadila mambu ma masonga. 14 Kikuma, disumu dyaluÌyalaku, mukuma benu lweku hika mu luyalu lwa mitsiku kaasi mu luyalu lwa khenda. 15 Biki si? Keti twasumukaka kikuma kya buna thweku mu luyalu lwa mitsiku, kaasi mu luyalu lwa khenda? Bwalendakanaku! 16 Luzayibwoku ni ho lwadihanaka kwena mutu hanga bahika, mu kumulemvukilaka, lwekina bahika ba wuna lwisi lemvukila, holo dya disumu dina disi nata ku lufwa, holo dya bulemvu buna bwisi nata ku masonga? 17 Kaasi, matondu kwena Nzambi, kunima dya kukala bahika ba disumu, lwaÌlemvuka yi mbundu yosu, ku mbandu ya malongi mana lwakala tambula. 18 Bwosu lukatukini ku kihika kya disumu, lwekina bahika ba masonga. 19 Mu nzonzidi ya kimutu mbati zonzila, kikuma kya kulembwa kwa musuni wenu: kikuma phila mosi, bwosu lwaÌtambika lutu lwenu lwosu hanga bahika, mu mambu ma mvindu yi mu mbi mu kutsukina ku mbi, yibwabuna lwalaÌmbula, buthwena, lutu lwenu lwosu hanga bahika, kikuma kya masonga, ndangu lwalenga tsukina ku thumbama. 20 Mukuma ha lwaÌkala bahika ba disumu, lwaÌkala mu kiphwanza ku mambu matadidini masonga. 21 Amana khi kibundu lubati buta kwenu? Bima byabi bisi luheka tsoni buthwena, mukuma tsuka ya byawu, lufwa! 22 Kaasi buthwena, bwosu lukatukini mu kihika kya disumu amana lukituki bahika ba Nzambi, kibundu lwenina kyawu, thumbama, amana ku tsuka, luzingu lwa mvula yi mvula. 23 Mukuma lufutu lwa disumu lwenina lufwa; kaasi kabu dya khenda dya Nzambi dyenina luzingu lwa mvula yi mvula mwena Kidisitu Yesu, Pfumu wetu.