Yaburin Sora 46

1 Koraa diine Ala tantun sigina, bɛti baane kuntigin xa. Sungutunne xa a ba. 2 Ala nan en yigiyaan na e nun en fangana. A yitɔnxi mali ti feen na tɔrɔ waxatine birin yi. 3 Nanara, hali bɔxɔn xuruxurun, geyane yi bira fɔxɔ ige tilinxine yi, en mi gaxuɛ. 4 Hali fɔxɔ igene xuxu, geyane fan yi yimaxa gbaloni en mi gaxuɛ. Bɛti xuini te. 5 Xudena Alaa taani naxan a muxune rasɛwama naxan findixi Kore Xɔnna Ala dɔxɔde sariɲanxin na. 6 Ala na taani, a mi yimaxɛ mumɛ! Kuye nɛma yiba, Ala bata taan mali, 7 siyane yi sɔnxɔn nate, mangayane yi yimaxa. Ala na a xuini te, bɔxɔn yi xuruxurun. 8 Alatala Sɛnbɛn Birin Kanna nan en xɔn. Yaxubaa Ala nan en ma faran makantanxin na. Bɛti xuini te. 9 Ɛ fa Alatala a wanle mato, a gbalon naxanye rakelixi bɔxɔn ma. 10 A yɛngɛne ɲanma han bɔxɔn danna birin yi. A xanle yigirama, a tanbane kala, a yi yɛ masansan wure lefane gan. 11 A yi a fala, a naxa, “Ɛ ɛ raxara, ɛ yi a kolon a n tan nan Ala ra. N batuma nɛn siyane tagi. N yi batu bɔxɔn birin yi." 12 Alatala Sɛnbɛn Birin Kanna en tan nan xɔn. Yaxubaa Ala nan en ma faran makantanxin na. Bɛti xuini te.