Taitas 2

1 Taitas a tpêee, ndê kópu dyuu ḻama a kwo. Yi kópu mbêmê yoo chi ndiye kîgha dé. 2 Mââwe knî ye yipi, Nmyi chóóchóó mbêaambêaa ngê dmyina a tpyuu dé, mbwaa ndanî têdê namê ghétighéti, pi knî ye pi mbêaa ngê dmyinê ya, nuwêo mbêmê dmyinê mêii. Yipi, Nmî Lémi ka mbêaambêaa ngê dmyinê kêlîmî, yoo yi nuu ghi dmi nmyi nódo choo ya, nmî Lémi u lêêê dîyêo dono dmyina a vyîmî dé. 3 Myenté pyââwe knî ye yipi, Nmyi lama choo ya, dye ghi yintómu nmî Lémi ngîma nmye mêii té, namê pi u pi dyede, wain ndanî nmyi nuu u kópu ngê kîngê pyódu. Yipi, Yepe kamî yoo mbêaambêaa ngê dmyinê ndiye kîgha dé, 4 yi moo mupwo mupwoma yi nuu ghi dmi yi nódo dnyêoo ya, 5 mbêaambêaa ngê ye dnyêoo vyuwo, nuwêo mbêmê dnyêoo mêii, dono kópu yi pêuu daapîchoo ya, yi moo yoo yi dnye dmi dnyêoo nyêmî dé. Yinté mbêaambêaa ngê dnyêoo ya, mu kópu u dîyêo pi knî yêoo nmî Mî u kópu dyuu pêuu dono kópu daapaa vyi yêe. 6 Myenté pi lvulu knî ye yipi, Nmyi chóóchóó mbêaambêaa ngê dmyina a tpyuu nmyo. 7 Taitas, kópu mbêaa yi ngópu yilî chi dêuudêuu, u nkwo adnya a njêii ngi. Mbêaambêaa ngê chi ndiye kîgha dé, nangmê knêaadi, yi ndiye kîgha, têdê kópu ngê ṉga kîngê pyódu. 8 Dye ghi yintómu ye chi ndê danê, mu kópu u dîyêo yélini nmî pêuu a dêuu té, kópu dono nmî pêuu daapaa vyi yêe, mywene yêe paa ghê we. 9 Wop dpodo pyu yoo yi kada pini knî ye dnyêoo ngêaa, yi nuu u kópu dé myednyêoo dêuudêuu dé, yi dnye dmi kîmîdnyêoo vyee, 10 yi tpile kîngmê têâmo ngmê, ngmênê mbêaambêaa ngê yi pêuu dnyêoo dpodo, kîngê dóó têoo. Kópuni yilî a dêuudêuu tumo yi lêêê dîyêo, nmî Mbwámê Chóó Lémi u kópu pi knî ye kópu mbêaa ngê dnyêoo pyépi. 11 Nmî Mî ngê kópu ndîî nmî lêêê dîyêo ngmê dêuu ngê, u yi u ngwo a kwo, Pi yintómu nê diyédiyé kalê té, a kêê kêoo nî kaa té. 12 U yi u ngwo a kwo, A yoo knî yêoo yi dono yi kuwó kéé téne, mgîdî u yoo yi nuu u kópu dé dnyêii dêii téne. U yi u ngwo a kwo, Ala dini ghi ngê a yoo yi nuwêo dmi a pêuu dnyêoo a kwo, yi chóóchóó dnyêoo a tpyuu dé, kópu mbêaa dnyêoo dêuudêuu dé. 13 Yinté ya kmêle, kuwókuwó wéni u ngwo têââtêââ koo. Yi wéni ngê nmî Mbwámê Yesu Kédisu u pi ndîî ngê wa pyódu, pini nêii nmî Yâpwo ngê a tóó. 14 Nmî lêêê dîyêo chóóchóó a yêângo, dono kwulo a pwaa nmoo, tupwóni nmî pêuu doo ya, a ghêê ngê, chóó u yoo ngê u ngwo pyódu nmoo. Ala ngwo u yi nmo a kwo, Kópu mbêaa yilî nmî dêuu. 15 Yi kópu yilî yi lama chi kîgha. Yi kada pini ngê nî pyódu nyoo, mbwódo kîngê mêuu ngi, chi wêdêwêdê kîgha dé, chi wátiwáti dé.