Taitas 3

1 Taitas a tpêee, pi knî ye kópuni nyêuu vyi too, ye moo vyilê té, yipi, Kada pini knî ye dmyinê ngêaa, kópu mbêaa dmyinê dêuudêuu dé. 2 Yipi, Pi u pi nangmê dyênê, kwopwepe ngê kêê nangê têoo, pi yintómu knî ye dmyinê mbêaambêaa, nmyi chóó nmyi pi dmi nangê kmîmî. 3 Nmî Lémi u yoo vyêo ghêlî kêii dpîpêo ghê dniye, yi ngwo nmî Lémi nmî lama dêpwo a ya, u dnye dênmee a nyêmî, nmî nuwêo dmi kwolo ngmê ngê dnya a ya. Nmî chóó nmî pono nmîmo a vyápê, nmî chóó nmî kópu knî yi pêuu nmî nuwêo dmi dnya a kwo. Dono ngê nmee a ya, nmîmo a Åêee kapî, pi knî ye nmee a diya, nmo myednya a diya. 4 Yinté nmee a ya, ngmênê nmî Mbwámê Chóó Lémi ka nmo chêanê dniye, 5 kóó kêoo u ngwo kaa nmoo. Daa nmî kópu mbêaa knî yi lêêê dîyêo kóó kêoo kaa nmoo, ngmênê u kwo nmo chêanê dniye, nmî dono yilî ghêê too, chóó u Ghê Dmi ngê kamî ngê mê pyódu nmoo, ghê kamî nmo a kpo. 6 Nmî Mbwámê Yesu Kédisu ngê mbêaambêaa ngê a yeede nmoo, chóó u Ghê Dmi nmî mênê yó. 7 Yi yeedeyeede mbêmê Chóó Lémi ka yoo mbêaa ngê pyódu nmoo, ala ngwo nmî lama ka tóó, ghê kamî nmo wa a kê, ghéni nêii chedê ngê daawa pyódu. 8 Ndê kópu yila. Yi kópu dyuu pi knî ye ntênê chi tpapê dé, ntênê yi lama paa yaa dniye. Yélini Chóó Lémi ka a kêlîmî té, u ya a nga a kwo, Kópu mbêaa dnyêoo dêuudêuu dé. Yi kópu dyuu ye chi tpapê dé, yoo mbêaa ngê u ngwo wa pyaa dmi. 9 Ngmênê kwopwepe têdê yi vyêo kidingê ghê, nêii knî yêoo yoo yi knêââ yoo yi pi dmi a dówodówo tumo, ṉuwêo kêdangê yêee ngmê. Yélini yoo dêêpî kópu dyuu pêuu a kwopwepe nyédi, ye namê ngêaa, mu kópu u dîyêo yinté kópu knî yêoo yoo daawa wêdêwêdê kalê têoo, noko módó a kwopwepe nyédi. 10 Nêii ngê u yi u ngwo adî kwo, Yoo nî chaa, woni yoo a pee nê kaa té, yi pini ka dpî kwódu ngi. Ṉye daawa nyêee knomomê, myombó u kwo moo kwódu ngi. Ṉye myedaawa nyêee knomomê, yedêoo kpeme u kwo dpî yey. 11 Ḻama u ngwo wa yââ, anye, Kî pini u nuwêo kwolo ngmê, u dono knî yi lêêê dîyêo chóóchóó ka ndyîkondyîko. 12 Daa kêmakêma Nikopolis nêaa lêpî, yópu ndîî dye ghi ngê yêi anînêaa ya. Dini ghi nêii ngê Atimas pini dê Tikikas ṉga angmênê dyêââ, yi ngwo lîmîlîmî ngê yêi a ka dpo pwiyé. 13 Pini nêii u lama dêêpî kópu dyuu mbêaambêaa ngê a kwo, Sinas, Apolosa kêii tpileni u yi yêe maa pêuu adî kwo, dpo ngee dé, u ngwo modo dyêââ dé. 14 Nmî Lémi u yoo mbêaambêaa ngê dnyêoo a dpodo, u ntââ mbêmê yi chóó u ngwo adnyi ya, ngópuchêanê yoo myednyêoo ngêêpî dé. Módó kîdnyinga a lîme, dnyêoo a dpodo. 15 Yélini a pêuu wunê pyede, yi mbêaambêaa ṉga da dyêââ ngmê. Nmî pyipe yoo yélini nmî Lémi ka yêi wunê kêlîmî té, nmî mbêaambêaa ye dpî yéni. Nmî Mî mbêaambêaa ngê nmye choo a vyuwo. Wu u dî.