Santiago 3

1 Bichaê, gapale cuidado cabëê ruele usëdile benëê xtiêidzaê Diuzi, porque nezile cabëê hue Diuzi quie raêo benê rusëdi. Nezile cati yeziê Diuzi cuenda quiero, naêtera inaba Diuzi raêo chi bëro cuinro cabëê psëdiro benëê tula, cabëê psëdirojëê reyaêalaê hueyaquëê. 2 Yuguluro rquixiro, biruêelëro benëê puro diêidzaê dyaêa. Chi zu tu benê birquixi, benê biruêelë benëê diêidzaê mala, naquëê benê laxtaêo li, nezinëê inabëênëê cuinnëê. 3 Naê iniaê leêe chopa ejemplo. Cati rudzeêro freno ruêa caballo, canaê ucaxorobaê ta tzahuaêabaê raêo ganê reêenro tzioro. 4 Lëscanê ulehue pensari ca naca quie yaca barco. Laêacazi nacan barco yela, laêacazi be fuerte rudyigan len, huaca usaê benê rusaê len con tuzi yaga taêa daoê ta tziolënëên ga reêennëê tzioguëê. 5 Canaê nacarë quie ludyiro. Nacan tu parte daoê bicuê cuerpo quiero, pero ruenan tazëla quiero. Lëscanê canaê nacarën quie tu guiê daoê. Laêacazi nacan guiê daoêzi, tazÌe guixiê yaga uzeinan. 6 Naca ludyiro ca quie guiê reê gabila. Tanto ruelëro ludyiro tamala udyiaguiêro benëê, canaê udyiaguiêro cuinro. Nun quie lenaê quilon tazëdi gula quiero dza rdaro lao yedyi layu. 7 Huazaqueê ucaxoro nutezi bia guixiê, nutezi bguini, nutezi bëla. Pues hasta yaca bia yuêu luêu nisa huazaqueê ucaxorobaê. 8 Pero nunu saqueê ucaxo ludyinëê. Bicueza ludyiro quilon tamala quiero. Naca ludyiro ca quie lei bëla ta yudzu veneno ta udyiaguiê benëê. 9 Con tuzi ludyiro tzionlaêadyiêro Xuziro Diuzi, naê udzeêdeêro laguedyiro, benê bzalo Diuzi ca naquëê cuinnëê. 10 Tuzi ruêaro rero diêidzaê huen tzionlaêadyiêro Diuzi, naê reron diêidzaê mala udzeêdeêro benëê. Bichaê bireyaêalaê huele canaê. 11 ¿Binezile ca naca ga ralo nisa? ¿Binezile biralo chopa cueê nisa gacan nisa zÌixi, naê gacan nisa slaê? 12 Bichaê, rniaê leêe: ¿Huazaqueê cuia yaga hui tazÌixi tula? Pues bisaqueê. Lëscanê, rniaê leêe: ¿Huazaqueê cuia lao luba bedzuliê hui? Pues bisaqueê. Lëscanê ga ralo nisa, bisaqueê gacan nisa zÌnaêa, naê gacan nisa zÌixi. 13 Ca naca leêe, chi tali rioñeêele quie xneza Cristo, reyaêalaê huele tahuen cuenda uluêen quie tali barioñeêele. Reyaêalaê huele ca rue benê rioñeêe, bihuele cuinle benê zÌe. 14 Chi racazÌëêle laguedyile, naê naca laxtaêole yaladyiê. Chi puro cuinzile reêenle gaca tahuen quiele, naê biinale rioñeêele quie xneza Cristo, porque yëê rziêle binaca tali ca nale. 15 Chi huele canaê, cala pensari quie Diuzi yuêule, denê pensari quie benëê, pensari quie xanê taxiêibiê. 16 Porque cati racazÌëê benëê laguedyiyaquëê, cati reêenyaquëê puro cuinziyaquëê gaca tahuen, quie lenaê gaca tazëdi huaca dilayaquëê, gaca zë cueê tamala. 17 Pero yaca benê rioñeêe dyëêëdi quie xneza Cristo, lëjëê sí, rnaoyaquëê tuzi xneza Cristo, biyuêujëê pensari mala. Nacayaquëê benê gaxo, benê huen, benê yuêu pensari, benê reyëchiêlaêadyiê laguedyi, benê rguixogueê dyëêëdi ca nacan, benê rda du guicho du laêadyiê. 18 Con nu benê rguilo ta cuëchi laxtaêo benëê chizi, huaca huen quiejëê lao Diuzi, ruejëê ca reêen Diuzi huejëê.