San Mateo 23

1 Naêra una Jesús rëbinëê ja benëê nitaê naê len ja benê quienëê: 2 âJa benê rusëdi ley quie Moisés, len ja benê partido fariseo, nacan dyin quiejëê rusëdijëê benëê cabëê nan lëêë guichi ley ta pcaên Diuzi lao naêa Moisés. 3 Naê reyaêalaê hue quiele ca inajëê, pero binaole huele cabëê ruejëê, como danê biruejëê tuzi ca najëê. 4 Ruejëê ca quie benê ruguaêa yuaê ziê gula laguedyi, tu ta bisueyaquëê. Pero biyeyëchiêlaêadyiêjëê yaca benëê ni siquiera ledaoêzi ta gacalëjëê lëjëê. 5 Tuzi ta ilëêë benëê lëjëê dyaêa ruejëê, pero bëê ruezijëê raxejëê udaêjëê tu guichi daoê quie Diuzi zÌbasijëê. Raxejëê utubijëê itu guichi quie Diuzi zÌichojëê. Raxejëê gacojëê zÌabajëê tona. 6 Reêenjëê cueêjëê ga naca tzaoê cati raojëê ga raca lani. Lëscanê reêenjëê cueêjëê ga rbeê benê balaêana luêu idaoê sinagoga. 7 Reêenjëê gapalaên benëê lëjëê dyëêëdi du tu neza. Raxejëê yëbi ja benëê lëjëê: “Maestro." 8 ‘Bihuele lato ta ina ja benëê leêe: “Maestro”, porque yugulule naca tuzi bichile, lëscanê tuzi nëêëdiê nacaê maestro quiele. 9 Lëzi nitu nitu benê nitaê lao yedyi layu, bihuele lato yëbilejëê: “Xuzaê”, porque tuzi Xuziro zu, benê zu guibá. 10 Lëscanê bihuele lato ta ina ja benëê leêe: “Xaênaê luëê”, porque tuzi nëêëdiê nacaê xaênle. 11 Naê rniaê leêe, con nu benê racalë laguedyi, lënëê nacarëê benê belao ladole. 12 Porque nu benê rue zÌe cuine, lëbenê naê nacarëê benê yëchiê lao Diuzi. Pero nuê benê birue cuine benê zÌe, lëbenê naê nacarëê benê zÌe lao Diuzi. 13 ‘¡Leêe benê rusëdi ley quie Moisés, len leêe benê partido fariseo, nacan bayëchiê gula quiele! Biruele tuzi ca nale. Ruzaêagale hue quie benëê xtiêidzaê Diuzi. Leêe birue quiele xtiêidzaê Diuzi, lëscanê bireêenle hue quie benê tula xtiêidzaê Diuzi. 14 ‘¡Leêe benê rusëdi ley quie Moisés, len leêe benê partido fariseo, nacan bayëchiê gula quiele! Biruele tuzi ca nale. Rgubale yuêu quie ja nigula guti xquiuhue, pero ta ilëêë ja benëê leêe benê rue quie ca rna Diuzi, naê ruêelële Diuzi diêidzaê zë. 15 ‘¡Leêe benê rusëdi ley quie Moisés, len leêe benê partido fariseo, nacan bayëchiê gula quiele! Biruele tuzi ca nale. Ratale con gatezi ta quilole nu benê hue quie cabëê ruele. Pero nu benê usëdile ta hue quie cabëê ruele, huacaterajëê benê malara ta tziojëê guiê gabila ca leêe. 16 ‘¡Huaca bayëchiê quiele! Reêenle uluêele benê tula ga tzionëê, pero benê laochula leêe. Naê leêe nale: “Chi ruguntero Diuzi ruzëtoro idaoê rnabëêra chi bi tu ta huero, biruen zi hueron. Pero chi ruguntero Diuzi ruzëtoro oro reê luêu idaoê rnabëêra, lenan sí, ruen zi hueron." 17 ¡Pero iniaê leêe, benê tondo, benê laochula leêe! Binaca laêiya oro cuinzin. Tanun quie reên luêu idaoê rnabëêra, tanaê naca laêiyan. Naca idaoê rnabëêra laêiyaran ca oro reê luêun. 18 Lëscanê rnarële: “Chi ruguntero Diuzi ruzëtoro ruêaba chi bi tu ta huero, biruen zi hueron. Pero chi ruguntero Diuzi ruzëtoro gun dyia ruêaba, lenan sí, ruen zi hueron." 19 Pero iniaê leêe, ¡benê tondo, benê laochula leêe! Binaca laêiya gun cuinzin. Tanun quie dyian ruêaba, tanaê naca laêiyan. Naca ruêaba laêiyaran ca gun dyia laonan. 20 Chi ruguntero Diuzi ruzëtoro ruêaba chi bi tu ta huero, quele tuzi ruêaba ruzëtoro como danê tuzi naca ruêaba len gun. 21 Chi ruguntero Diuzi ruzëtoro idaoê rnabëêra chi bi tu ta huero, quele tuzi idaoê rnabëêra ruzëtoro como tuzi naca idaoê rnabëêra len Diuzi, benê zu luêun. 22 Lëscanê chi ruguntero Diuzi ruzëtoro guibá chi bi tu ta huero, canaê ruzëtorëro Diuzi lënëê xlatoguëê ga reênëê. 23 ‘¡Leêe benê rusëdi ley quie Moisés, len leêe benê partido fariseo, nacan bayëchiê gula quiele! Biruele tuzi ca nale. Lente ja laêagaê ta ruen zÌiê yelaê huao quiele ruêele Diuzi tu cueêna quie lao chi cueêna, pero biruele bala quie ta naca belaora quie mandamiento quie Diuzi. Biruele tali. Bireyëchiêlaêadyiêle benëê. Birue quiele quie Diuzi du guicho du laêadyiêle. Tanëro reyaêalaê huele ta nacara belao quie Diuzi, naêtera hueêle Diuzi tu cueêna quie lao chi cueêna quie ta de quiele. 24 ¡Leêe reêenle uluêele benê tula ga tzionëê, pero benê laochula leêe! ¡Leêe ruele zÌe ta naca lëêëtiêzi, naê biruele zÌe ta naca belao! 25 ‘¡Leêe benê rusëdi ley quie Moisés, len leêe benê partido fariseo, nacan bayëchiê gula quieleê Biruele tuzi ca nale. Rguibile dyëêëdi xcuêudzula taza len plato. Naê rudzeêle luêun ta rbanle quie benëê rziêlejëê yëê. 26 Leêe benê partido fariseo, nacale ca benê laochula. Nacale ca taza plato neyëri xcuêudzun, pero yuêu luêun ta bayatza. Uletzaê pensari yuêu luêu guicho laxtaêole, naêtera gacale yëri duzÌele lao Diuzi. 27 ‘¡Leêe benê rusëdi ley quie Moisés, len leêe benê partido fariseo, huaca bayëchiê gula quiele! Biruele tuzi ca nale. Nacale ca quie ta rucuaêjëê ga de benê huati. Rudzeêjëên ta bezëri xcuêudzun, pero luêunan yuêu chita quie benê huati len ta bayatza. 28 Canaê naca quie leêe. Rlëêë ja benëê leêe benê huen, pero bëê ruezile biruele tuzi ca nale, yuêu pensari mala luêu guicho laxtaêole. 29 ‘¡Leêe benê rusëdi ley quie Moisés, len leêe benê partido fariseo, huaca bayëchiê gula quiele! Biruele tuzi ca nale. Leêe rucuaêle ba quie benê huati, benê udixogueê xtiêidzaê Diuzi dza naête. Lëzi ruetzaêole ba quie ja benê bë quie xtiêidzaê Diuzi dza naête. 30 Naê lëzi rnale rëbile laguedyile: “Chanê raêo nitaêro dza unitaê xuzixtaêoro, biguêunro guti xuzixtaêoro ja benê udixogueê xtiêidzaê Diuzi." 31 Ca diêidzaê rnële ruluêen dyëêëdi nezile bëti xuzixtaêole benê udixogueê xtiêidzaê Diuzi dza naête. 32 Naê leêe reêenle useyudyile huele cabëê uzulao xuzixtaêole. 33 ‘¡Leêe ruele ca rue bëla rguiêidyiê laga cabëê bë xuzixtaêole! ¿BizÌi ca huele ta bihue Diuzi leêe castigo tziole guiê gabila? 34 Quie lenaê iseêelaê laole ja benê quixogueê xtiêidzaê Diuzi, benê nezi rusëdi quie Diuzi. Pero leêe gutile balajëê, naê ibalajëê udaêle lëjëê lëêë yaga cruzo. Naê ibalajëê hueêle ziê luêu idaoê sinagoga quiele ulaolejëê tu tu yedyi. 35 Canaê hue Diuzi dulaê quiele, danê bëtile ja benê quienëê, desde dza cati ureê dyilayu caora bëti Caín Abel, hasta dza bëtijëê Zacarías, benê naca zÌiêi Berequías. Bëti xuzixtaêole lëbëê ruêa idaoê rnabëêra gaêalaê ga zu ruêaba. 36 Tali rniaê leêe, huida dulaê xquia quie xuzixtaêole, benê bëti benê quie Diuzi, gacan zÌbaêagaê leêe. 37 Naê una Jesús: âBenê ciudad Jerusalén, benê ciudad Jerusalén, leêe rutile ja benê rguixogueê xtiêidzaê Diuzi. Leêe rguile yo ja benê rseêelaê Diuzi laole. Zë lasa guêundaê gapaê leêe ca rapa biu zÌiêibaê zÌan xilabaê, pero biguêunle. 38 Ilëêëtiêzi idachi ciudad quiele yegaênnan canaêzi. 39 Tanaêrniaê leêe, ilëêëtiêzi bira ilëêële nëêëdiê. Cati idyin dza inale: “Naca laêiya benê useêelaê Diuzi”, naêtera ilëêële nëêëdiê tatula. âCanaê una Jesús rëbinëê lëjëê.