Romanos 2

1 Quie lenaê bide bihuele ta huele defender cuinle lao Diuzi, nutiêtezi nacale, chi rnale rue laguedyile tamala, naê leêe tu lëbizi ziole ruele cabëê tamala rnale rue laguedyile. Conlë diêidzaê rero luêu ruêale ruluêen lëscanê leêe nacale benê mala. 2 Neziro ta naca tali rchuguli Diuzi huenëê castigo nu benê rue tamala. 3 Leêe rnale rue laguedyile tamala, naê lëbizi ziole ruele tamala, ¿raquele bihue Diuzi leêe castigo? 4 ¿Quele aoquixile binezile ga huen dyin yelaê benê huen quie Diuzi? ¿Quele binezile rue Diuzi tahuen quiele rbezëê yetzaêle pensari quiele inaole xnezëê? 5 Pero benê yaladyiê nacale, bireêenle yetzaêle pensari quiele. Quie lenaê huataê castigo huala quiele dza hue Diuzi juicio. Huachugulinëê ta tzuêu niêa xnezi quiele. 6 HuaguizÌunëê quie quiero según ca bëro. 7 Hueênëê yelaê neban tuzioli yaca benê biyeyati hue tahuen yugu dza, yaca benê reêen gataê yelaê balaêana quiejëê lao Diuzi, yaca benê rbeza gataê quieyaquëê ta biyeyudyi yedu. 8 Pero huadzaê Diuzi huenëê castigo yaca benê bireêen uzu diêidzaê quienëê, yaca benê bireêen inao neza li quienëê, yaca benê reêen inao neza mala. 9 Yugulu benê rue tamala yedzagalaoyaquëê, huataê tazëdi gula quieyaquëê. Chi benê Israel yedzagalaorayaquëê, pero chi benê tula, lëscanê yedzagalaoyaquëê. 10 Pero yugulu benê rue tahuen, hue Diuzi leyaquëê benê zÌe, cuëchinëê chizi laxtaêoyaquëê. Chi benê Israel hueranëê leyaquëê benê zÌera, pero chi benê tula, lëscanê huenëê leyaquëê benê zÌe. 11 Canaê hue Diuzi, porque birue Diuzi natzaêla quie yaca benëê, tuzcazi ca ruenëê. 12 Pues yugulu benê rue xquia, pero binezijëê con cabëê rna lëêë guichi ley naê pcaên Diuzi lao naêa Moisés, huachuguli Diuzi lëjëê, pero bihue Diuzi cuenda con cabëê rna lëêë guichi ley naê. Lëscanê yaca benê rue xquia nezijëê con cabëê rna lëêë guichi ley naê, huachuguli Diuzi lëjëê huenëê cuenda con cabëê rna lëêë guichi ley naê. 13 Birlëêë Diuzi benê laxtaêo yëri benê ruzënagazi con cabëê rna lëêë guichi ley naê, naê biruzunëê diêidzaê con cabëê rnan. Rlëêë Diuzi benê laxtaêo yëri benê ruzënaga con cabëê rna lëêë guichi ley naê, naê ruzunëê diêidzaê con cabëê nan. 14 Naêra quie ja benê binaca benê Israel, cati ruzujëê diêidzaê con cabëê rnan lao guichi ley naê, laêacazi binezijëê chi de guichi ley pcaên Diuzi lao naêa Moisés, lenaê ruluêen naca pensari quiejëê conforme con cabëê rnan lëêë guichi ley naê. 15 Pues nun quie naojëê neza dyaêa, lenaê ruluêen yuêujëê pensari con cabëê rnan lëêë guichi ley quie Diuzi. Ca naca pensari yuêujëê, lenaê ruluêen quiejëê nezcazijëê ca reêen Diuzi huejëê. Cuincazi pensari quiejëê yuêujëê rchugulina quiejëê chi ruejëê tahuen, chi ruejëê tamala. 16 Dza hue Diuzi juicio huachugulinëê con cabëê bë yaca benê raque nagachiêzi bëjëê binê bëjëê. Lao naêa Diuzi huachuguli Jesucristo yaca benëê conforme con cabëê rna diêidzaê laêiya quienëê. Lëdiêidzaê naê rguixoguiêa yaca benëê. 17 Pero leêe rnale nacale benê Israel. Raquele hueziê Diuzi leêe nun quie naole guichi ley pcaên Diuzi lao naêa Moisés. Ruele dzalo inale nacale benê quie Diuzi. 18 Nezile ca reêen Diuzi hue yaca benëê. Lëscanê rsëdile con cabëê rna lëêë guichi ley quie Diuzi ta inezile bi huele huele tadyaêa. 19 Raquele rioñeêele, bidzebile uzioñeêele benê birioñeêe. Raquele dyin quiele uzioñeêele benê rda lao lato lao chula. 20 Raquele inezile usëdile yaca benê birioñeêe. Raquele inezile uluêele yaca benê binenezi con cabëê rna lëêë guichi ley pcaên Diuzi lao naêa Moisés ga rguixogueên quie yelaê rioñeêe len yelaê li quie Diuzi. 21 Chi leêe rusëdile benê tula, ¿bixquienê birusëdile cuinle? Chi leêe yëbile benëê bireyaêalaê cuanle quie benëê, ¿bixquienê rbanle quie benëê? 22 Chi leêe yëbile benëê bireyaêalaê utilale nigula tula, ¿bixquienê rutilale nigula tula? Chi leêe ratzale ilëêële yaca ídolo, ¿bixquienê ruêule luêu idaoê ga rdyia yaca ídolo rbanle ta zacaê ta yuêu dumi quieyacan? 23 Ruele dzalo inale tadyaêa naca guichi ley pcaên Diuzi lao naêa Moisés, pero rutitule Diuzi biruzule diêidzaê cabëê diêidzaê rnën lëêë guichi ley naê. 24 Quie lenaê rna lëêë guichi ley naê cani: “Yaca benê binaca benê Israel, rnëbizÌoyaquëê quie Diuzi, pero dulaê quiele rnajëê canaê." 25 Talicazi de ga huen dyin uzule tu xëdyidaoê cuinle ca mandado bë Diuzi dza naê, pero solamente chi hue quiele quie guichi ley pcaên Diuzi lao naêa Moisés. Porque chi bihue quiele quie guichi ley naê, naê naca quiele ca quie benê bizu xëdyidaoê cuine. 26 Naê chi ruzu benê bizu xëdyidaoê cuine diêidzaê quie guichi ley pcaên Diuzi lao naêa Moisés, naê hualëêë Diuzi lëjëê ca quie benê zu xëdyidaoê cuine. 27 Pues yaca benê bizu xëdyidaoê cuine, pero ruzuyaquëê diêidzaê con cabëê rna lëêë guichi ley pcaên Diuzi lao naêa Moisés, lëjëê huachugulijëê quiele leêe, benê biruzu diêidzaê con cabëê rnan, laêacazi napale leêe guichi quie ley, laêacazi zu xëdyidaoê cuinle. 28 Binaca dugalo benê Israel yaca benê bëêruezi con cabëê rna Diuzi. Lëscanê binaca dugalo benê Israel yaca benê zu xëdyidaoê cuine, pero birue quienëê xtiêidzaê Diuzi. 29 Naê naca dugalo benê Israel benê rue quie du guicho du laêadyiê ca na Diuzi. Lëscanê cati hue quiero du guicho du laêadyiêro con cabëê rna Diuzi, lenaê ruluêen dugalo nacaro benê zu xëdyidaoê cuinro. Nu benê rue quie con cabëê rna Diuzi, rlëêë Diuzi lëbëê benê laxtaêo yëri.