1 Corintios 15

1 Bee saêa enu nzeli arquiaêahua Jesucristo, elluêcuê arquia liêihua bee bedichiaê nzeêcaê Jesucristo nú unila luhua, bee bedichiaê nzeêca nú uchilila arquiêhua nú nzutaê arquiêhua lu. 2 Ulluêcuê arquiêhua nú equie cuendaê bedichiaê nzeêca cuaê utsilaêalahua equie cuendaê stulahua, tunu neli nú nzutaê arquiêhua pero tunu la neli nú nzutaê arquiêhua lue lecaxi zibiê nú uchili arquiêhuane che. 3 Rluti uzetea liêihua lunú rluti ungaa. Unia luhua nú Jesucristo unguti equie cundaê stulaêahua tucu nú rni lu ichiê Stichiaê Diose. 4 Nu uyachiênu nu che uhuañi zecanu bichia rriuna, tucu nú rni lu ichiê Stichiaê Diose. 5 Chenu uhuañi zecanu che ulubeêlunu lu Pedro nu luzeêelá ulubeêlunu lubee apóstolênu. 6 Nu leêca luzeêelá ulubeêlunu lu texcuaêa bee bene enu nzeli arquiê liêinu, nu neca máse de quiniento beella. Nuêbeella enu ungutila, pero leêca esquie nuê huaxi beella enu nehuañiscaê. 7 Nu leêca esquie ulubeêlunu lu Jacobo nu cheelá lu ye bee apóstol. 8 Nu liêá neca xi neca tucu enduêmeê enu udetela hora nú ala, xne ulubeêlunu lua hasta últimolá. 9 Nu liêá menula neca equia luquela beelá bee apóstol, nu niê la yala nú chiulea apóstol xne uriêá nú nehuana ulleêca bee bene enu nzeli arquiê Jesucristo. 10 Pero lunú chiquiê nzeêca Diose enzeêe necaa lunú necaa, nu la xleêe uhuaêa arquiênu liêá xne máse uriêá riñaênu luquela beelá bee apóstol, añinzuca nú la neca liêá enu rriêi sino que cuna elietsaê Diose rriêine. 11 Nu lecaxi riêi tunu ti udixiuleêe Stichiaê Diose luhua, tunu neca liêá urre neca stucu bee apóstol, xne tucutse Stichiaê Diose seteêru liêihua nu uchilila arquiêhuane. 12 Nu nee lunú uzeteêlaru liêihua Stichiaê Diose nú rni nú Jesucristo uhuañi zeca lu eluti, ¿xiquie nú nuêhua bee enu rni nú la huañiaê bee bene enu unguti? 13 Xne tunu la huañiaê bee bene enu unguti, nucuaê rni nú lá huañiaê Jesucristo lu eluti stucu bese che. 14 Nu tunu lá huañiaê Jesucristo lu eluti, che lecaxi zibiê lunú seteêru liêihua, nu leêca esquie lecaxi zibiê lunú nzeli arquiêhua liêinu che. 15 Nu tunu scua necane, che la neli neca nú rniru equie cuendaê Diose che xne unilaru luhua nú liêinu uriêinu nú uhuañi zeca Jesucristo. Nu tunu laca neli nú huañi zeca bee benenguti, che laca neli nú uhuañi zeca Jesucristo stucu bese che. 16 Xne tunu la huañiaê bee bene enu unguti, che leêca lá huañiaê Jesucristo lu eluti stucu bese. 17 Nu tunu lá huañiaê Jesucristo lu eluti lecaxi zibiê nú nzeli arquiêhua liêinu che, nu leêca lascaê laêahua lu stulahua che. 18 Tunu scua necane che hasta bee enu ungutila unitilulila beella, añinzuca nú uyali arquiêbeella liêinu. 19 Nu tunu lu iliulabequietsia nelluaquiaêahua lunú nelluaêaquiaêahua equie cuendaê Jesucristo, che lunú nzeli arquiaêahua liêinu necaêahua bee bene enu máse riala huaêa arquiê ye bee bene. 20 Pero lunú neli neca nú Jesucristo uhuañi lu eluti, nu liêinu necanu enu primero uhuañi lu eluti. 21 Nu scua tucu nú uyuêu eluti lu iliulabe quieê, equie cuendaê tucu bene, leêca scua equie cuendaê tucu bene uyuêu nú huañi zeca bee bene enu ungutila. 22 Scua tucu nú uyuêu eluti nú rati ye bee bene equie cuendaê Adán, leêca scua equie cuendaê Jesucristo rluêcu bee bene enu nzeli arquiê liêinu stucu elunehuañi. 23 Pero yeene acane tucu nú rialane. Jesucristo neca enu primero uhuañi zeca lu eluti stucu bese, chenu riñazecanu stucu bese lu iliulabe che huañi zeca bee benenguti enu nzeli arquiê liêinu. 24 Nu chenu riêi Jesucristo ana luye elurnibiyaê nú nuê lu iliulabe quieê cuna elusticia cuna poder, chela deteê cuendanu lunú rnibiyaênu lu Diose Pa liñibe. 25 Pero rquiêña nú nibiyaê Jesucristo hasta nú riêi Diose nú riêinu ana lubee enu rlee lunu. 26 Nu enu nitilunu último neca eluti. 27 Lu ichiê Stichiaê Diose rni nú Diose udeteê poder lu Jesucristo para nú nibiyaênu lu yeene, pero la ni nucuaê nú leêca rnibiyaênu lu Diose, xne Diose neca enu udeteê poder lu Jesucristo nú nibiyaênu. 28 Nu bichia nú nibiyaê Jesucristo lu yeene, che deteê cuendanu elurnibiyaê nú udeteê Diose lunu nu che nibiyaê zeca tucutsia Diose lu yeene nu cuna lu Jesucristo. 29 Neequie tunu rnihua nú la huañiaê bee bene enu ungutila. ¿Xiquie nú rrinzahua equie cuendaê bee bene enu ungutila? Nu tunu la huañiaê bee bene enu ungutila lecaxi zibiê nú rriêihua scua che. 30 Nu tunu la huañiaê bee bene enu ungutila, hasta liaêahua enu sibiaêahua lu Diose lecaxi zibiê nú yebichia rluêcuaêahua peligro nú atiaêahua. 31 Xne liêá nia luhua bee saêa enu nzeli arquiaêahua Jesucristo nú yebichia rluêcua peligro nú atia, neli nú rnia luhua scua, tucu nú neli nú chiquiê ñia nzu arquia equie cuendaêhua, liêihua enu necala bee beneê Jesucristo. 32 Nu nee tunu lu iliulabequietsia sibiê lunú rriêá, che lecaxi zibiê beenú uriêinu bee bene Efeso liêá, liêibeei enu nelachi xi nelachi bee nañi dañi. Xne tunu la huañiaê bee bene enu unguti enzeêe máse neca nzeêca nú riaêahua tucu nú rni bee enu rni: “Te daêcuaêahua nu te diyaêahua xne yeêetsia ungutilaêahua." 33 Pero liêá nia luhua nu la zelahua nú ti zequienu liêihua equie cuendaê bee nucuaê. Xne tunu rriêi casuhua lunú rriêi bee bene enu la riêi tucu nú necane, nucuaê rnitilu lunú xneca nehuañihua. 34 Enzeêe uriêihua elliebacuê tucu nú necane nu la riaêhua dula xne nuêhua enu seêcaa nú niê la chulu nzeêca Stichiaê Diose, enzeêe rnia scua luhua para nú tuêhua. 35 Pero tal vez nuêhua enu rriêi elliebacuê: “¿Pero xneca huañi zeca bee benenguti che? ¿Nu xneca naa cuerpo nú luêcu beella?" 36 ¡Pero elliebacuê cuaê la zibiêi! Xne liêihua nediyaêhua nú chenu rduêni bene tucu ebichi che rliñii nu chu ruchu ebichiêi. 37 La neca huañi nú rquieni bee bene sino que ebichiêi rquieni bene, tucu nú rriêinu bene trigo urre tatse stucu ebichi. 38 Pero chenu rliñii che necane tucu huañi tucu nú unibiyaêla Diose nú necane, nu cada ebichi nú rquieni bene, chenu ruêcue che rlubeê nú xine. 39 Scua tucu nú urene rnaa cuerpoê bene lu cuerpoê bee nañi nu urene rnaa cuerpoê bee bela lubee iñi. 40 Nu leêca urene rnaa beenú nuê liñibe nu beenú nuê lu iliulabe nu leêca esquie urene ñia rnaa, nú nuê liñibe nu urene ñia rnaa nú nuê lu iliulabe. 41 Leêca scua urene rnaa ellieê bichia luquela guu nu leêca urene rnaa ellieê belaa, hasta bee belaa urene rnaa ellieê tucu belaa, lu stucu belaa. 42 Leêca scua acane lu cuendaê bee bene enu huañi zeca lu eluti, cuerpoê bene nú riachiê ruchue, pero cuerpo nú luêcu bee bene stucu bese lecaê bichia nú uchune. 43 Cuerpoê bene nú riachiê ruchue, pero chenu huañi zeca bene luêcu bene stucu cuerpo nú ñia rnaa nu lecaê xi zeca. Cuerpo nú riachiê lecaê juersaêe, pero chenu huañi zeca bene che chiquiê luêcu zeca bene juerza. 44 Riachiê cuerpo nú rluêcu bene lu iliulabe quieê, pero chenu huañi zeca bene luêcu bene tucu cuerpo nú zibiê liñibe. Xne scua tucu nú rluêcu bene tucu cuerpo lu iliulabe quieê leêca scua luêcu bene stucu cuerpo liñibe. 45 Lu ichiê Stichiaê Diose rni nú rluti Adán uluêcu elunehuañi lu iliulabe quieê. Luzeêelá uriña Jesucristo, liêinu enu rliquiê elunehuañiê bee bene. 46 Rluti luêcuaêahua saê cuerpo nú uluêcu Adán lu iliulabe quieê, chéla luêcuaêahua saê cuerpo nú uluêcu Jesucristo liñibe. 47 Adán ungacheê yuu enzeêe necalla bene lu iliulabe, pero Jesucristo uriña enza liñibe. 48 Yebee bene rluêcu cuerpo tucu nú uluêcu Adán cuerpo lu iliulabequieê, pero chenu riña bichia nú luêcu bee bene tucu cuerpo saê cuerpo nú rluêcu Jesucristo liñibe. 49 Xne scua tucu nú rnaêahua leêca scua unaa Adán lu iliulabe quieê, nu leêca scua naêahua tucu nú rnaa Jesucristo liñibe. 50 Nee ixiuleêa luhua bee saêa enu nzeli arquiaêahua Jesucristo, nú cuerpoêahua nú rluêcuaêahua lu iliulabe quieê nú neca beêla nu rene leca modo chuêune liñibe elurnibiyaê Diose. Xne cuerpoê bene nú rnitilu, leca modo chuêu elu nuê cuerpoê bene nú leca xunga nitilu. 51 Pero niarquia nú riêihua beyaê tucu nú lascaê ixiuleêa luhua nú lá riêihua beyaê, nú la atiyeêahua, pero riêi Diose nú cheêe xneca naa yeêahua nu luêcuaêahua stucu cuerpo. 52 Scua aca chenu yeneêahua chii trompeta, che terratutsia tucu nú riacuê nu riaêla iêculu bene scua terratutsia cheêe nú xneca rnaêahua, chenu yene chii trompeta zeêe huañi zeca yee bee benenguti, nu che lecaê xunga atibeella, nu liaêahua hora zeêe cheêe xneca rnaêahua. 53 Xne cuerpo nú rluêcuaêahua rquiêña nú cheêe xneca rnae cuna stucu cuerpo nú la nitilu. Xne rquiêña nú cheêe cuerpoêahua nú rati cuna stucu cuerpo nú lecaê bichia nú ati. 54 Nu chenu ucheêela cuerpo nú rluêcuaêahua nú rnitilu cuna stucu cuerpo nú la nitilu, nu chenu ucheêela cuerpoêahua nú rati cuna stucu cuerpo nú la ati, bichia zeêe uyalu tucu nú rni lu ichiê Stichiaê Diose elu rni: “Ulaxu eluti xne uriêila elunehuañi ana. 55 Nu leêca uyalula stucu luguare lu ichiê Stichiaê Diose elu rni: “Eluti, ¿ca nza nú niarquiêlu ariêilu ana? ¿Nu ca nza nú nehuana seca bee bene rriêilu?" 56 Lunú nehuana seca bee bene rriêi eluti necane equie cuendaê dula, nu equie cuendaê ley rriêi bee bene beyaê nú rnibiyaê dula lubee bene. 57 Pero cheêtsala Diose Pa liñibe, enu rriêi elietsa luaêahua nú rriaêahua ana lubee nucuaê equie cuendaê nú unguti Jesucristo. 58 Enzeêe bee saêa enu nzeli arquiaêahua Jesucristo scua tucu nú seêca liêihua nia luhua, nú utsutaê arquiêhua lunú nzeli arquiêhua Jesucristo nu la llacaêhua. Nu ye yeêe ulaênahua nú riêihua riñaê Diose xne liêihua nediyaêhua nú la riêi xleêehua riñaê Diose.