1 Corintios 8

1 Nee nialuhua equie cuendaê elubacu nú rdeteê bene uêna lubee enu laca Diose, nu liaêahua nediyaêahua xa neca equie cuendaê nucuaê, pero avese equie nú nediyaê bee bene equie cuendaê nucuaê reca nelliñia bene. Pero lunú seca bene saêbene máse seca, xne equie elu secacuaê rriaêahua elietsa lu saêahua para nú riêilaêahua beyaê xneca huañiaêahua. 2 Tunu nuê tatucu bee bene enu seca nú chiquiê reca ye nú reca, sequienulla leêcatsia liêilla xne huaxiscaêlá nú rriêi falta nú acalla. 3 Pero Diose nediyaê nzeêcaê ta bene enu neli seca liêinu. 4 Nia luhua xa neca equie cuendaê elubacu nú udeteêla bene uêna lubee enu seca bee bene nú neca Diose, liaêahua nediyaêahua nu la luêcu bee diose cuaê poder lu iliulabe quieê, xne nuê tucutsia Diose. 5 Mase nuê bee bene enu seca nú nuê huaxi bee diose enu rnibiyaê liñibe nu luyuu iliulabe, 6 pero liaêahua nediyaêahua nú nuê tucutsia Diose Pa liñibe nu equie cuendaê liêinu nuê ye nú nuê nu para liêinu nehuañiaêahua lu iliulabe quieê. Nu tucutsia Jesucristo neca enu rnibiyaê luaêahua, xne equie cuendaê liêinu nuê ye nú nuê nu equie cuendaê liêinu rluêcuaêahua elunehuañi. 7 Pero laca ye bee bene rriêi elliebacuê scua. Xne nuê bee bene enu uluêcu ulaêna lubee enu seca beella nú neca diose ante nú chili arquiêbeella Jesucristo, nu nee nú apenatsia uchili arquiê beella Jesucristo siê beella nú dula neca nú racu beella elubacu nú udeteê beella uêna lubee diose cuaê. 8 Liaêahua nediyaêahua nú la riêi elubacu nú racu bene nú nehuañi nzeêca bene ante Diose, sino que iguale neca bene ante Diose, tunu acu bene urre la acu bene saê clasiaê elubacu cuaê. 9 Pero liêihua nediyaêhua nú mase nuê beyaê nú acu bene xitse clasiaê elubacu pero rquiêña nú biêyahua xne canu equie cuendaê nucuaê riêihua nú zanaê saêhua enu apenatsia uchili arquiê Jesucristo lu dula. 10 Tunu liêilu lecaxi zecalu nú raculu xitse clasiaê elubacu, nu nzuculu raculu elubacu nú rdeteê bene uêna lubee diose enu laca diose, nu lañiê tucu bene enu apenatsia uchili arquiê Jesucristo nucuaê, che leêca nuulla aculla elubacucuaê, mase secalla núla neca nzeêca lunú rriêilla. 11 Che lunú secalu nú recalu, riêi nucuaê nú riêi saêlu enu apenatsia uchili arquiê Jesucristo dula, nu uluêcu cuenda nú leêca nuu equie cuendaêlla unguti Jesucristo lu cruse. 12 Enzeêe tunu rriêilu scua ante bee saêlu enu apenatsia uchili arquiê Jesucristo, nu riêibeella dula equie cuendaêlu, che dula neca nú rriêilu ante Jesucristo. 13 Enzeêe tunu equie nú racua rriêi nú rriêi tucu saêa enu nzeli arquiê Jesucristo dula, nzalá nú la acuaêa bee elubacucua para nú la riêi bee saêa dula equie cuendaa.