1 Pedro 2
TBL1 Enzeêe, utsanaê arquiêhua ye beenú necha neca, cuna ye beenú sequienuhua bee bene, nu la lubeêtsiahua lunú la necahua, utsanaê arquiêhua nú ria arquiêhua lubee saêhua, cuna beenú niquichiaêhua lubee saêhua. 2 Tucu nú neca bee enduê eêneê enu chiquiê rliaênaê hueê chiê, scua ucuaênahua nú riêihua beyaê Stichiaê Diose bichia por bichia para nú scua tsilaêa Diose liêihua, 3 tunu neli nú nediyaêhua nú chiquiê nzeêca Diose. 4 Uquiaquiehua Jesucristo, liêinu enu neca xi neca quiee nú nehuañi. Nú uhuachú bee bene iliulabe, pero para Diose liêinu necanu enu máse seca, nu ucañi Diose liêinu. 5 Nu nee, equie nú necalahua bee beneê Jesucristo, lu Diose necahua xi neca bee quiee nú nehuañi para nú recacheê induênu, liêihua necahua uleêya Santoênu, xne añinzuca nú nehuana secahua equie cuendaê Jesucristo pero rriêihua tucu nú riuê arquiê Diose. 6 Lu ichiê Stichiaê Diose rni: Liêá sucua tucu quiee eyeche Sión, neca quiee quieê nú mase sibiê, nú uyañila nú chiquiê huaxi seca, nu enu chili arquiê liêi leca bichia nú tuê nzeêe. 7 Para liêihua enu nzeli arquiêhua Jesucristo, liêinu necanu xi neca tucu quiee nú mase seca; pero para bee bene enu la chili arquiê liêinu lecaxi seca nucuaê, scua uyalu tucu nú nequie lu ichiê Stichiaê Diose elu rni: Quiee nu ulua uêna bee bene enu rrecheêe niêi, quiee zeêe neca nú máse uzibiê nú ungacheêe simiendoê niêi zeêe. 8 Nu leêca scua uyalu tucu nú niquie stucu luhuare lu ichiê Stichiaê Diose elu rni: Liêinu necanu xi neca quiee nu xica cuchiuê bene nu rriêi nú rle bene. Seca beei scua xne la zucuê beei stichiaênu, nu scua rialu nu rni Diose nú seca beei. 9 Pero liêihua ucañila Diose liêihua para nú acahua beneênu, nu liêihua necalahua uleêya enu sibiê lunu, liêinu enu neca arre luaêahua. Liêihua lecaxi nahua lu Diose, nu ucañinu liêihua para nú chetixiuleêehua lunú chiquiê ñia rriêi nzeêcanu, liêinu enu uhua liêihua lu inziu nú necha neca para nú chequiehua inziuênu nú chiquiê ñia neca. 10 Huaêtu chenu lascaê chuluhua Diose nu lá acahua beneênu, pero nee necalahua beneênu, leêca lá chuluhua nú rluêcu arquiê Diose liêihua huaêtu, pero nee nediyaêhua nú rluêcu arquiê Diose liêihua. 11 Bee saêa enu nzeli arquiaêahua Jesucristo enu chiquiê seêca, ziquia luhua tucu nú nzelaêahua lu iliulabe quieê chiucu bichia, la tsanaêhua nu riêi elliebacuê nú necha neca ana luhua, xne bee elliebacuê nú necha neca cuaê chiquiê rriêi nucuaê nú tsanaê arquiê bene inziuê Diose. 12 Uhuañi nzeêcahua lubee bene enu la chulu Diose. Nu scua añinzuca nú nee seêta beei liêihua nú necahua enu necha rriêi, pero chenu lañiêbeei nu neca nzeêca lunú rriêihua che deteê beei ulaêna lu Diose bichia chenu deteê bee bene cuenda lu Diose. 13 Equie nú nzeli arquiêhua Jesucristo uzuêcuêhua lunú rni ye bee usticia lu iliulabe quieê. Uzuêcuêhua lunú rni presidente enu rnibiyaê lu naciónêhua, 14 cuna stichiaê gobernador enu uxeêlalla para nú deteê beella castiya bee enu necha rriêi nu zucuê aya beella bee bene enu rriêi nú neca nzeêca. 15 Xne Diose niarquiê nú riêihua nú neca nzeêca para nú bee enu lacali cuna bee enu la riêi beyaê leca modo nú zeêta beei liêihua. 16 Liêihua nuê modo riêihua tucu nú niarquiêhua, pero la aca equie cuendaê nucuaê nú riêihua nú necha neca sino que uriêihua tucu nú riala rriêi bee bene enu neca bee beneê Diose. 17 Uluêcuhua ulaêna lu ye bee bene tucu nu rialane. Uzecahua bee saêahua enu nzeli arquiê Jesucristo, ulliquihua Diose, nu uluêcuhua ulaêna lu presidente enu rnibiyaê lu naciónêhua. 18 Liêihua bee mozoê, uzuêcuêhua ye beenú rni patronêhua, nu la riêihua scua lubee patron enu rriêi nzeêcatsia luhua nu ruêa arquiê liêihua, sino que leêca uriêihua scua lubee patrón enu necha rriêi luhua. 19 Xne neca nzeêca tunu riquiê tucu bene lunú zecalla añinzuca nu la yala nu zecalla scua, sino que equie nú rriêilla lunú niarquiê Diose. 20 Lecaxi zibiê tunu nehuana zecahua lunú necha rriêihua, pero tunu nehuana zecahua equie nú rriêihua nú neca nzeêca nu rriquiêhua lunú nehuana secahua scua, nucuaê riuê arquiê Diose. 21 Xne para nucuaê ubixia Diose liêihua, nu leêca chiquiê nehuana ulleêca Jesucristo equie cuendaê liêihua, nu scua uzeteênu liêihua nú xa riala huañihua para nú chequiehua inziuênu. 22 Liêinu leca xunga uriêinu dula, nu niê tucu eluquichiaê lá ninu. 23 Chenu uni bee bene bedichiaê nu necha neca lunu, né cuaquinu niêtucu bedichiaê nú necha neca, chenu uriêi beei nú nehuana ulleêcanu, nu né ninu nú a ixiu beei lunú rriêinu beei liêinu, sino que utsaênanu yeene lu Diose, liêinu enu rriêi elu usticia tucu nú rialane. 24 Jesucristo nehuana ulleêcanu lu cruse equie cuendaê stulaêahua para nú tsilaêanu liaêahua lu dula para nú huañiaêahua tucu nú niarquiê Diose nu equie nú udiêqui Jesucristo lu cruse, lecaxi naêahua lu Diose. 25 Huaêtu liêihua ungahua xi neca bee sanchi enu uniti, pero nee ubenchilaêhua lu Jesucristo, liêinu enu seca liêihua nu rriucunu liêihua xi neca tucu bene enu rriucu bee sanchi.