2 Corintios 7
TBL1 Bee saêa enu nzeli arquiaêahua Jesucristo bee nucuaê neca nú ucuaqui uênala Diose luaêahua, enzeêe riala nú huañiaêahua sin nú riaêahua dula nu la riaêahua elliebacuê nú necha neca cuna beela beenu la zibiê nu yebichia laênaêahua nú huañiaêahua tucu nú niarquiê Diose equie nú rluêcuaêahua ulaêna lunu. 2 ¡Uzecahua liêiru! Liêiru lecaxi nú necha neca uriêinuru niêtucuhua nu lecaxi uzequienuru liêihua. 3 La riêihua elliebacuê nú rquiexuru liêihua, xne scua tucu nú unila luhua hasta huaêtu nú seêcaru liêihua, mase nú ungutiru urre nehuañiru tucutse necaêahua. 4 La nzu chiucu arquia luhua chiquiê ñia nzu arquia luhua. Añinzuca nú nehuana seêcaru, pero scua tucu nú rduêhua ana arquiêru chiquiê ñia nzu arquiêru luhua lecaxi riêi tunu nuê xi seêcaru. 5 Xne desde chenu uriñaru enza lu iliu Macedonia lá tselachiliru equie nú nehuana seêcaru catse elu nzaêaru lunú rlee bee bene luru nu xiquiru. 6 Pero Diose enu rduê ana arquiê bene enu nehuana nzu arquiê, liêinu uduênu ana arquiêru chenu uriña Tito luru caêa, 7 nu la necane equie cuendaê nú uriñatsialla caêa sino que necane nú ñia nzu arquiêlla equie cuendaê liêihua. Liêilla unilla luru nú chiquiê nuê ana arquiêlla lañiêlla liêá, nu leêca nzenu arquiêhua equie cuendaa nu nehuana secahua lu cuendaa, nu nucuaê rriêi nú máse ñia nzu arquia nú rriêihua elliebacuê scua lu cuendaa. 8 Liêá nediyaa nú nehuana utsu arquiêhua equie cuendaê carta nú uxeêla luhua, pero liêá la nehuana nzu arquia equie cuendaê carta cuaê. Añinzuca nú chiquiê nehuana utsu arquia chenu uxeêla carta zeêe luhua xne nediyaa nú nehuana utsu arquiêhua chiucu chuna bichia, 9 nu nee ñia nzu arquia, pero la necane equie cuendaê nú nehuana nzu arquiêhua uriêá sino que necane equie cuendaê nú nehuana nzu arquiêhua ucheêe arquiêhua lunú nehuañihua. Liêihua nehuana utsu arquiêhua tucu nú niarquiê Diose, nu lecaxi nú necha neca uriêiru luhua. 10 Xne chenu nehuana seca bee bene tucu nú niarquiê Diose, nu equie nú nehuana secalla scua, nucuaê rriêi elietsa lulla para nú cheêe arquiêlla lu stulalla nu scua tsilaêalla, nu lecaê bichia nú nilla xiquie nú utsilaêa, pero equie nú nehuana seca bee bene nu la cheêe arquiêlla lu Diose, nucuaê riêi nú nitilulla. 11 Ubiêyacuruhua lunú uriêi elliana nú ulleêcahua tucu nú niarquiê Diose nú zecahua, equie cuendaê elliana cuaê chu utsuxcuaêahua diixi nú unia luhua nu unganuêhua liêá nu ulehua lulla nu ulliquihua lunú rriêilla. Nu liêihua niarquiêhua nú alaê nzulá cuna liêihua, nu leêca udeteêhua castiya liêilla tucu nú rialane, luye nú uriêihua, scua rlubeê nú la luêcuhua culpa equie cuendaê nú uriêilla. 12 Carta nú uquieêa luhua, lá quieêene equie nú rriêitsia elliebacuê lu cuendaê bene enu uriêi dula, urre equie cuendaê bene enu nehuana seca, urre equie cuendaê stula bene zeêe. Liêá uquieêa carta zeêe luhua para nú leêca liêihua riêihua beyaê nú rlubeêhua lu Diose nú nchiucuê arquiêhua liêiru. 13 Nucuaê rriêi nú ñia nzu arquiêru, nu máse ñia utsu arquiêru chenu ulañiêru nú ñia nzu arquiê Tito uriña, equie nú uriêihua nú ñia nzu arquiêlla. 14 Liêá unila lu Tito nú ñia nzu arquia, equie cuendaêhua, nu né uyaêna netua equie cuendaêhua lu Tito. Xne ye nú unia equie cuendaêhua neli necane. Nu liêihua nediyaêhua nú siempre rniru nú neli neca, nu neli neca nú uniru equie cuendaêhua lu Tito. 15 Nu máse secalla liêihua chenu relluêcuê arquiêlla nú xneca uzucuêhua nú rnilla nu lu cuendaê nú chiquiê uluêcuhua ulaêna lulla chenu nzulla cuna liêihua. 16 Liêá chiquiê ñia nzu arquia xne nediya nzeêcaa nú ye nú rnia luhua rriêihuane.