2 Corintios 8
TBL1 Nee bee saêa enu nzeli arquiaêahua Jesucristo niarquiêru nú riêihua beyaê nú xneca uriêi Diose elietsa lubee bene enu nzeli arquiê Jesucristo lu iliu Macedonia, 2 mase nú huaxi nú seca beella, pero chiquiê ñia nzu arquiêbeella. Nu añinzuca nú chiquiê seca beella elitsi, pero diquinuê arquiê beella udeteê beella melu para nú riêi beella elietsa lubee bene. 3 Liêá nediya nzeêcaa nú neli uriêi beella elietsa hasta elu uriquiêtsiae. Liêibeella máse uriêi beella elietsa lunú uzaê arquiaêahua, nu lecati uriêi fuerza liêibeella. 4 Chiquiê uzequiee beella luru nú zelaru nu leêca deteêbeella uêna para bee saêahua enu nzeli arquiê Jesucristo 5 Nu másela uriêi beella elietsa lunú uriêiru elliebacuê, scua necane xne neli udeteê cuenda beella liêibeella lu Diose, nucuaê neca nú rluti uriêibeella. Nu nee nucuaêalabeella para nú riêibeella lunú niru lubeella nú riêibeella, tucu nú niarquiê Diose. 6 Enzeêe uzequieru lu Tito nú laêxulla riñaênzeêca nú rriêilla nú rquieteêsaêlla elietsa, elietsa nú rquieteêsaêlla hasta huaêtu letahua. 7 Liêiru nediyaêru nú ye lunú rriêihua rriêi nzeêcahuane nu neli nzeli arquiêhua Jesucristo, nu nediyaêhua equie cuendaênu, lecaxi rriêi falta liêihua para nú ixiuleêehua stichiaênu, nucuaêa tsiñialahua para nú riêihua lunú riala riêihua, nu secahua liêiru. Nu nee laênahua nú lubeêhua nú nzeêcahua para nú riêihua elietsa tucu nú rniru luhua. 8 La nibiyaêa luhua nú alafuerza deteêhua xi deteêhua sino que, rnitsia luhua nú xneca ñia nzu arquiê beela bee bene enú rriêi elietsa. Tunu niarquiêhua nú leêca lubeêhua nú neli secahua bee saêhua. Rquiêña nú riêihua scua. 9 Xne liêihua nediyaêhua nú chiquiê ñia nzeêca Jesucristo luaêahua. Liêinu utsaênanu ye eluxeneênu liñibe nu ubeêtanu lu iliulabe xi neca tucu bene enu lecali xi luêcu, para nú equie cuendaênu leêca atiêhua eluxene nú rluêcu Diose liñibe. 10 Enzeêe nia luhua nú neca nzeêca nú laêxuhua nú rquieteêsaêhua elietsa cuaê nú uquixiehua rriêihua desde teliana. Rlutihua uquixiehua rriêihua elliebacuê nú riêihua scua, nu che chu uquixiehua nú uriêihua scua. 11 Nu tucu nú ñia nzu arquiêhua chenu uquixiehua, rdeteêhua elietsa cuaê leêca scua ñia tsu arquiêhua nú riêihua scua hasta elu riquiêtsiae. 12 Xne chenu neli niarquiê tucu bene nú riêilla elietsa, lecaxi riêi tunu calu rdeteêlla, nu la yala nú deteêlla elietsa hasta lunú la luêculla. 13 Lania luhua nú tiêquihua arquiêhua nú riêihua elietsa hasta lunú la luêcuhua para nú riêihua elietsa lubee bene enu nuê xi secalaêchaê. Para nú lecaxi riêi falta liêibeella, sinoque lunú niarquiêru necane nú yeêahua riaêahua elietsa lu saêahua. 14 Nee liêihua nuê beyaê riêihua elietsa lubee bene enu nuê xi secalaêchaê, nu che enta bichia nú leêca riêi beella elietsa luhua lunú xi secalaêchaêhua, nu scua riaêahua elietsa lu saêahua. 15 Lu ichiê Stichiaê Diose rni: “Bene enu uquieteêsaê huaxilá nú uquieteêsaê la zucu sobrae, nu bene enu uquieteêsaê lleênatsia nú uquieteêsaê la riêi faltae." 16 Cheêtsalá Diose nú udeteênu elliebacuê lu Tito nú nzenu arquiêlla lu cuendaêhua tucu nú leêca nzenu arquia equie cuendaêhua. 17 Nu chenu uniru lulla nú nzeêtabiêyalla liêihua, chu uzelalla xne nuê ana arquiêlla nú nzeêtabiêyalla liêihua, nu lá quiêña nú aniru lulla nú ayeêta biêyalla liêihua. 18 Nu cuna Tito xeêlaru stucu saêahua enu leêca nzeli arquiê Jesucristo, enu nuêlula bee saêahua ye bee luhuare, equie nú chiquiê ñia seteêlla bedichiaê nzeêcaê Jesucristo. 19 Nu bee saêahua enu nzeli arquiê Jesucristo leêca ulaêna liêilla para nú chenurulla che zaênaru elietsa nú rquieteêsaêru. Nu elietsa nú rquieteêsaêru nucuaê rlubeê nú nuê ana arquiaêahua riaêahua elietsa lu beela bee saêahua. Nu equie cuendaê elietsa cuaê ni nzeêca beella lu cuendaê Jesucristo. 20 Enzeêe ullela benequieê nú chenurulla para nú lecati niquiya equie cuendaê ye elietsa quieê nú nuêcheêru para nú chezaênaru. 21 Xne liêiru niarquiêru riêiru yee tucu nú necane, nu la neca nú lubee benetsia rriêiru tucu nú necane sino que leêca nuu ante Jesucristo. 22 Nu nee cuna Tito nu benequieê xeêlaru stucu bene enu ulubeêlaru luhua. 23 Tunu nuê bene enu nedichiaê equie cuendaê Tito luhua uniêhua lu nzeêe nú neca Tito bene enu rriêi elietsa lua, para nú riêá elietsa luhua, nú chenalahua inziuê Diose. Nu xiucu saêahua enu nzeli arquiaêahua Jesucristo enu nza cuna Tito, bee saêahua enu nzeli arquiê Jesucristo uxeêla liêibeella, nu liêibeella sà nza nzeêca beella inziuê Jesucristo. 24 Nee lubeêhua lubeella nú neli secahua bee saêahua, para nú lu cuendaê beella riêi beelá bee bene enu nzeli arquiê Jesucristo beyaê nú xa necahua nu para nú leêca lañiê beella nú neli nú unia lubeella equie cuendaêhua.