2 San Pedro 2

1 Nu leêca scua tucu nú ucuaêa bee profeta enu lixiu uriêi leta bee bene Israel huaêtu. Leêca scua nucuaêa bee bene enu lixiu rriêi nu seteêbeei lunú la neli neca. Liêibeei cuaêna beei nú xa zeteêbeei liêihua lunú la neli neca para nú nuê nu zaê arquiêhua, scua la zela beei nu nibiyaê Jesucristo enu rnibiyaê luaêahua lubeei, liêinu enu udixiu stula beei nu la leaê nú nitilu Diose liêibeei. 2 Pero huaxi bee bene chequie lunú necha neca rriêi beei nu riêi nucuaê nú zeêta bee bene Stichiaê Diose. 3 Nu equie nú máse niarquiê beei dimi, liêibeei cuaêna beei xa zequienu beei liêihua para nu yucu beei dimiêhua, pero la laêa beei lu castiya nú nzuquie liêibeei, xne hasta huaêtu nuêla castiya nú riala zeca bee bene enu rriêi scua. 4 Diose né riêi perdona bee ángele enu né zucuê stichiaênu, sino que uxeêlanu liêibeei ebila, nu nchiñicheêbeei elu máse natsacabe nzu para bichia chenu riêinu elu usticiaênu. 5 Leêca né riêi Diose perdona bee bene enu necha uriêi enu uhuañi huaêtu, sino que ulaêxunu liêibeei cuna inza, utsilaêatsianu Noé enu udixiuleêe lubee bene tucu nu neli neca Stichiaê Diose cuna se achi bene. 6 Leêca chenu uriêi Diose elu usticiaênu lubee bene eyeche Sodoma cuna Gomorra, liêinu utsiquiênu eyeche zeêe hasta nú ungae tii, nucuaê neca tucu ejemplu para lubee bene enu entalá, bee bene enu huañi nu necha riêi, tucu nu uriêi bee bene bee eyeche zeêe. 7 Pero utsilaêa Diose bene enu lee Lot, liêilla enu uhuañi tucu nú niarquiê Diose nú huañilla, nu chiquiê uyanu arquiêlla lunú necha nehuañi bee bene eyeche zeêe. 8 Nu lunú neca Lot enu uhuañi tucu nú niarquiê Diose leta bee bene zeêe, chequie bichia por bichia chiquiê nehuana nzu arquiêlla chenu rlañiêlla cuna nú rieneêlla lunú necha rriêi bee bene zeêe. 9 Diose siempre rriêi elietsa lubee bene enu sucuê stichiaênu lu xitse prueba nú seca beella, nu leêca nediyaênu xa riêinunu bee bene enu necha rriêi bichia chenu riêinu elu usticiaênu. 10 Nu nucuaê neca nu nzuquie liêi bee bene enu nehuañi tucu nu niarquiêtsia beei nu la niarquiêbeei nú nibiyaê Diose lubeei. Chiquiê la yuêbeei resuna nu la tuêbeei sin nu lliqui beei rnibeei bedichiaê nu necha neca, lu cuendaê bee enu rluêcu nú rnibiyaê liñibe, 11 nu niê bee ángeleê Diose añinzuca nú máse nuê juerzaê beenu cuna elurnibiyaê, pero lecaxi uni beenu lu Diose equie cuendaê beei. 12 Bee clasiaê bee benequieê liêibeei nehuañi beei tucu nú nehuañi bee nañi, la luêcu beei nu riêi beei beyaê, nu seêta beei lunú la riêi beei beyaê, nu rriêitsia beei lunú niarquiê tsia beei sin nu riêi beei elliebacuê, tucu nú neca bee nañi enu nzeêtatsia lu iliulabe quieê para nu úti bee bene liêibeeí. Leêca scua bee benecuaê equie nu rriêi beei beenú necha neca, chequie leêcatsia liêibeei rnitilu beei liêibeei, 13 Nu ixiu beei tucu nu rriêinu beei bee bene. Liêibeei chiquiê ñia nzu arquiêbeei rriêi beei beenú necha neca nú terratutsia laxu lu iliulabe quieê, liêibeei neca beei xi neca tucu nu necha neca, nú rnitilu lu eliñi nú rriêihua chenu racu juntuhua, nu chiquiê ñia nzu arquiêbeei sequienubeei liêihua. 14 Lacala lañiêbeei tucu unaêa chu rriêibeei elliebacuê nu necha neca lunchu; la tsuxe beei nú rriêi beei dula. Nu sequienu beei bee bene enu lleênalá nzeli arquiê Stichiaê Diose, para nu riêibeella dula, nu chiquiê netsiña beei para nú riêibeei ana lunú niarquiêbeei. Chequie nzu quietsia nú zeca beei castiyaê Diose. 15 La chequieaê beei inziuê Diose ucheêe xa nehuañibeei. Liêibeei nehuañibeei tucu nú uriêi profeta Balaam llianaê bene enu lee Beor, chenu niarquiêlla nú riêilla ana dimi equie nú uriêilla nu necha neca. 16 Pero uquiêyaê Balaam equie cuendaê dula nú uriêilla, uriêi Diose nu uni burroêlla xi rni tucu bene nu hora zeêe lá riaêlla elliebacuê nu necha neca. 17 Nee bee bene enu lixiu rriêi cuaê enu rnia luhua liêibeei neca beei xi neca tsu nú leca inza, cuna xi neca xcabe nu la uyaê quiu, enzeêe riala chabeei elu máse natsacabe nzu nu leca bichia nú chiuêu beei zeêe. 18 Puro bee bedichiaê nú nelliña rnibeei nú lecaxi sibiê, nu liêibeei rnibeei nú lecaxi riêi nu riêi bee bene nu necha neca, scua sequienu beei bee bene enu apenatsia rlaêna nú tsanaê arquiê inziu nu necha neca para nu che riêilá beella nu necha neca. 19 Rnibeei nu lecati nibiyaê lubee bene, nu leêca liêibeei neca beei xi neca enu neiqui lubee nu necha neca rriêibeei, xne ye beenú la tsanaê arquiêbee bene nú necha neca rriêi beei, nucuaê neca nú rnibiyaê lubee bene. 20 Lunú necane chenu uyuêulula bee bene nu utsilaêla Jesucristo enu rnibiyaê luaêahua liêibeella lu dula nú utsanaê arquiêla beella lunú necha neca nuê lu iliulabe quieê, nu stucuaêla bese uzela beella nu rnibiyaê nucuaê lubeella, scua masescaêlá necha nehuañi beella lunú uhuañi beella huaêtu. 21 Máse neca nzeêcae lu cuendaê beei nú né chuluxu beei Stichiaê Diose, nu uyulu beeii nu chu utsanaê arquiêbeei bedichiaê nzeêcaênu nú ubeneêbeei. 22 Equie cuendaê beei rialu tucu parte lu ichiê Stichiaê Diose elu rni: “Nicu racu zecaí lunú uridiêcuí, nu cuchi enu ungutsa inza lu inza nzeêca, riuêu zecaí lu inzabenu."