2 San Pedro 3

1 Bee saêa enu nzeli arquiaêahua Jesucristo chiquiê seêca liêihua, ninguieê neca carta rrucu nú xeêla luhua. Nu lu rucu carta quieê rcuaêna para nu nia luhua nú riêihua elliebacuê tucu nú rialane. 2 Ulluêcuê arquiêhua lunú uni bee profetaê Diose huaêtu cuna stichiaê Jesucristo enu rnibiyaê nú uzeteê bee apóstolênu liêihua, liêinu enu utsilaêa liaêahua lu dula. 3 Uriêihua beyaê chenu yamero nzeêta nú laxu iliulabe, chuêu bee bene enu tsequichiaê liêihua, nu huañi beei tucu nu niarquiê tsiabeei, 4 nu nibeei luhua: “¿Ma nu unii Cristo nú nzeêta zecanu stucu bese? Ungutila ye bee beneaêahua enu udetela, nu ye beenú nuê lu iliulabe neca tucu necane hasta chenu uquixie iliulabe." 5 Liêibeei nibeei scua xne la duê equie beei nú hasta huaêtu nuêla liñibe cuna lu yuu, nu lu cuendaê inza ungacheê yuu cuna poderê Diose. 6 Leêca equie cuendaê inza unitilu Diose bee bene enu uhuañi huaêtu. 7 Pero liñibe cuna lu yuu nú rlañiaêahua nee, nzula nú nitilu Diose nucuaê cuna quii equie nú rnibiyaênu, bichia nú deteênu castiya bee bene enu la zucuê stichiaênu. 8 Enzeêe bee saêa enu nzeli arquiaêahua Jesucristo, la zañiêhua nú para Paêahua Diose tucu bichia neca xi neca tucu mili lana, nu tucu mili lana neca xi neca tucu bichia para liêinu. 9 La necane nu rleêlaê Diose nu tsaêalunu lunú ucuaqui uênanu tucu nú nuê bee bene enu rriêi elliebacuê nú rleêlaênu nú riêinu nucuaê sino que nzuquienu. Xne la niarquiênu nú nitilu niêtucu bee bene, lunú niarquiênu nú ye bee bene tsanaê arquiêbeei stula beei. 10 Nu tucu nu la riaêahua beyaê chenu rriña tucu huanaê. Scua aca bichia chenu riña zeca Jesucristo stucu bese, nu lliqui bee bene chenu yeneê bee bene nú llichi nitilu liñibe, nu ye beenú nuê liñibe nitilu Diose nucuaê cuna quii, leêca esquie nitilunu iliulabe cuna ye nú nuê lue cuna quii. 11 Nee lunú nediyaêlaêhua nú laxu iliulabe, rquiêña nú huañihua nu lecaxi natsa arquiêhua sin nu luêcuhua dula tucu nu niarquiê Diose. 12 Chequie chiquiê nuê ana arquiêhua nzuquiehua nú riña bichia nu ucañi Diose nú aca bee nucuaê, bichia zeêe tsiquiê Diose liñibe cuna ye beenú nuê liñibe. Leêca esquie lu yuu cuna ye nú nuêlue nitilu Diose bee nucuaê, cuna quii. 13 Pero liaêahua nelluaêa quiaêahua tucu liñibe cuqui cuna tucu yuu cuqui, tucu nú ucuaqui uêna Diose, tucu elusticia nú neli neca liñibe. 14 Enzeêe bee saêa enu nzeli arquiaêahua Jesucristo, diquila nú nucuaêaquiehua nu aca nucuaê, ucuaênahua nú llunaê Diose liêihua nú lecaxi nahua nu la luêcuhua dula, cuna nú nehuañihua nu nzuxe arquiêhua cuna bee saêhua. 15 Uriêihua beyaê nú Paêahua Diose nzu quie arquiênu liaêahua para nú tsanaê arquiaêahua stulaêahua. Nu saêahua Pablo enu chiquiê seêcaêahua, leêca scua unilla lu cartaêlla nú uquieêella luhua tucu nú lia udeteê Diose lunú reca elliebacuêlla. 16 Lu ye carta nú uquieêe Pablo liêilla unilla luhua lunú rnia luhua. Pero nuêbee luhuare lu cartaêlla elu neriñaê nú riêi bee bene beyaê, chequie bee bene enu la riêili beyaê Stichiaê Diose cuna bee enu la tsutaê arquiê lu stichiaênu xeêe beei lunú rni stichiaê Pablo, leêca scua rriêi beei lu beelá bee bedichiaê nú nzeêta lu ichiê Stichiaê Diose, enzeêe leêcatsia liêibeei rnitilu beei liêibeei. 17 Bee saêa enu nzeli arquiaêahua Jesucristo, chiquiê seêca liêihua, nee lunú nediyaêlaêhua bee nucuaê ubiêyahua liêihua para nú la zanaêhua letaya bee enu niarquiê nú zequienu liêihua para nú tsanaê arquiêhua lunú nzutaê arquiêhua lu Stichiaê Diose. 18 Mejora ucuaênahua nú másela chululáhua Jesucristo cuna elusecaênu, liêinu enu udixiu stulaêahua. ¡Nu chiquiê neca equie nú luêcu bee bene ulaêna lunu diqui tiembu! Amén.