2 Timoteo 2
TBL1 Nu liêilu Timoteo enu neca xi neca endua, utsutaê arquiêlu lu elietsa nú rliqui Jesucristo luaêa. 2 Lunú ubeneêlu nú unia lulu ante huaxi bee bene, uzeêteê nucuaê bee bene enu neli nzeli arquiê Jesucristo, liêibeella enu aca zeteê nucuaê stucu bee bene. 3 Tucu nú rriquiê tucu sondado lu riñaê nú rriêi, scua uriquiê lunú nehuana secalu como beneê Jesucristo nú necalu. 4 Niê tucu bee sundado la chuêi lubee nú la yala chuêi, para nú yaêna nzeêcai lu bene enu rnibiyaê lui. 5 Leêca esquie tucu bene enu rita tucu nú rita, rquiêña nú ita nzeêcalla para nú scua nuê modo riêilla ana premioêlla. 6 Nu bene enu rriêi riñaê lu yuu, rluti chiquiê riêilla riñaê para nú scua nuê modo yuculla ulaêcuêlla. 7 Uriêi elliebacuê lunú rnia lulu, nu Jesucristo riêi elietsa lulu para nú riêilu beyaê yeene. 8 Ulluêcuê arquiê Jesucristo enu ungula lubee familiaê arre David, liêi Jesucristo enu unguti nu uhuañi zeca, nucuaê neca bedichiaê nzeêcaênu nú rixiuleêa lubee bene. 9 Enzeêe equie cuendaê nucuaê nehuana seêca nu hasta nacaêcua nchiñia liñi niêcuê, xi neca tucu bene enu necha uriêi, pero Stichiaê Diose la nacaêcuu. 10 Enzeêe rriquia yeene para nú riêá elietsa lubee bene enu ucañila Diose enu neca bee beneênu, para nú luêcu beella nú tsilaêa beella equie cuendaê Jesucristo, cuna nú luêcu beella elunehuañi nú ñia neca nú la laxu liñibe. 11 Neli neca bee bedichiaê quieê nú rni: Tunu ungutilaêahua cuna liêinu, leêca huañiaêahua cuna liêinu. 12 Tunu rriquiêahua lunú nehuana seêcaêahua, leêca nibiyaêahua cuna liêinu. Nu tunu niaêahua nú la chuluêahua liêinu, leêca ninu nú la chulunu liaêahua. 13 Nu tunu la tsaluêahua stichiaêahua, pero liêi sino saêalunu stichiaênu. Xne leca modo nú cheêenu lunú necanu. 14 Elluêcuê arquiêlu bee bene bee bedichiaê cuaê, nu equie cuendaê Diose nilu lubeei nú la aca equie stichiaê beei lu saêbeei equie beenú lecaxi sibiê nú la riêi elietsa lubee bene, sino que rriêitsia bee nucuaê nú rnitilu bee bene enu rieneê bee bedichiaê cuaê. 15 Uriêi yeene hasta elu acalu para nú yaêna nzeêcalu lu Diose, nu riñalu lunu como tucu bene enu la tuê riñaê nú rriêi, xne rriêilu tucu nú neca nzeêca cuna Stichiaê Diose. 16 La nilu bee bedichiaê nú lecaxi sibiê, nú la riêi elietsa lubee bene. Xne bee bene enu rriêi scua másela nzabeei inziu nú necha neca, 17 nu stichiaê beei neca xi neca elichia nú yexetsia rriêchia letse. Saê bee bene cuaê neca Himeneo cuna Fileto, 18 xne la chequieaê beei tucu nú neca Stichiaê Diose. Liêibeei rnibeei nú la huañiaê bee bene enu unguti, nu scua rriêibeei nú saê arquiê chiucu chuna bee bene lunú nzeli arquiêbeella. 19 Pero Stichiaê Diose leca modo nú cheêe xi neca tucu quiee nú chiuca nzucu. Nu lu ichiê Stichiaê Diose rni: “Diose nuêlunu bee beneênu”, nu leêca rni lu ichiê stichiaênu: “Ye bee bene enu rni nú nuêlu Diose, rquiêña nú tsanaê arquiêbeella ye beenu necha neca." 20 Liñi tucu niêi llene la nuêtsia bee exquiêñia nú rquiêña bee bene nú necacheê oro urre plata, leêca nuê exquiêña nú necacheê aca cuna exquiêña nú necacheê yuu, xne nuê bee exquiêña cuaê nú sibiêi ye bichia, nu nuê beenú sibiêtsia chenu reca tucu eliñi. 21 Leêca scua bene enu duê ana arquiê nú huañi nzeêca, neca benequieê xi neca tucu exquiêña nú máse sibiê chenu reca tucu eliñi. Liêilla necalalla bene enu la luêcu dula ante Jesucristo enu leêca sibiê para liêinu, xne nzunu para nú riêinu ye nú neca nzeêca. 22 Enzeêe ubiêya liêilu nú lá riêilu lunú necha neca rriêi bee bene enu nereêneê, nu uhuañi tucu nu riala nú huañilu. Nu uquia quieelá lunú nzeli arquiêlu Jesucristo, nu uquia quie nú zecalálu bee bene cuna nú nzuxe arquiêlu cuna beelá bee bene enu diquinuê arquiê rnacuê lu Jesucristo. 23 La nixuulu bee bedichiaê nú lixiu rni, bee bedichiaê nú lecaxi zibiê, xne liêilu nediyaêlu nú scua rquixie xuu. 24 Nu tucu bene enu sibiê lu Jesucristo la yala nú acalla tucu bene xuu, rquiêña nú acalla tucu bene nzeêca cuna ye bee bene, leêca rquiêña nú acalla tucu bene enu reca seteê bee bene, cuna nú luêculla paciencia bee bene, 25 nu cuna bedichiaê nzeêca nilla lubee bene enu rriêi condra bee bedichiaê nu neli neca, para nú biêya tunu scua riêi Diose nú cheêe arquiêbeei nu chulu beei lunú neli neca, 26 nu scua laêa beei leta ya bezeêlu enu rnibiyaê lubeei nu rriêi beei lunú niarquiê bezeêlu.