2 Timoteo 3
TBL1 Leêca rquiêña nú riêilu beyaê Timoteo, nú chenu nzeêta laxu iliulabe chiquiê neriñaê para nú huañi bee bene. 2 Xne bee bene para liêitsia beei rriêi beei elliebacuê, nu sucuêlutsia beei nú luêcu beei huaxi dimi, nu aca nelliña beei, nu nibeei puro bedichiaê nú rutiê, cuna nú ni condra beei Diose, nu la zucuê beei nú ni paê beei urre naê beei, nu la deteaê beei cheêtsa lu Diose, nu la riaê beei caso lunú neca cuendaê Diose, 3 nu la zecaê beei bee bene nu la huaêa arquiêbeei bee bene, cuna nú rtaê beei eluquichiaê bee bene, nu la aca beei tsuxe beei lunú necha neca rleê elliebacuê beei, nu chiquiê aca nelachi beei, cuna nú le beei lunú neca nzeêca. 4 Leêca deteê cuenda beei bee bene enu rquieteê beei, nu la lliqui beei riêi beei lunú niarquiê beei cuna nú chiquiê zucuê aya beei liêibeei nu riêi beei xitse nú niarquiêbeei luhuare nú zucuê beei nú niarquiê Diose. 5 Rlubeê beei nú neca beei xi neca bene enu neli nzeli arquiê Diose, pero lunú rriêi beei rlubeê nú la chili arquiêbeei liêinu. La quieteêlu saê bee bene enu rriêi scua. 6 Xne leta bee benecuaê nuê bee bene enu riuêu niêi bee bene nu sequienu beei bee unaêa cuna lunú seteê beei bee unaêa enu ratu sequienu bene, bee unaêa enu rriêi ye clasiaê dula cuna ye clasiaê bee elliebacuê nú la zibiê. 7 Bee unaêa quieê siempre rieneê beenchu lunú seteê bee bene cuaê, pero la riña nú riêi beenchu beyaê lunú neli neca. 8 Huaêtu bee bene enu lee Janes cuna Jambres uriêi condra beei Moisés. Leêca scua neca bee benecuaê nú rriêi condra beei lunú neli neca, liêibeei unitilula elliebacuê beei nu niêla chili arquiêbeei Diose tucu nú riala chili arquiêbeei. 9 Pero la riaêbeei scua huaxi tiembu, xne ye bee bene riêi beyaê lunú sequienu beei bee bene, tucu nú ulleêca Janes cuna Jambres. 10 Pero liêilu Timoteo nediyaê nzeêcaêlu xa setea bee bene, cuna nú xa nehuañia, cuna nú xa neca ellibacua, cuna nu xa nzeli arquia Jesucristo, cuna nú xa rluêcua paciencia, cuna nu xa seêca bee bene, cuna nu xa rriquia lunú nehuana seêca. 11 Liêilu nediyaêlu lunú uriêinu bee bene liêá, nu nediyaêlu xa nehuana ulleêca nu leêca nediyaêlu xa nehuana ulleêca lubee eyeche AntioquÃa lu eyeche Iconio cuna lu eyeche Listra. Huaxi beenú nehuana ulleêca lunú uriêinu bee bene liêá, pero Diose utsilaêa liêá lu ye beenú nehuana ulleêca. 12 Nu leêca ye bee bene enu niarquiê nú huañi tucu nú niarquiê Diose nú huañi equie nú nzeli arquiêbeella Jesucristo, nu nehuana zeca beella lunú riêinu bee bene liêibeella, 13 pero bee bene enu necha rriêi nu bee enu sequienu bee bene bichia por bichia máse nzeriêi beei nú necha neca, sequienu beei bee bene nu sequienu beei leêcatsia liêibeei. 14 Pero liêilu utsutaêla arquiêlu lunú ungalálu, cuna lunú nzeli arquiêlu, xne nediyaêlu ta bee enu uzeteê liêilu. 15 Xne desde nú lleênalu nuêlulu Stichiaê Diose, bee bedichiaê cuaê rriêi elietsa lulu nú rriêilu beyaê xa utsilaêalu equie nú nzeli arquiêlu Jesucristo. 16 Ye bee bedichiaê nú nequie lu ichiê Stichiaê Diose nzeêtae lu Diose. Nu sibiêi para nú zeteêe bee bene, nu para nú deteêe bezeteê lubee bene, nu para nú nine lubee bene nú xa huañi nzeêca bene nu para nú riêi bee bene beyaê xa huañi bene, 17 para nú riêi nzeêca bee beneê Diose beyaê, nu che aca beella riêi beella ye nú neca nzeêca.