Los Hechos 10
TBL1 Eyeche Cesarea uhuañi tucu bene enu lee Cornelio, liêilla ungalla capitañi lu texcuaêa bee sundado enu lee Italiano. 2 Liêilla ungalla tucu bene enu chiquiê unga nzeêca arquiê lu Diose, nu cuna ye bee beneêlla udeteê beella ulaêna lu Diose. Leêca uriêilla elietsa lubee bene Israel enu seca elitsi, nu siempre rnacuêlla lu Diose. 3 Tucu bichia, tucu rquiechuna uchee, ulleêcalla xi neca nú uni xcalaêlla. Chee nzeêca ulañiêlla nú uyuêu tucu ángeleê Diose liñi niêi elu nzuculla, nu uni ángele zeêe lulla: â¡Cornelio! 4 Nu ubiêyalilla lu ángele zeêe nu chiquiê ulliquilla, nu unilla: â¿Rnilu lua la Detá? Nu uni ángele zeêe lulla: âDiose ubeneêlaê stichiaêlu, nu ulañiêlaênu xa rriêilu elietsa lubee bene enu seca elitsi. 5 Uxeêla bee bene eyeche Jope para nú chetucu beei Simón, enu leêca lee Pedro. 6 Nzuculla niê tucu bene enu leêca lee Simón, enu rcuêchi iti, nzucu bene quieê ruêu inzatuê. 7 Chenu nzia ángele enu uni lu Cornelio, ubixialla chiucu mosoêlla cuna tucu sundado enu rluêculla confianza lu enu nzeli arquiê Diose. 8 Chenu ulaxu nú udixiuleêella lunú ulleêcalla lubeella, che uxeêlalla liêibeella eyeche Jope. 9 Bichia rrucu, diquila nú nzeriña beella axu eyeche Jope, tucu rrebichia uquie Pedro equie niêi elu nzuculla para nú nacuêlla lu Diose. 10 Chiquiê rliaênaêlla nu niarquiêlla nú aculla, pero diquila nú rriêilu bene elubacu nú aculla, che ulleêcalla xi neca nú uni xcalaêlla, 11 nu ulañiêlla nú riaêla liñibe nu nzeêta laca nú rnaa xi rnaa tucu laquie llene lulla, nu nacaêcuu dacu lliêi. 12 Liñi laquie llene zeêe nuê yelu bee nañi enu tacu cuchiuê, cuna bee beêla cuna bee nañi enu rcuecuê. 13 Chequie ubeneêlla tucu chii nú uni lulla: âPedro, uzetee, nu uti tatse nañi cuaê aculu. 14 Nu ucuaqui Pedro nú unilla: âAêa, Detá, xne leca xunga udacua beenú necha rnaa, cuna beenú la yala acu bee bene. 15 Chequie uni zeca chii zeêe, stucu bese lulla: âLunú uquieela Diose, la hualeelu nucuaê nú necha rnae. 16 Chenu ulleêcalla scua chuna bese, uquie zeca laquie llene zeêe liñibe. 17 Diquila nú rriêi Pedro elliebacuê xinu ulañiêlla nucuaê, hora zeêe uriña bee bene enu uxeêla Cornelio ruêu puerta niêi Simón, xne unidichiaêla beella cá nzucu niê Simón. 18 Chenu uriñabeella ruêu niêi zeêe, unidichiaê beella tunu zeêe nzucu Simón, enu leêca lee Pedro. 19 Rriêiscaê Pedro elliebacuê lunú ulañiêlla scua, che uni EspÃritu Santo lulla: âChuna bene rlaêna liêilu. 20 Utsuli, ulaca, nu uquia cuna liêibeella nu la zaê arquiêlu, xne liêá uxeêla liêibeella. 21 Nu chu ulaca Pedro elu nucuaêa bee bene enu uxeêla Cornelio, nu unilla lubeella: âLiêá neca enu rlaênahua, ¿xinu rlaênahua liêá? 22 Nu ucuaqui beella: âLiêiru nzelaru lu cuendaê capitañi enu lee Cornelio, enu neca tucu bene nzeêca, enu rluêcu ulaêna lu Diose, nu ye bee bene Israel seca liêilla. Tucu ángeleê Diose uni lulla nú uxeêlalla liêiru para nú nzela tucuêru liêilu nú chalu niêlla para nú yeneêlla lunú nilu lulla. 23 Che uni Pedro lubeella nú chuêu beella liñi niêi, nu zeêe uyaêna beella rulaê zeêe. Chenu uyeêe luyuu stucu bichia, nzenu Pedro liêibeella, nu leêca nzenu beella chiucu chuna bee bene enu nzeli arquiê Jesucristo enu neca bene eyeche Jope. 24 Chenu uyeêe lu yuu stucu bichia uriña beella eyeche Cesarea, elu nzucu Cornelio nu liêilla uquieteêsaêlalla ye bee beneêlla cuna bee bene enu chiquiê rquieteêlla nucuaêaquiee beella nú riña Pedro. 25 Chenu uriña Pedro ruêu niê Cornelio, chu uchiuêu Cornelio nu uya chaêcalulla liêilla, nu utsulliquilla lu Pedro para nú deteêlla ulaêna lulla. 26 Nu utsuli Pedro Cornelio, nu unilla lulla: âUtsuli, xne necatsia bene tucu nú necalu. 27 Diquila nú nze riña beella ruêu niêlla rdichiaê beella, nu chenu uyuêu Pedro liñi niêlla ulañiêlla nú nucuaêa huaxi bee bene zeêe. 28 Chequie uni Pedro lubeella: âLiêihua nediyaêhua nú xa neca leyê bee bene Israel la tsanaê leyê beella nú yeteê beella cuna bee bene enu la neca bee bene Israel, niê nú chuêu beella liñi niê bee bene zeêe. Pero Diose uzeteê liêá nú la hualeea nú necha neca lu cuendaê niê tucu bee bene, niê nú riêa elliebacuê nú necha neca lu cuendaê beei. 29 Enzeêe, chenu ubixiahua liêá, chu nzela sin nú nia nú la lluêcha. ¿Nee, niarquia riêá beyaê xi rixiahua liêá? 30 Che uni Cornelio lulla: âNecala tucu tacu bichia leêca hora quieê, nzucuaêa nia sin nú acua equie nú rnacua lu Diose, tucu rquiechuna uche, tuênatsia ulubeêlu tucu niyu enu nutu laquie nú rulu siquiê lua. 31 Nu unilla: “Cornelio, Diose ubeneêlaê stichiaêlu, nu ulañiêlaênu lunú xa rriêilu elietsa lubee bene enu seca elitsi. 32 Enzeêe uxeêla bee benea eyeche Jope, chetucu Simón, enu leêca lee Pedro. Nzuculla niê tucu bene enu lee Simón, enu rcuêchi iti enu nzucu ruêu inzatuê. Pedro quieê ni xi riala riêilu." 33 Enzeêe chu uxeêla bee bene enu ubeêta tucu liêilu, nu uriêinzeêcalu nú uriñalu. Nu nee nelluaêa yeru caêa lu Diose liñibe para nú yeneêru lunú uxeêla Diose liêilu nú nilu luru. 34 Chequie uquixie Pedro nú unilla: âNee, rriêá beyaê nú tucutse rriêi Diose lu ye bee bene, nu la cañinu bee bene. 35 Xne tatse bee bene iliulabe enu sucuê Stichiaê Diose nu rriêilla tucu nú rialane, liêinu leêca rriêi casonu bene zeêe. 36 Diose unila lubee bene Israel, nu udixiuleêelanu lubeella nú equie cuendaê Jesucristo luêcu beella nú nzuxe arquiêbeella, liêinu enu rnibiyaê lu ye bee bene. 37 Nu liêihua nediyaêhua nú lulá nú uzeteê Juan Bautista bee bene equie cuendaê elurrinza, che uquixie Jesuse nú uzeteênu bee bene desde Galilea, hasta lubee iliu Judea. 38 Liêihua nediyaênzeêcahua nú udeteêla Diose EspÃritu Santo cuna poder lu Jesuse Nazaret, cuna nú uyanzenu nu uriêinu nú neca nzeêca nu uriêiyecanu ye bee bene enu nehuana seca lunú rriêi bezeêlu. Uriêinu nucuaê xne nzu Diose cuna liêinu. 39 Nu liêiru ulañiêru lu ye nú uriêi Jesuse diqui lu iliu Judea, cuna eyeche Jerusalén. Cheela unguuti bee bene liêinu, lu cruse. 40 Pero uriêi Diose nú uhuañi zecanu bichia rriuna, nu utsanaê Diose nú ulubeêlunu luru. 41 Né lubeêlunu lu ye bee bene, ulubeêlutsianu luru enu ucañila Diose hasta huaêtu para nú ulañiêru ye nú uriêinu. Liêiru udaêcunuru liêinu nu udiyaênuru liêinu chenu uhuañi zecanu nú ungutinu. 42 Lu zeêela uxeêla Jesuse liêiru para nú dixiuleêeru stichiaênu lubee bene, nu uduê Diose liêinu para nú hualunue lu cuendaê bee bene chenu deteê beei cuenda lu Diose, sia bee bene enu nehuañi, urre sia bee bene enu unguti. 43 Leêca hasta huaêtu, ye bee profeta uni lu cuendaê Jesuse, nu ye bee bene enu chili arquiê liêinu riêinu perdona stula beella. 44 Rniscaêlá Pedro lubee bene zeêe, chenu tuênatsia uyucu arquiêbeella EspÃritu Santo. 45 Chequie bee bene Israel enu nzeli arquiê Jesucristo enu uyanu Pedro, chiquiê uyanu arquiêbeella xne leêcanuu bee bene enu la neca bee bene Israel uyucu arquiêbeella EspÃritu Santo. 46 Xne ubeneêbeella nú rni bee bene zeêe stucu bee dialu rene, nu rnibeella bedichiaê nzeêca lu Diose. 47 Chequie uni Pedro lubeella: â¿Ti cá nú rinza bee benequieê xne uyucula arquiêbeella EspÃritu Santo tucu nú uyucu arquiaêahua EspÃritu Santo? 48 Nu unibiyaê Pedro nú rinza beella lunú lee Jesucristo. Cheelá uziquie beella lu Pedro nú yaênalla cuna liêibeella xiucu xuna bichia.